SJ WorldNews - шаблон joomla Авто

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး၏ အမှုဆောင် ကော်မတီ အစည်းအဝေးသို့ မြန်မာကိုယ်စားလှယ်အဖွဲ့ တက်ရောက်

Thursday, 10 October 2019 08:48 font size decrease font size decrease font size increase font size increase font size

နေပြည်တော်   အောက်တိုဘာ  

(၇ဝ)ကြိမ်မြောက် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး(UNHCR)၏ အမှုဆောင်ကော်မတီ အစည်းအဝေးဖွင့်ပွဲ အခမ်းအနားကို ဆွစ်ဇာလန်နိုင်ငံ ဂျီနီဗာမြို့ရှိ ကုလသမဂ္ဂ အဆောက်အအုံ Assembly Hall၌ အောက်တိုဘာ ၇ ရက် နံနက် ၁ဝ နာရီကကျင်းပရာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန  ပြည်ထောင်စုဝန်ကြီး  ဒေါက်တာဝင်းမြတ်အေး ဦးဆောင်သော မြန်မာကိုယ်စားလှယ်အဖွဲ့ ပါဝင်တက်ရောက်ခဲ့သည်။

ဖွင့်ပွဲအခမ်းအနားတွင်   ကုလသမဂ္ဂ ဒုတိယအထွေထွေ အတွင်းရေးမှူးချုပ် Ms. Amina J. Mohammed နှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးဖြစ်သူ Mr. Filippo Grandi တို့က အဖွင့်အမှာစကား ပြောကြားသည်။ အောက်တိုဘာ ၇ ရက်မှ ၁၁ ရက်အထိ ငါးရက်ကြာ ကျင်းပမည့် အစည်းအဝေးတွင် နိုင်ငံမဲ့ခြင်းဆိုင်ရာ အဆင့်မြင့်ဆွေးနွေးပွဲနှင့်   အထွေထွေဆွေးနွေးခြင်း ကဏ္ဍတွင် ကုလသမဂ္ဂ အဖွဲ့ဝင်နိုင်ငံများက နိုင်ငံအလိုက် တင်ပြခြင်း၊ Nansen ဒုက္ခသည်ဆိုင်ရာ   ဆုချီးမြှင့်ပွဲ အခမ်းအနားနှင့် သီးခြားဆွေးနွေးပွဲ (side event) အစီအစဉ်များ ပါဝင်သည်။

