SJ WorldNews - шаблон joomla Авто

အင်ဒိုနီးရှား သမ္မတနိုင်ငံ အစိုးရသစ်ကျမ်းသစ္စာ ကျိန်ဆိုပွဲ အခမ်းအနား ကျင်းပ

Monday, 21 October 2019 08:54 font size decrease font size decrease font size increase font size increase font size

ဂျကာတာ  အောက်တိုဘာ  ၂ဝ

အင်ဒိုနီးရှားသမ္မတနိုင်ငံ ဂျကာတာမြို့တွင် ရောက်ရှိနေသည့်    ဒုတိယသမ္မတ ဦးဟင်နရီဗန်ထီးယူသည် ယနေ့ညနေ ၃ နာရီခွဲတွင်   ဂျကာတာမြို့ရှိ   ပြည်သူ့ အတိုင်ပင်ခံ လွှတ်တော်၌ ကျင်းပသည့် အင်ဒိုနီးရှား သမ္မတနိုင်ငံ အစိုးရသစ်ကျမ်းသစ္စာ ကျိန်ဆိုပွဲ အခမ်းအနားသို့ တက်ရောက်သည်။

အခမ်းအနားတွင် အင်ဒိုနီးရှား သမ္မတနိုင်ငံ သမ္မတအဖြစ် ရွေးချယ်တင်မြှောက်ခံရသည့် သမ္မတမစ္စတာဂျိုကိုဝီဒိုဒိုနှင့် ဒုတိယသမ္မတအဖြစ် ရွေးချယ် တင်မြှောက်ခံရသည့် ဒုတိယသမ္မတ မစ္စတာမာရုဖ်အာမင်တို့က အင်ဒိုနီးရှားနိုင်ငံ   ပြည်သူ့အတိုင်ပင်ခံ လွှတ်တော်ဥက္ကဋ္ဌနှင့် လွှတ်တော်ကိုယ်စားလှယ်များ ရှေ့မှောက်၌ ကျမ်းသစ္စာ ကျိန်ဆိုကြသည်။

ထို့နောက်  အင်ဒိုနီးရှား သမ္မတနိုင်ငံ သမ္မတမစ္စတာဂျိုကိုဝီဒိုဒိုက   မိန့်ခွန်းပြောကြားသည်။

ယင်းနောက် အင်ဒိုနီးရှား သမ္မတနိုင်ငံ သမ္မတ မစ္စတာဂျိုကိုဝီဒိုဒိုနှင့် ဒုတိယသမ္မတ မစ္စတာမာရုဖ်အာမင်တို့အား ကျမ်းသစ္စာကျိန်ဆိုပွဲသို့ တက်ရောက်လာကြသည့် အာဆီယံနိုင်ငံများမှ နိုင်ငံအကြီးအကဲများ၊ အစိုးရအဖွဲ့ အကြီးအကဲများ၊ အာဆီယံနှင့် မိတ်ဖက်နိုင်ငံများမှ အစိုးရအဖွဲ့ အကြီးအကဲများနှင့် တာဝန်ရှိသူများက တစ်ဦးချင်းအလှည့်ကျ နှုတ်ဆက်ကြရာ ဒုတိယသမ္မတ ဦးဟင်နရီဗန်ထီးယူကလည်း အင်ဒိုနီးရှား နိုင်ငံသမ္မတနှင့် ဒုတိယသမ္မတတို့အား ရင်းရင်းနှီးနှီး နှုတ်ဆက်ပြီး ဂုဏ်ယူဝမ်းမြောက် စကားပြောကြားသည်။

ကျမ်းသစ္စာကျိန်ဆိုပွဲ အခမ်းအနားသို့ ဘရူနိုင်းဒါရုဆလမ်နိုင်ငံ ဘုရင်မင်းမြတ် ဆူလ်တန်ဟာဂျီဟာဆာနယ်လ် ဘိုလ်ကီးယားမူအစ်ဇာဒင် ဝါဒူလာ၊ စင်ကာပူနိုင်ငံ ဝန်ကြီးချုပ် မစ္စတာလီရှန်လုံး၊ မလေးရှားနိုင်ငံ ဝန်ကြီးချုပ် မစ္စတာမဟာသီယာမိုဟာမက်၊ ကမ္ဘောဒီးယားနိုင်ငံ ဝန်ကြီးချုပ် မစ္စတာဆမ်ဒက်ဟွန်ဆန်၊  သြစတြေးလျနိုင်ငံ ဝန်ကြီးချုပ်  မစ္စတာစကော့မောရစ်ဆင်၊ တရုတ်ပြည်သူ့ သမ္မတနိုင်ငံ ဒုတိယသမ္မတ Mr. Wang Qishan ၊ ဗီယက်နမ်ဆိုရှယ်လစ် သမ္မတနိုင်ငံ ဒုတိယသမ္မတ Mrs. Dang Thi Ngoc Thinh ၊ ထိုင်းနိုင်ငံ ဒုတိယ ဝန်ကြီးချုပ် Mr. WissanuKrea-ngam အာဆီယံနှင့် မိတ်ဖက်နိုင်ငံများမှ အစိုးရအဖွဲ့အကြီးအကဲများ၊ ကိုယ်စားလှယ်များ၊ အာဆီယံနိုင်ငံများမှ ဝန်ကြီးများ၊ ဒုတိယဝန်ကြီးများ၊ အဆင့်မြင့် အရာရှိကြီးများ၊ နိုင်ငံတကာ သံတမန်များ၊ အင်ဒိုနီးရှားနိုင်ငံ လွှတ်တော်ကိုယ်စားလှယ်များ၊ တာဝန်ရှိသူများနှင့် ဖိတ်ကြားထားသူများ တက်ရောက် ကြသည်။

