SJ WorldNews - шаблон joomla Авто

အပြည်ပြည်ဆိုင်ရာ အဂတိ လိုက်စားမှုတိုက်ဖျက်ရေးနေ့ အထိမ်းအမှတ် အခမ်းအနား ကျင်းပ

Tuesday, 10 December 2019 08:24 font size decrease font size decrease font size increase font size increase font size

နေပြည်တော်  ဒီဇင်ဘာ 

အပြည်ပြည်ဆိုင်ရာအဂတိလိုက်စားမှု တိုက်ဖျက်ရေးနေ့ အထိမ်းအမှတ်အခမ်းအနားကို ယနေ့နံနက် ၉ နာရီတွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်း ရှင်းဗဟိုဌာန(၂)၌ကျင်းပရာ နိုင်ငံတော် သမ္မတ ဦးဝင်းမြင့် တက်ရောက် မိန့်ခွန်း ပြောကြားသည်။

အခမ်းအနားသို့  ပြည်သူ့လွှတ်တော် ဒုတိယ ဥက္ကဋ္ဌ၊ အမျိုးသား လွှတ်တော်ဒုတိယ ဥက္ကဋ္ဌ၊ ပြည်ထောင်စုဝန်ကြီးများ၊ ပြည်ထောင်စု ရာထူးဝန် အဖွဲ့ဥက္ကဋ္ဌ၊ နေပြည်တော်ကောင်စီ ဥက္ကဋ္ဌ၊ မြန်မာနိုင်ငံတော် ဗဟိုဘဏ် ဥက္ကဋ္ဌ၊ အဂတိ လိုက်စားမှု တိုက်ဖျက်ရေး ကော်မရှင် ဥက္ကဋ္ဌ၊ မြန်မာနိုင်ငံအမျိုးသား လူ့အခွင့်အရေးကော်မရှင် ဥက္ကဋ္ဌ၊  ပြည်သူ့ လွှတ်တော်နှင့် အမျိုးသား လွှတ်တော်တို့မှ ကော်မတီဥက္ကဋ္ဌများ၊ ပြည်ထောင်စု တရားလွှတ်တော်ချုပ် တရားသူကြီး၊ ဒုတိယ ဝန်ကြီးများ၊ ဒုတိယ ရှေ့နေချုပ်၊ နေပြည်တော် ကောင်စီဝင်များ၊ နေပြည်တော် စည်ပင်သာယာရေး ကော်မတီ ဒုတိယ မြို့တော်ဝန်နှင့် ကော်မတီဝင်များ၊ အဂတိလိုက်စားမှု တိုက်ဖျက်ရေးကော်မရှင် အတွင်းရေးမှူးနှင့် အဖွဲ့ဝင်များ၊ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် ဥက္ကဋ္ဌ၊ မြန်မာနိုင်ငံသတင်း မီဒီယာကောင်စီ ဥက္ကဋ္ဌ၊ ဌာနဆိုင်ရာတာဝန်ရှိသူများ၊  သံတမန်များ၊ United Nations Office  on Drugs  and  Crime-UNODC၊ United   Nations  Development  Programme-UNDP နှင့် အပြည်ပြည် ဆိုင်ရာ အဖွဲ့အစည်းများမှ ပုဂ္ဂိုလ်များ၊ မီဒီယာများ နှင့်ဖိတ်ကြားထားသည့် ဧည့်သည်တော်များ တက်ရောက်ကြသည်။

အခမ်းအနားတွင် နိုင်ငံတော်သမ္မတ ဦးဝင်းမြင့်က မိန့်ခွန်းပြောကြားသည်။

(နိုင်ငံတော်သမ္မတ ဦးဝင်းမြင့်၏ မိန့်ခွန်းကို စာမျက်နှာ (၁၄ ) တွင်သီးခြား ဖော်ပြထားပါသည်။)

ထို့နောက် အဂတိလိုက်စားမှု တိုက်ဖျက်ရေး ကော်မရှင် ဥက္ကဋ္ဌ  ဦးအောင်ကြည်က အဂတိ လိုက်စားမှုတိုက်ဖျက်ရေး မဟာဗျူဟာ အကောင်အထည်ဖော် ဆောင်ရွက်မှုများနှင့် စပ်လျဉ်း၍ ရှင်းလင်းတင်ပြသည်။

