SJ WorldNews - шаблон joomla Авто

နိုင်ငံတော် သမ္မတ ဦးဝင်းမြင့် အပြည်ပြည်ဆိုင်ရာ အဂတိ လိုက်စားမှု တိုက်ဖျက်ရေးနေ့ အထိမ်းအမှတ် အခမ်းအနားသို့ သဝဏ်လွှာ ပေးပို့

Monday, 09 December 2019 08:43 font size decrease font size decrease font size increase font size increase font size

နိုင်ငံတော် သမ္မတ ဦးဝင်းမြင့် အပြည်ပြည်ဆိုင်ရာ အဂတိ လိုက်စားမှု တိုက်ဖျက်ရေးနေ့ အထိမ်းအမှတ် အခမ်းအနားသို့ သဝဏ်လွှာ ပေးပို့

နိုင်ငံတော် သမ္မတ ဦးဝင်းမြင့်က အပြည်ပြည်ဆိုင်ရာ အဂတိ လိုက်စားမှု တိုက်ဖျက်ရေးနေ့ အထိမ်းအမှတ် အခမ်းအနား သို့ ပေးပို့သည့် သဝဏ်လွှာ အပြည့်အစုံမှာ အောက်ပါ အတိုိင်းဖြစ်ပါသည်-

ပြည်ထောင်စု သမ္မတ မြန်မာနိုင်ငံတော်  နိုင်ငံတော် သမ္မတ ဦးဝင်းမြင့်ထံမှ အပြည်ပြည်ဆိုင်ရာ အဂတိ လိုက်စားမှု တိုက်ဖျက် ရေးနေ့  အထိမ်း အမှတ် အခမ်းအနားသို့ ပေးပို့သည့် သဝဏ်လွှာ

(၂ဝ၁၉ ခုနှစ်၊ ဒီဇင်ဘာလ ၉ ရက်)

ဒီဇင်ဘာလ ၉ ရက်နေ့တွင် ကျရောက်သော  အပြည်ပြည်ဆိုင်ရာ အဂတိ လိုက်စားမှု တိုက်ဖျက်ရေးနေ့ အထိမ်းအမှတ် အခမ်းအနားနှင့်  ကုလသမဂ္ဂအဂတိလိုက်စားမှုတိုက်ဖျက်ရေးကွန်ဗင်းရှင်း၏ (၁၆)နှစ်ပြည့် အခါသမယသို့ ကြွရောက် လာကြသည့် ပုဂ္ဂိုလ်များအား ပြည်ထောင်စု သမ္မတ မြန်မာနိုင်ငံတော် ကိုယ်စား ဆုမွန်ကောင်းများပို့သလိုက်ပါသည်။

အပြည်ပြည်ဆိုင်ရာ အဂတိလိုက်စားမှုတိုက်ဖျက်ရေးနေ့အထိမ်းအမှတ်အခမ်းအနားကို ကမ္ဘာ့အသိုက်အဝန်း အတွင်း ကွန်ဗင်းရှင်း အဖွဲ့ဝင် နိုင်ငံများနည်းတူ မိမိတို့ မြန်မာနိုင်ငံကလည်း ခမ်းနားသိုက်မြိုက်စွာ ကျင်းပနိုင်ခြင်းအတွက် များစွာ ဂုဏ်ယူဝမ်းမြောက်မိပါသည်။ ယခုနှစ်တွင် ယခင်နှစ်များကထက် ပိုမိုကျယ်ပြန့်စွာဖြင့် မြန်မာနိုင်ငံတစ်ဝန်း နေပြည်တော် ကောင်စီနယ်မြေ အပါအဝင် တိုင်းဒေသကြီးနှင့် ပြည်နယ်များအားလုံးတို့တွင် ကျင်းပနိုင်ခြင်းဖြစ်သည့် အတွက် ပိုမို၍ ကျေနပ် အားရမိပါသည်။

