SJ WorldNews - шаблон joomla Авто

မြန်မာ-တရုတ် နှစ်နိုင်ငံဆက်ဆံရေးနှင့် ချစ်ကြည်ရင်းနှီးမှု တိုးမြှင့်ဖော်ဆောင်ရေး ဆွေးနွေး

Saturday, 21 September 2019 15:15 font size decrease font size decrease font size increase font size increase font size

နန်နင်း စက်တင်ဘာ ၂ဝ

ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ ဦးမြင့်ဆွေနှင့် တရုတ်ပြည်သူ့ သမ္မတနိုင်ငံ ဒုတိယ ဝန်ကြီးချုပ် Mr. Han Zheng  တို့သည် ယနေ့ဒေသ စံတော်ချိန် ညနေ ၅ နာရီတွင် နန်နင်းမြို့ရှိ Li Yuan International Conference Center ၌ တွေ့ဆုံ ဆွေးနွေးကြသည်။

တွေ့ဆုံစဉ်  နှစ်နိုင်ငံ ဆက်ဆံရေးနှင့် ချစ်ကြည်ရင်းနှီးမှု တိုးမြှင့်ဖော်ဆောင်ရေး၊  နှစ်နိုင်ငံခေါင်းဆောင်များ အကြား အပြန်အလှန်ချစ်ကြည်ရေး ခရီးစဉ်များ တိုးမြှင့်ဆောင်ရွက်ရေး၊ ရပ်ဝန်းနှင့် ပိုးလမ်းမဆိုင်ရာ စီမံကိန်းများ အကောင်အထည်ဖော် ဆောင်ရွက်ရေး၊စိုက်ပျိုးရေးဆိုင်ရာ ပူးပေါင်းဆောင်ရွက်ရေး၊ ဆန်စပါး၊ ပဲ၊ ပြောင်း၊ သကြား၊ သစ်သီးဝလံနှင့် ရေထွက်ကုန်များ တိုးမြှင့်တင်ပို့နိုင်ရေး၊ ကုန်သွယ်ရေးနှင့် ရင်းနှီးမြှုပ်နှံမှုများ တိုးမြှင့် ဆောင်ရွက်ရေး၊   နည်းပညာနှင့် လေ့ကျင့်ရေးဆိုင်ရာများ အကူအညီပေးရေး၊ မြန်မာနိုင်ငံ၏ ပြည်တွင်း ငြိမ်းချမ်းရေး လုပ်ငန်းစဉ်ဆိုင်ရာကိစ္စရပ်များ၊ ပြည်သူများ၏ လူမှုစီးပွားဘဝဖွံ့ဖြိုး တိုးတက်ရေးဆိုင်ရာများနှင့် စပ်လျဉ်း၍  ဆွေးနွေးကြသည်။

အဆိုပါ တွေ့ဆုံပွဲသို့ ပြည်ထောင်စုဝန်ကြီး ဒေါက်တာသန်းမြင့်၊ တရုတ်ပြည်သူ့သမ္မတ နိုင်ငံဆိုင်ရာ မြန်မာသံ အမတ်ကြီး ဦးမျိုးသန့်ဖေ၊ မြန်မာကောင်စစ်ဝန်ချုပ် ဦးစိုးသက်နောင်၊ စီးပွားရေးနှင့် ကူးသန်းရောင်းဝယ်ရေး ဝန်ကြီး ဌာန အမြဲတမ်းအတွင်းဝန် ဦးအောင်စိုးနှင့် တာဝန်ရှိသူများ တက်ရောက်ကြသည်။

ညပိုင်းတွင် ဒုတိယသမ္မတသည် အဖွဲ့ဝင်များနှင့်အတူ တရုတ်နိုင်ငံအစိုးရက Li Yuan International Conference Center ၌ တည်ခင်းဧည့်ခံသည့်   ဂုဏ်ပြုညစာစားပွဲ အခမ်းအနားသို့ တက်ရောက် ခဲ့ကြောင်း သိရ သည်။                     

(သတင်းစဉ်)

Read 77 times Last modified on Saturday, 21 September 2019 15:25