ယင်းနောက် အပြည်ပြည်ဆိုင်ရာအဂတိ လိုက်စားမှုတိုက်ဖျက်ရေးနေ့ အထိမ်းအမှတ် အခမ်းအနားသို့ ကုလသမဂ္ဂ မူးယစ် ဆေးဝါး နှင့်ပြစ်မှုဆိုင်ရာရုံး (UNODC) ၏ အမှုဆောင် ဒါရိုက်တာ Mr. Yury Fedotov ပေးပို့သည့် သဝဏ်လွှာကို   ကုလသမဂ္ဂ ဌာနေညှိနှိုင်း ရေးမှူး(တာဝန်ခံ)  မစ္စရှောင်းကျယ်က ဖတ်ကြားသည်။

ထို့နောက် နိုင်ငံတော် သမ္မတသည် ပြည်သူ့ လွှတ်တော် ဒုတိယ ဥက္ကဋ္ဌ၊ အမျိုးသား လွှတ်တော် ဒုတိယ ဥက္ကဋ္ဌ၊ ပြည်ထောင်စု ဝန်ကြီးများ၊ အခမ်းအနားသို့ တက်ရောက်လာကြသူများ၊ ကုလသမဂ္ဂဌာနေ ညှိနှိုင်းရေးမှူး (တာဝန်ခံ)၊ UNDP  နှင့် UNODC  ရုံးတို့မှ ကိုယ်စားလှယ်များ၊ ဆုရကျောင်းသား၊ ကျောင်းသူများ နှင့်အတူ စုပေါင်း မှတ်တမ်း တင် ဓာတ်ပုံ ရိုက်သည်။

ယင်းနောက် နိုင်ငံတော် သမ္မတသည် အဂတိလိုက်စားမှု တိုက်ဖျက်ရေးဆိုင်ရာ ဆောက်ရွက်ချက် မှတ်တမ်းပြခန်းကို လှည့်လည် ကြည့်ရှုသည်။

ထို့နောက် အခမ်းအနား ဒုတိယပိုင်းကို ဆက်လက်ကျင်းပရာ နေပြည်တော်ကောင်စီဥက္ကဋ္ဌ ဒေါက်တာမျိုးအောင်က အမှာစကား ပြောကြားပြီး ကုလသမဂ္ဂဖွံ့ဖြိုးမှုအစီအစဉ် (UNDP) နှင့် ကုလသမဂ္ဂ မူးယစ်ဆေးဝါးနှင့် ပြစ်မှုဆိုင်ရာရုံး (UNODC)ရုံး တို့မှ တာဝန် ရှိသူများက အဂတိလိုက်စားမှု တိုက်ဖျက်ရေးလုပ်ငန်းများနှင့်စပ်လျဉ်း၍ ရှင်းလင်း ပြောကြား ကြကာ အပြည်ပြည်ဆိုင်ရာအဂတိ လိုက်စားမှုတိုက်ဖျက်ရေးနေ့အထိမ်းအမှတ် Video Clip ကိုပြသသည်။

ထို့နောက် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိမ်းကြီး၊ နေပြည်တော် ကောင်စီ ဥက္ကဋ္ဌ ဒေါက်တာ မျိုးအောင်၊ အဂတိလိုက်စားမှု တိုက်ဖျက်ရေး ကော်မရှင် ဥက္ကဋ္ဌ ဦးအောင်ကြည်၊ UNDP  နှင့် UNODC  ရုံးတို့မှ တာဝန်ရှိ သူများက အပြည်ပြည်ဆိုင်ရာ   အဂတိလိုက်စားမှု တိုက်ဖျက်ရေးနေ့ အထိမ်းအမှတ် တေးသရုပ်ဖော် ပြိုင်ပွဲ၊ စာစီ စာကုံးပြိုင်ပွဲနှင့် ကဗျာပြိုင်ပွဲ တို့တွင် ဆုရရှိကြသည့် ကျောင်းသား၊ ကျောင်းသူများကို ဆုများ ပေးအပ် ချီးမြှင့်ကာ အခမ်း အနားကို ရုပ်သိမ်းလိုက်ကြောင်း သိရသည်။

 

Read 159 times Last modified on Tuesday, 10 December 2019 08:25