နိုင်ငံတော်အစိုးရ အနေဖြင့် မိမိတို့နိုင်ငံအား ရေရှည်တည်တံ့ ခိုင်မြဲပြီး တည်ငြိမ်အေးချမ်း၍ ခေတ်မီဖွံ့ဖြိုးတိုးတက်သည့် ဒီမိုကရေစီဖက်ဒရယ် ပြည်ထောင်စုကြီးအဖြစ် ပေါ်ထွန်းလာရေးအတွက် အမျိုးသား ပြန်လည် သင့်မြတ်ရေးနှင့် ငြိမ်းချမ်းရေး လုပ်ငန်းစဉ်နှင့် နိုင်ငံတော်၏ စီးပွားရေး မူဝါဒများ    အကောင်အထည်ဖော်ခြင်းတို့ကို   အားလုံးပူးပေါင်း ပါဝင်သည့်  ပြည်သူ အခြေပြု နည်းလမ်းများဖြင့် နိုင်ငံတော်ပြုပြင် ပြောင်းလဲရေးနှင့် တည်ဆောက်ရေးခရီး လမ်းအား လျှောက်လှမ်း လျက်ရှိပါသည်။ ထိုခရီး လမ်းတွင် နှစ်ကာလရှည်ကြာစွာ အမြစ်တွယ် ရှင်သန်နေသည့် အဂတိ လိုက်စားမှု ပြဿနာသည် အဓိကကျသည့် ခလုတ်တံသင်းဖြစ်နေသည်ဟု မိမိတို့အစိုးရက နားလည်သဘောပေါက် ထားသည့် အားလျော်စွာ နိုင်ငံရေး စိတ်ဆန္ဒပြင်းပြစွာဖြင့် အဂတိတရားကင်းစင်သည့် လူ့အသိုက်အဝန်း ဖြစ်ပေါ်လာရေး ရည်မှန်းလျက် အစဉ်တစိုက် ကြိုးပမ်းလျက် ရှိပါသည်။

မြန်မာနိုင်ငံသည် ကုလသမဂ္ဂအဂတိလိုက်စားမှုတိုက်ဖျက်ရေးကွန်ဗင်းရှင်းကို ၂ဝ၁၂ ခုနှစ်တွင် အတည်ပြုခဲ့ပြီးနောက် ၂ဝ၁၃ ခုနှစ်တွင် အဂတိ လိုက်စားမှုတိုက်ဖျက်ရေးဥပဒေကိုပြဋ္ဌာန်းခဲ့ပါသည်။ ၂ဝ၁၄ ခုနှစ်တွင်အဂတိလိုက်စားမှု တိုက်ဖျက် ရေး ကော်မရှင်ကို ဖွဲ့စည်းတာဝန် ပေးအပ်ခဲ့ပါသည်။ အဂတိလိုက်စားမှုကို ပိုမိုတိုက်ဖျက်နိုင်ရန် ၂ဝ၁၇ ခုနှစ်တွင် ကော်မရှင်ကို အသစ်ပြန်လည်ဖွဲ့စည်းခန့်အပ်ခဲ့ပါသည်။ အဂတိလိုက်စားမှု တိုက်ဖျက်ရေးကို အမျိုးသားရေး တာဝန်တစ်ရပ် အဖြစ်ဆောင်ရွက်ရေး၊ သန့်ရှင်းသောအစိုးရနှင့် ကောင်းမွန်သောအုပ်ချုပ်ရေးစနစ်ဖြစ်ထွန်းရေး၊ ဌာန ဆိုင်ရာ အဖွဲ့အစည်း အသီးသီးတွင် ဂုဏ်သိက္ခာနှင့် တာဝန်ယူနိုင်မှု မြင့်မား တိုးတက်လာရေး၊ နိုင်ငံတော်ပိုင် ပစ္စည်းများနှင့် ဘဏ္ဍာငွေများ လေလွင့်ဆုံးရှုံးမှုမရှိရေး၊  နိုင်ငံသားများ၏အကျိုးစီးပွားကို ထိခိုက်မှုမရှိ စေရေးတို့အတွက် ၂ဝ၁၈ ခုနှစ်တွင် အဂတိလိုက်စားမှု တိုက်ဖျက်ရေး ဥပဒေကို စတုတ္ထအကြိမ်ပြင်ဆင်ပြဋ္ဌာန်းနိုင်ခဲ့ပါသည်။ ယခုအခါ  ဥပဒေ မူဘောင်ပိုမိုခိုင်မာတောင့်တင်းလာသည့်အားလျော်စွာ အဂတိလိုက်စားမှု တိုက်ဖျက်ရေးကော်မရှင်အနေဖြင့်   လွတ်လပ် စွာ ကျယ်ကျယ်ပြန့်ပြန့် လုပ်ကိုင်ခွင့်ရရှိပြီး နိုင်ငံတော်တစ်ဝန်းလုံးတွင် တံစိုးလက်ဆောင်ယူခြင်း/ ပေးခြင်းတို့ သာမက နိုင်ငံတော်၏ ငွေကြေး၊ ပစ္စည်းနှင့် ပိုင်ဆိုင်မှုထိခိုက် နစ်နာပျက်စီးဆုံးရှုံးစေခြင်းတို့ကို လျော့ကျစေရန်အတွက် အားထုတ် ကြိုးပမ်း ဆောင်ရွက်နိုင်ပြီဖြစ်ပါသည်။

အဂတိလိုက်စားမှု တိုက်ဖျက်ရေးကို အသိပညာပေးခြင်း၊ တားဆီးကာကွယ်ခြင်းနှင့် စုံစမ်းစစ်ဆေးအရေး ယူဆောင် ရွက်ခြင်း ဟူ၍ လုပ်ငန်း စဉ်သုံးရပ်ဖြင့် ဆောင်ရွက်လျက်ရှိပါသည်။ အသိပညာပေးရေးလုပ်ငန်းစဉ်အနေဖြင့် အခြေခံပညာ ကျောင်းများအတွက် ဖြောင့်မတ်တည်ကြည်မှု မြှင့်တင်ရေးစာစောင်များဖြန့်ဝေခြင်း၊ တက္ကသိုလ်များအဆင့်  ဖြောင့်မတ် တည်ကြည်မှုလူငယ်စခန်းဖွင့်လှစ်ခြင်း၊ အစိုးရဌာနများနှင့် စီးပွားရေးလုပ်ငန်းများတွင် တာဝန်ယူမှု တာဝန်ခံမှု မြင့်မား လာစေရေးတို့အတွက် တိုင်းဒေသကြီးနှင့်ပြည်နယ်များတွင် အလုပ်ရုံဆွေးနွေးပွဲများ ပြုလုပ်ပေး ခြင်းတို့ ဆောင်ရွက် လျက်ရှိ ပါသည်။ တားဆီး ကာကွယ်ရေးလုပ်ငန်းစဉ် အနေဖြင့် အစိုးရဌာနများတွင်  အဂတိလိုက်စားမှု တားဆီး ကာကွယ်ရေးအဖွဲ့ (Corruption  Prevention Unit-CPU) များ ဖွဲ့စည်းဆောင်ရွက်ခြင်းနှင့် ပုဂ္ဂလိကစီးပွားရေး လုပ်ငန်းများတွင် အဂတိလိုက်စားမှု ကင်းဝေးစေရန်  ကျင့်ဝတ် (Code of Conduct-CoC) ရေးဆွဲ လိုက်နာစေခြင်း နည်းလမ်း များဖြင့် ဆောင်ရွက်လျက်ရှိနေပါသည်။ အဂတိလိုက်စားမှု ဖြစ်နိုင်ခြေ  ဂယ်ပေါက် များကို ပိတ်ဆို့နိုင်ရန် ဖြစ်သောကြောင့် နိုင်ငံတော်အတွက် ရေရှည်အကျိုးရှိစေမည့် နည်းလမ်းကောင်း လည်းဖြစ် ပါသည်။

ကုလသမဂ္ဂ အဂတိလိုက်စားမှု တိုက်ဖျက်ရေး ကွန်ဗင်းရှင်းသည် ယခုအခါ ကမ္ဘာ့အလျင်မြန်ဆုံးအတည်ပြုသော နိုင်ငံတကာ ကွန်ဗင်းရှင်းများအနက် တစ်ခု အပါအဝင်ဖြစ်ရာ  အဖွဲ့ဝင်ပေါင်း ၁၈၆ ခုတို့က  အားလုံးနီးပါး အတည်ပြုလာ သည့် Universal Ratification ဖြစ်လာနိုင်ခြင်းက အဂတိ လိုက်စားမှု တိုက်ဖျက်ခြင်းကို တစ်ကမ္ဘာလုံးက ဝိုင်းဝန်း ထောက်ခံ ကြခြင်းဟု ဆိုနိုင်ပါသည်။ နိုင်ငံတစ်နိုင်ငံချင်းအလိုက် ကြိုးပမ်းမှုများအပြင် နိုင်ငံအများ ပူးပေါင်း ဆောင်ရွက်ခြင်းဖြင့် နိုင်ငံဖြတ်ကျော်သည့် အဂတိလိုက်စားမှု၊ ယင်းနှင့်ဆက်နွှယ်သော အမှုအခင်းများကို တားဆီး ကာကွယ် တိုက်ဖျက် နိုင်မည်ဖြစ်ပါသည်။

အဂတိလိုက်စားမှုကို စိတ်ပါလက်ပါ ဆန့်ကျင်တိုက်ဖျက်ကြခြင်းဖြင့် အဂတိလိုက်စားမှုကင်းစင်သော ယဉ်ကျေးမှုတစ်ရပ် ဖြစ်ပေါ် စေနိုင်ခြင်း ထက်သာလွန်ပြီး   တရားဥပဒေစိုးမိုးသည့် ယဉ်ကျေးမှုတစ်ရပ်ကိုပါ ဖော်ဆောင်စေနိုင်ပါသည်။  ထို့ပြင် တာဝန်ယူမှု တာဝန်ခံမှုရှိသော အင်စတီ ကျူးရှင်းများ တည်ဆောက်ရေးကိုပါ  ဖြစ်ထွန်းစေမည်ဖြစ်သည့် အတွက်  လူသားတိုင်း  မိမိတို့ရရှိခံစားနိုင်သည့် အခွင့်အရေးများအား လက်လှမ်းမီစေပြီး စိတ်ရောကိုယ်ပါကျန်းမာသန်စွမ်းသည့် လူနေမှုဘဝ များကို ပိုင်ဆိုင်စေနိုင်မည်ဖြစ်ပါသည်။

ကမ္ဘာ့ ကုလသမဂ္ဂ၏  ၂ဝ၃ဝ   စဉ်ဆက်မပြတ်ဖွံ့ဖြိုးတိုးတက်ရေးအစီ အစဉ်ပါ ရည်မှန်းချက်ပန်းတိုင် ၁၇ ခုအနက် ပန်းတိုင် ၁၆ တွင် အဂတိ လိုက်စားမှုတိုက်ဖျက်ရေး၏အရေးပါမှုကို ထင်ရှားစွာသတ်မှတ်ဖော်ပြ ထားပါသည်။ ယင်းတွင် နိုင်ငံများအနေနှင့် ရေရှည်တည်တံ့သော ဖွံ့ဖြိုးရေးအတွက် ငြိမ်းချမ်းသာယာပြီး အားလုံးပါဝင်သော လူမှုအဖွဲ့အစည်း များ မြှင့်တင်ရေး၊ တရားမျှတမှုကို လက်လှမ်းမီနိုင်မှုဖော်ဆောင်ရေးနှင့် အဆင့်တိုင်းတွင် အကျိုး သက်ရောက်မှုရှိသော၊ တာဝန်ယူမှု တာဝန်ခံမှု ရှိသော၊ အားလုံးပါဝင်သော အင်စတီကျူးရှင်းများ တည်ဆောက်ရေး တို့အား တရားမဝင်ငွေကြေး စီးဆင်းမှုလျှော့ချရေး၊ ဆုံးရှုံးသွားသော နိုင်ငံပိုင်ပစ္စည်းများ ပြန်လည်သိမ်းဆည်းမှု လုပ်ငန်း ခိုင်မာရေး၊ လာဘ်ပေး လာဘ်ယူမှုနှင့် အဂတိလိုက်စားမှုလျှော့ချရေး၊ အကျိုးသက်ရောက်မှုရှိပြီး တာဝန်ယူမှု တာဝန်ခံ မှုနှင့် ပွင့်လင်းမြင်သာ မှုရှိသော အားလုံးပါဝင်သည့် အင်စတီကျူးရှင်းများတည်ဆောက်ရေး စသည်တို့မှတစ်ဆင့် လုပ်ဆောင် သွားရမည်ဖြစ်ပါသည်။

မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသောဖွံ့ဖြိုးတိုး တက်မှုစီမံကိန်း (MSDP၂ဝ၁၈-၂ဝ၃ဝ) သည် အဆိုပါ ကမ္ဘာလုံးဆိုင်ရာ ၂ဝ၃ဝ စဉ်ဆက်မပြတ်ဖွံ့ဖြိုးမှုရည်မှန်းချက်များနှင့် အဓိကချိတ်ဆက်လျက် နိုင်ငံတော်၏ဖွံ့ဖြိုး တိုးတက်မှု လုပ်ငန်းစဉ်များကို လုပ်ဆောင်သွား နိုင်ရန် ချိန်ညှိထားခြင်းဖြစ်ပါသည်။ သို့ဖြစ်ပါ၍ MSDP မဏ္ဍိုင် (၁)ငြိမ်း ချမ်းရေးနှင့် တည်ငြိမ်မှု၏ မဟာဗျူဟာတွင်ပါဝင်သော ကောင်းမွန် သောအုပ်ချုပ်မှု၊ အဖွဲ့အစည်းများ၏ စွမ်းဆောင်မှုနှင့် အဆင့်တိုင်း တွင် ဆုံးဖြတ်ချက်များ ထိရောက်စွာချမှတ်နိုင်မှု တိုးတက်ကောင်းမွန်ရေး တို့အတွက် အဂတိလိုက်စားမှုကို ဆန့်ကျင်တိုက်ဖျက်ရာတွင် ပူးပေါင်းပါဝင် ကြပါရန် တိုက်တွန်းအပ်ပါသည်။

ဤမင်္ဂလာရှိသော အပြည်ပြည်ဆိုင်ရာ အဂတိ လိုက်စားမှုတိုက်ဖျကရေးနေ့ အထိမ်းအမှတ် အခမ်းအနားနှင့် ကုလသမဂ္ဂ အဂတိလိုက်စားမှု တိုက်ဖျက်ရေး ကွန်ဗင်းရှင်း၏ (၁၆)နှစ်ပြည့် အခါသမယတွင် ကွန်ဗင်းရှင်းပါ  ရည်ရွယ်ချက်များနှင့် အခြေခံမူများ ဆိုင်ရာ ပြည်ထောင်စုသမ္မတ မြန်မာနိုင်ငံတော်၏ ကတိ ကဝတ်များကို ထပ်လောင်း အတည်ပြုပါသည်။ ''အဂတိလိုက်စားမှု ဆန့်ကျင်ရေးအတွက်  ကျွန်ုပ်တို့အားလုံး စုပေါင်း ညီညွတ်ကြပါစို့'' ဟူသော ဆောင်ပုဒ်နှင့်အညီ အုပ်ချုပ်ရေးမဏ္ဍိုင်၊ ဥပဒေပြုရေးမဏ္ဍိုင်နှင့် တရားစီရင်ရေးမဏ္ဍိုင်မှ  ပုဂ္ဂိုလ်များ၊ တာဝန်ရှိသူများ၊ ဝန်ထမ်းများ၊ ပုဂ္ဂလိက အဖွဲ့အစည်းများ၊ အရပ်ဘက် လူ့အဖွဲ့အစည်းများ၊ သတင်း မီဒီယာများနှင့် ပြည်သူလူထု တစ်ရပ်လုံးက တက်ညီ လက်ညီဖြင့် အဂတိလိုက်စားမှုကို ဆက်လက်ပူးပေါင်း တိုက်ဖျက်ကြရန် အလေးအနက် ဆန္ဒပြုရင်း သဝဏ်လွှာ ပေးပို့ အပ်ပါသည်။

Read 123 times Last modified on Monday, 09 December 2019 08:49