SJ WorldNews - шаблон joomla Авто

သိန်းနီမြို့နယ်အတွင်း လုံခြုံရေးနှင့် အုပ်ချုပ်မှုကိစ္စရပ်များ ဆောင်ရွက်နေသော တပ်မတော် ယာဉ်တန်းအား TNLA အကြမ်းဖက်သောင်းကျန်းသူများက ပစ်ခတ်တိုက်ခိုက်

Wednesday, 09 October 2019 21:59 font size decrease font size decrease font size increase font size increase font size

နေပြည်တော် ၊ အောက်တိုဘာ - ၉

ရှမ်းပြည်နယ်(မြောက်ပိုင်း)၊ သိန်းနီမြို့နယ်အတွင်း လုံခြုံရေးနှင့်အုပ်ချုပ်မှုကိစ္စများ ဆောင်ရွက်ရန် သိန်းနီမြို့ကို ဖြတ်သန်းသွားလာခဲ့သည့် တပ်မတော်ယာဉ်တန်းအား ယနေ့နံနက် ၆ နာရီခွဲခန့်တွင် TNLA အကြမ်းဖက် သောင်းကျန်းသူအဖွဲ့က သိန်းနီမြို့တွင်းရှိ လူနေရပ်ကွက်၊ အဆောက်အဦများအား အကာအကွယ်ရယူ၍ လက်နက်ကြီး၊ လက်နက်ငယ်များဖြင့် ပစ်ခတ်တိုက်ခိုက်ခဲ့သဖြင့် ပြန်လည်ပစ်ခတ်တိုက်ခိုက်ခဲ့ရာ သောင်းကျန်းသူများ မြောက်ဘက်သို့ ဆုတ်ခွာထွက်ပြေးသွားခဲ့ပြီး မိမိဘက်မှ အရာရှိ/ စစ်သည် အချို့ကျဆုံး၊ ထိခိုက်ဒဏ်ရာရရှိခဲ့သည်။

ထိုသို့ အကြမ်းဖက်သောင်းကျန်းသူများက မြို့အတွင်း ဝင်ရောက်ပစ်ခတ်မှု ဖြစ်စဉ်ကြောင့် နေအိမ် အဆောက်အဦအချို့ ထိခိုက်ပျက်စီးခဲ့ပြီး အပြစ်မဲ့ အရပ်သား အချို့ထိခိုက်ဒဏ်ရာ ရရှိမှုများ ဖြစ်ပေါ်ခဲ့သည်။

အဆိုပါ နယ်မြေတစ်ဝိုက်အား တပ်မတော်စစ်ကြောင်းများက နယ်မြေလုံခြုံရေးနှင့် နယ်မြေစိုးမိုးရေး လုပ်ငန်းများ ဆက်လက်ဆောင်ရွက်လျက်ရှိကြောင်း သတင်းရရှိသည်။

 

 

Read 36 times Last modified on Wednesday, 09 October 2019 22:05