ဒုတိယသမ္မတ ဦးဟင်နရီဗန်ထီးယူနှင့် အဖွဲ့သည် ယနေ့နံနက်ပိုင်းတွင် ဂျကာတာမြို့ရှိ   တမန်းမီနီယဉ်ကျေးမှု ဥယျာဉ်သို့ ရောက်ရှိကြပြီး   တမန်းမီနီယဉ်ကျေးမှု ဥယျာဉ်ဝင်းအတွင်းရှိ အင်ဒိုနီးရှား ယဉ်ကျေးမှုပြတိုက်အတွင်းပြသ ထားသည့် အင်ဒိုနီးရှား တိုင်းရင်းသားများ၏ ရိုးရာယဉ်ကျေးမှု ပြခန်းများအား လိုက်လံကြည့်ရှုကာ ပြတိုက်၏ ဧည့်သည်တော်မှတ်တမ်းတွင် လက်မှတ်ရေးထိုးပြီး ပြတိုက်တာဝန်ရှိသူနှင့် အမှတ်တရ လက်ဆောင်ပစ္စည်း   အပြန်အလှန်ပေးအပ်သည်။

ဆက်လက်၍  ဒုတိယသမ္မတသည် ဆူမားတြား(အနောက်) ပြတိုက်သို့ ရောက်ရှိပြီး ပြတိုက်အတွင်း ဆူမားတြားပြည်နယ်၏ တိုင်းရင်းသားရိုးရာ အသုံးအဆောင်ပစ္စည်းများအား လိုက်လံကြည့်ရှုကာ တိုင်းရင်းသား၊ တိုင်းရင်းသူ များ၏ ရိုးရာယဉ်ကျေးမှု အကများကို ကြည့်ရှုအားပေးသည်။

ယင်းနောက် ဒုတိယသမ္မတသည်အား ချေးပြတိုက်သို့ ရောက်ရှိပြီး အင်ဒိုနီးရှားနိုင်ငံ လွတ်လပ်ရေးကြိုးပမ်းမှု ကာလတွင် အသုံးပြုခဲ့သည့် Dakota Rl-001  Seulawah လေယာဉ်နှင့်  ပြတိုက်အတွင်း ပြသထားရှိမှုများကို လိုက်လံကြည့်ရှုပြီး တာဝန်ရှိသူများနှင့်     အမှတ်တရလက်ဆောင် ပစ္စည်းများ အပြန်အလှန် ပေးအပ်သည်။

တမန်းမီနီယဉ်ကျေးမှု ဥယျာဉ်ကို ၁၉၇၅ ခုနှစ်တွင် စတင်ဖွင့်လှစ်ခဲ့ပြီး ဥယျာဉ်အတွင်း အင်ဒိုနီးရှားနိုင်ငံရှိ ပြည်နယ်ဒေသများ၏ ရိုးရာယဉ်ကျေးမှုပြခန်းများကို တည်ဆောက် ထားကာ ပြခန်းများတွင် သက်ဆိုင်ရာ ဒေသခံများ၏ လူနေမှုဘဝများကို ထင်ဟပ်စေသည့် အသုံးအဆောင်ပစ္စည်းများ၊ လက်ထပ်ဝတ်စုံများ၊   အဆို၊    အကသုံး တူရိယာများနှင့် ရိုးရာယဉ်ကျေးမှု ဝတ်စုံများကို ပြသထားသည်။

ထို့နောက် ဒုတိယသမ္မတသည် အာဆီယံဆိုင်ရာ မြန်မာအမြဲတမ်း ကိုယ်စားလှယ် ဦးမင်းလွင်က တည်ခင်းဧည့်ခံသည့် နေ့လယ်စာစားပွဲသို့ တက်ရောက်သည်။

(သတင်းစဉ်)

Read 126 times Last modified on Monday, 21 October 2019 09:01