မြန်မာကိုယ်စားလှယ်အဖွဲ့ ခေါင်းဆောင် လူမှုဝန်ထမ်း၊  ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စု ဝန်ကြီးက အောက်တိုဘာ ၈ ရက် နံနက်ပိုင်းတွင် မြန်မာနိုင်ငံ၏ တင်ပြချက်ကို ဖတ်ကြား တင်သွင်းရာ မြန်မာနိုင်ငံသည် ၁၉၅၄ ခုနှစ် နိုင်ငံမဲ့များ၏ အဆင့်အတန်းဆိုင်ရာ ကွန်ဗင်းရှင်းနှင့် ၁၉၆၁ ခုနှစ် နိုင်ငံမဲ့များ လျှော့ချရေးဆိုင်ရာ ကွန်ဗင်းရှင်းများ၏ အဖွဲ့ဝင်နိုင်ငံ မဟုတ်သော်လည်း မြန်မာနိုင်ငံ အနေဖြင့် အပြည်ပြည်ဆိုင်ရာ  လူသားချင်းစာနာမှု စည်းမျဉ်းများကို အခြေခံ၍ လူ့အခွင့်အရေး အပြည့်အဝရရှိရေး ဆောင်ရွက်ရန် ကတိကဝတ်ပြုထားပြီး ဖြစ်ကြောင်း၊   မြန်မာနိုင်ငံ အနေဖြင့် (The Global Compact on  Migration )  ကမ္ဘာလုံးဆိုင်ရာ  ရွှေ့ပြောင်း သွားလာမှု စာချုပ်နှင့် UNHCR  မှ နိုင်ငံမဲ့များ လျှော့ချရေးအတွက် ဆောင်ရွက်လျက်ရှိသော (I  Belong Campaign)ကို ထောက်ခံကြောင်း၊ ယခုနှစ် မေလတွင် ကျင်းပခဲ့သည့် နိုင်ငံမဲ့မှုဆိုင်ရာ  အဆင့်မြင့် အစည်းအဝေးအတွက် အာရှ-ပစိဖိတ် ဒေသဆိုင်ရာ အကြိုညှိနှိုင်း အစည်းအဝေးကိုလည်း ပါဝင်တက်ရောက်ခဲ့ကြောင်း၊ မြန်မာနိုင်ငံသည် နှစ်ပေါင်း ၇ဝ ခန့် ပြည်တွင်း သောင်းကျန်းမှုကို ကြုံတွေ့ခဲ့ပြီး   စစ်အုပ်ချုပ်ရေးမှသည် ဒီမိုကရေစီစနစ်သို့ အသွင်ကူးပြောင်းသည်မှာ   ကာလမကြာသေးသော နိုင်ငံဖြစ်ကြောင်း၊ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးသည် အစိုးရ၏ အဓိကဦးစားပေး လုပ်ငန်းစဉ်ဖြစ်ပြီး လက်နက်ကိုင်ပဋိပက္ခများ အဆုံးသတ်နိုင်ပါက ပြည်တွင်းနှင့် နိုင်ငံဖြတ်ကျော် နေရပ်စွန့်ခွာမှုများကို ဖြေရှင်းနိုင်မည်ဟု ယုံကြည်ကြောင်း၊ မြန်မာနိုင်ငံ အနေဖြင့် ၁၉၈၂ ခုနှစ် မြန်မာနိုင်ငံသား ဥပဒေနှင့်အညီ အထောက်အထားမဲ့သူများကို National Verification Card(NVC) ကတ်များ ထုတ်ပေးလျက်ရှိပြီး ယင်း(NVC)ကတ်မှာ တစ်နိုင်ငံလုံးတွင် ကျင့်သုံးနေသော  လုပ်ငန်းစဉ်တစ်ခုဖြစ်ကြောင်း၊  (NVC)သည်  နိုင်ငံသား လျှောက်ထားမှုအတွက် လမ်းကြောင်းအစဖြစ်ကြောင်း၊ မြန်မာနိုင်ငံ၏  ကလေးသူငယ် အခွင့်အရေးဆိုင်ရာ ဥပဒေသည် လူမျိုး၊ ဘာသာ၊ ကျား/မမရွေး    မွေးဖွားသည့် ကလေးအားလုံးအတွက် မွေးစာရင်း ရရှိရေးကို အာမခံချက် ပေးထားကြောင်း၊ ''မည်သည့်ကလေးမှ မကျန်ရစ်စေရ''(No child left behind) ရည်မှန်းချက်နှင့်အညီ    နိုင်ငံတစ်ဝန်း မွေးစာရင်းရရှိရေး ဆောင်ရွက်ပေးလျက်ရှိကြောင်း၊ ဝေးလံသော ဒေသများသို့ ရွေ့လျားအဖွဲ့များ စေလွှတ်၍ မွေးစာရင်းထုတ်ပေးရေး လုပ်ငန်းများ   ဆောင်ရွက်နေသကဲ့သို့ တိုင်းဒေသကြီး/ပြည်နယ် အချို့အတွက်လည်း အွန်လိုင်းစနစ်ဖြင့်  အခမဲ့မွေးစာရင်းနှင့် သေစာရင်းလျှောက်ထားမှု စီမံကိန်းများ စတင်နေပြီဖြစ်ကြောင်း၊ ၂ဝ၁၆ ခုနှစ်နှင့် ၂ဝ၁၇ ခုနှစ်တွင်ဖြစ်ပွားခဲ့သော ARSA တိုက်ခိုက်မှုများကြောင့် နေရပ်စွန့်ခွာ သွားသူများကို ပြန်လည်လက်ခံရန် မြန်မာနိုင်ငံ အနေဖြင့် အသင့်ရှိကြောင်း၊ ရခိုင်ပြည်နယ်မှ ကော့ဘဇားသို့ နေရပ်စွန့်ခွာသွားသူများသည် မြန်မာနိုင်ငံသား ဥပဒေအရ  နိုင်ငံသား အဆင့်အတန်း အမျိုးမျိုးဖြစ်ကြောင်း၊ ၎င်းတို့အားလုံးအား နိုင်ငံမဲ့ဟု သတ်မှတ်၍ မရကြောင်း၊  ၎င်းတို့ထဲတွင်  မည်သည့်အထောက်အထားမျှ မရှိပါကNVC ကတ် ဦးစွာ ကိုင်ဆောင်ရမည်ဖြစ်ကြောင်း၊ NVC ကိုင်ဆောင်ပြီး နိုင်ငံသားစိစစ်ရေး လျှောက်ထားနိုင်ကြောင်း၊  လွတ်လပ်စွာ သွားလာခွင့်တွင် လူမှုရေးအရ အဟန့်အတားများ ရှိသည်ကို ကျွန်ုပ်တို့လျစ်လျူမရှုကြောင်း၊ သို့ဖြစ်၍ အသိုက်အဝန်းများအကြား ယုံကြည်မှု တည်ဆောက်ခြင်းနှင့် လူမှုသဟဇာတဖြစ်ရေး ကြိုးပမ်းနေကြောင်း၊ မြန်မာနိုင်ငံအနေဖြင့် နေရပ်စွန့်ခွာသူများ ပြန်လည်လက်ခံရေးသည် ဦးစားပေးလုပ်ငန်း ဖြစ်ကြောင်း၊ မြန်မာကိုယ်စားလှယ် အဖွဲ့အနေဖြင့် ကော့ဘဇားသို့  သုံးကြိမ်သွားရောက်ခဲ့ပြီး NVC ကိုင်ဆောင်ခြင်း အကျိုးကျေးဇူးများ၊ ပြန်လည်လက်ခံရေး အတွက် မြန်မာနိုင်ငံက ဆောင်ရွက်ထားရှိမှုများကို နေရပ်စွန့်ခွာသူများအား ရှင်းပြခဲ့ကြောင်း၊ မြန်မာ-ဘင်္ဂလားဒေ့ရှ် နှစ်နိုင်ငံ သဘောတူညီထားသည့် နေရပ်စွန့်ခွာသူများ ဖြည့်စွက်ရမည့် ပုံစံများနှင့် သတင်းအချက်အလက်များသည် ကော့ဘဇားရှိ ဒုက္ခသည်စခန်းများသို့ မရောက်ရှိသည်ကို  ယင်းခရီးစဉ်တွင် သိရှိခဲ့ရကြောင်း၊ သို့ဖြစ်၍ ပြန်လည်လက်ခံရေး လုပ်ငန်းစဉ်နှင့် NVC ကိုင်ဆောင်ခြင်း၏ အကျိုးကျေးဇူးများပါဝင်သည့် သတင်းလွှာများကို နောက်ခရီးစဉ်တွင် ဖြန့်ဝေခဲ့ကြောင်း၊ ၎င်းစခန်းများတွင် နေရပ်စွန့်ခွာသူများ နေရပ်ပြန်ရေး မအောင်မြင်အောင် ဟန့်တား နှောင့်ယှက်မှုများ ရှိသည်ကို သတိပြုမိကြောင်း၊ အဟန့်အတားများ ရှိသော်လည်း ကော့ဘဇားမှ နေရပ်စွန့်ခွာသူ ၃ဝဝ ကျော်သည် ၎င်းတို့၏ သဘောဆန္ဒအရ မြန်မာနိုင်ငံသို့ ပြန်လည် ဝင်ရောက်ခဲ့ကြောင်း၊ ကော့ဘဇားရှိ   နေရပ်စွန့်ခွာသူများတွင် မြန်မာနိုင်ငံသို့ပြန်လာလိုသည့်    ဟိန္ဒူဘာသာဝင် ၄ဝဝ ကျော်ကို  ပြန်ခွင့်ပြုသင့်ကြောင်း၊ ပြန်လည် ဝင်ရောက်လာသူများအတွက် လုံခြုံစိတ်ချရသည့် အခြေအနေများ ဖန်တီးနိုင်ရေး   ဆောင်ရွက်လျက်ရှိကြောင်း၊  ရခိုင်ပြည်နယ်ဆိုင်ရာ  အကြံပြု ချက်များကို အကောင်အထည်ဖော်လျက် ရှိသကဲ့သို့ လူသားချင်း စာနာမှုအကူအညီ ပေးရေး၊ ပြန်လည်နေရာချထားရေးနှင့် ဖွံ့ဖြိုးရေး ပြည်ထောင်စု စီမံကိန်း(UEHRD)အရလည်း ပြန်လည်လက်ခံရေးနှင့်  ပြန်လည်နေရာချထားရေး လုပ်ငန်းများကို အကောင်အထည် ဖော်လျက်ရှိကြောင်း၊ အာဆီယံ အနေဖြင့်လည်း   မြန်မာနိုင်ငံ၏ ပြန်လည်လက်ခံရေး လုပ်ငန်းစဉ်တွင် ပူးပေါင်းပါဝင်လျက် ရှိကြောင်း၊ ကုလသမဂ္ဂ ဖွံ့ဖြိုးမှု အစီအစဉ်(UNDP)နှင့် ကုလသမဂ္ဂ ဒုက္ခသည်များဆိုင်ရာ   မဟာမင်းကြီးရုံး (UNHCR)တို့သည် မြန်မာနိုင်ငံနှင့် ရေးထိုးထားသော   နားလည်မှု စာချွန်လွှာအရ ထိရောက်မှု မြန်ဆန်သည့် စီမံကိန်း ၃၄ ခုဆောင်ရွက်လျက်ရှိကြောင်း၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနအနေဖြင့်လည်း ပြန်လည်ဝင်ရောက်သူများ၏ အခြေခံ လိုအပ်ချက်များ ဖြည့်ဆည်းနိုင်ရေး အစီအစဉ်များကို UNHCR နှင့် ပူးပေါင်း ဆောင်ရွက်လျက်ရှိကြောင်း၊ ပြည်တွင်းနေရပ် စွန့်ခွာသူများ ပြန်လည်နေရာ ချထားရေးနှင့် ယာယီခိုလှုံရာ စခန်းများ ပိတ်သိမ်းရေးဆိုင်ရာ အမျိုးသားအဆင့် မဟာဗျူဟာကို အတည်ပြုပြီးဖြစ်၍ ဒေသအလိုက် စီမံချက်များ ချမှတ်၍ အကောင်အထည်ဖော် ဆောင်ရွက်သွားမည်ဖြစ်ကြောင်း၊ မြန်မာနိုင်ငံသည် ဒီမိုကရေစီ အကူးအပြောင်း ကာလတွင်  စိန်ခေါ်မှုများစွာ ရင်ဆိုင်နေရကြောင်း၊ ရခိုင်ပြည်နယ် အရေးသည် ရှုပ်ထွေးသော စိန်ခေါ်မှုတစ်ခုဖြစ်ကြောင်း၊   ရခိုင်ပြည်နယ်၏ ပြဿနာသည် ကိုလိုနီခေတ်မှစ၍ အမြစ်တွယ်လာပြီး   ထိလွယ်ရှလွယ်သဖြင့် ကိစ္စရပ် တစ်ခုတည်းအဖြစ်   သီးခြားစဉ်းစား၍ မရကြောင်း၊   ဘက်ပေါင်းစုံမှ   ချဉ်းကပ်ရှုမြင်ရမည်ဖြစ်သကဲ့သို့ လူမှုအသိုက်အဝန်း အားလုံး၏အသံကို နားထောင်ရမည်ဖြစ်ကြောင်း၊    မြန်မာနိုင်ငံအနေဖြင့် ရေရှည်တည်ငြိမ် အေးချမ်း၍   စဉ်ဆက်မပြတ် ဖွံ့ဖြိုးတိုးတက်မှု ရရှိစေရေးအတွက် ဘက်ပေါင်းစုံမှ ချဉ်းကပ် ဆောင်ရွက်နေကြောင်း၊ ပြန်လည်လက်ခံရေး လုပ်ငန်းစဉ် အောင်မြင်စေရေးအတွက် မြန်မာနိုင်ငံအနေဖြင့် အမှန်တကယ် ဆန္ဒရှိပြီး နှစ်နိုင်ငံ သဘောတူညီချက်များနှင့်အညီ ကြိုးပမ်းဆောင်ရွက် သွားမည်ဖြစ်ကြောင်း၊ မြန်မာနိုင်ငံအနေဖြင့် မိတ်ဆွေနိုင်ငံများနှင့် မိတ်ဖက် အဖွဲ့အစည်းများ၏ ကူညီထောက်ပံ့မှုများကို အသိအမှတ်ပြု ကျေးဇူးတင်ရှိကြောင်း၊ နေရပ်စွန့်ခွာသူများ လုံခြုံစိတ်ချရပြီး ဂုဏ်သိက္ခာရှိစွာ ဘဝ ရပ်တည်နိုင်ရေးအတွက်    နိုင်ငံတကာ အသိုင်းအဝိုင်း၏ လက်တွေ့ကျသော ကူညီမှုနှင့် အပြုသဘောဆောင်သော ပူးပေါင်းဆောင်ရွက်မှုများကို မျှော်လင့်ကြောင်း ပြောကြားသည်။

အဆိုပါ အစည်းအဝေးသို့  UNHCR အမှုဆောင်ကော်မတီ အဖွဲ့ဝင်နိုင်ငံများ၊ အဖွဲ့ဝင်မဟုတ်သော နိုင်ငံများ၊ လေ့လာသူများ၊ကုလသမဂ္ဂ အဖွဲ့အစည်းများနှင့် အစိုးရ မဟုတ်သော အဖွဲ့အစည်းများ ပါဝင် တက်ရောက်ခဲ့ပြီး အစည်းအဝေးကို အောက်တိုဘာ ၁၁ ရက်အထိ ဆက်လက် ကျင်းပသွားမည်ဖြစ်ကြောင်း သတင်းရရှိသည်။                         

Read 32 times Last modified on Thursday, 10 October 2019 08:49