SJ WorldNews - шаблон joomla Авто

၂ဝ၁၉ ခုနှစ်၊ ဒီဇင်ဘာလ (၁ဝ)ရက်နေ့တွင် ကျရောက်သည့် (၇၁)နှစ်မြောက် အပြည်ပြည်ဆိုင်ရာ လူ့အခွင့်အရေး နေ့တွင် မြန်မာနိုင်ငံအမျိုးသား လူ့အခွင့်အရေး ကော်မရှင်၏ သတင်းထုတ်ပြန်ချက်

Tuesday, 10 December 2019 08:57 font size decrease font size decrease font size increase font size increase font size

သတင်းထုတ်ပြန်ချက်အမှတ် (၇/၂ဝ၁၉)

၁။  ၂ဝ၁၉ ခုနှစ်၊ ဒီဇင်ဘာလ (၁ဝ) ရက်နေ့တွင်ကျရောက်သည့်အပြည်ပြည် ဆိုင်ရာ လူ့အခွင့်အရေးနေ့အခါသမယတွင် မြန်မာနိုင်ငံအမျိုးသား လူ့အခွင့်အရေး ကော်မရှင်သည် မြန်မာနိုင်ငံ ပြည်သူပြည်သားများ၊  နိုင်ငံတကာ အသိုက်အဝန်း တို့နှင့်အတူ ဤအထိမ်းအမှတ် အခါသမယကို ဂုဏ်ပြု ဆင်နွှဲအပ်ပါသည်။

၂။ ဤကဲ့သို့အရေးပါသောအခါသမယတွင် မြန်မာနိုင်ငံအမျိုးသား လူ့အခွင့်အရေး ကော်မရှင်အနေဖြင့် တစ်နှစ်တာ အတွင်းလူ့အခွင့်အရေး မြှင့်တင်ရေးနှင့်ကာကွယ်ရေးဆောင်ရွက်ချက်များကို ပြန်လည်သုံးသပ် ဖော်ပြ၍ အနာဂတ်တွင် ဆက်လက် ဆောင်ရွက်သွားမည့်ကော်မရှင်၏ ရှေ့လုပ်ငန်းစဉ်များကို  ပြည်သူလူထုသို့တင်ပြရန် အသင့်လျော်ဆုံး အခါသမယ ဖြစ်ပါသည်။

၃။  ပြည်သူများအတွင်း လူ့အခွင့်အရေးဆိုင်ရာ အသိအမြင်၊ ဗဟုသုတများရရှိစေရန်အတွက် ကော်မရှင်သည် ၂ဝ၁၉ ခုနှစ်အတွင်း လူ့အခွင့်အရေး အသိပညာပေးရှင်းလင်းဆွေးနွေးဟောပြောပွဲများကို တိုင်းဒေသကြီး၊ ပြည်နယ်နှင့် ကိုယ်ပိုင် အုပ်ချုပ်ခွင့်ရ ဒေသအချို့တို့တွင် လည်းကောင်း၊ လူ့အခွင့်အရေး အခြေခံ အချက်များကို သိရှိနားလည်ပြီး လူ့အခွင့် အရေး ဖောက်ဖျက်မှုများကို ဝိုင်းဝန်းကာကွယ်နိုင်စေရန် ရည်ရွယ်၍ ရပ်ရွာလူထုအတွင်း အသိပညာပေး ဆွေးနွေးပွဲများကို တိုင်းဒေသကြီးနှင့် ပြည်နယ်များရှိ ရပ်ကွက်/ကျေးရွာပေါင်း ၁၄ ခုတို့တွင်လည်းကောင်း၊ လူ့အခွင့် အရေး အသိပညာပေး သူများအဖွဲ့နှင့် ပူးပေါင်း၍ လူ့အခွင့်အရေးအသိ ပညာပေးဆွေးနွေး ဟောပြောပွဲများကို ရန်ကုန်တိုင်း ဒေသကြီးနှင့် ပဲခူး တိုင်းဒေသကြီးတို့ရှိ မြို့နယ်အချို့တွင်လည်းကောင်း ကျင်းပပြုလုပ်ခဲ့ပါ သည်။ ထို့ပြင် ကော်မရှင်သည် နိုင်ငံဝန်ထမ်းများတာဝန်ထမ်းဆောင်ရာတွင် လူ့အခွင့်အရေး အသိတရားဖြင့် ယှဉ်တွဲဆောင်ရွက်နိုင် စေရန် ရည်ရွယ်၍ လူ့အခွင့်အရေး၊ ကလေးသူငယ်အခွင့်အရေး၊ အမျိုးသမီးအခွင့်အရေး နှင့် မသန်စွမ်းသူများ အခွင့်အရေး ဆိုင်ရာ အလုပ်ရုံ ဆွေးနွေးပွဲကိုလည်း နေပြည်တော်တွင် ကျင်းပခဲ့ပါသည်။ ပြည်သူလူထုအတွင်း လူ့အခွင့် အရေးကို မှန်ကန်စွာသိရှိ နားလည်နိုင်စေရန် အတွက်  လူ့အခွင့်အရေးအခြေခံ သင်တန်းများနှင့် အဆင့်မြင့်သင်တန်း များကို ကော်မရှင်ရုံး၌ ဖွင့်လှစ် ပို့ချလျက်ရှိပါသည်။ ထို့ပြင် ကော်မရှင်သည် နိုင်ငံတော်ကာကွယ်ရေး တက္ကသိုလ်၊ တပ်မတော်(ကြည်း) တိုက်ခိုက်ရေးကျောင်း (ဗထူး/ ဘုရင့်နောင်)၊ ဗဟိုဝန်ထမ်းတက္ကသိုလ်များနှင့်  ရဲအရာရှိသင်တန်း ကျောင်းများတွင် လူ့အခွင့်အရေးဘာသာ ရပ်ဆိုင်ရာ သင်ခန်းစာများ ပို့ချခြင်း၊ မီးသတ်စခန်းမှူးသင်တန်းများနှင့် အထွေထွေ အုပ်ချုပ်ရေး ဦးစီးဌာနမှ ဖွင့်လှစ်သော မွမ်းမံသင်တန်းများတွင် လူ့အခွင့်အရေးသင်ခန်းစာများပို့ချခြင်းတို့ ဆောင်ရွက်ခဲ့ပါသည်။ ကော်မရှင်သည် ကမ္ဘာ့လူ့အခွင့်အရေး ကြေညာစာတမ်းကို တိုင်းရင်းသား ဘာသာစကားများဖြင့် ဘာသာပြန်ဆိုဖြန့်ချိခဲ့ရာ တိုင်းရင်းသားဘာသာ ၂၁ မျိုးဖြင့်ဖြန့်ချိခဲ့ပြီးဖြစ်ပါသည်။ ကော်မရှင်သည် Pen Myanmar အဖွဲ့နှင့်ပူးပေါင်း၍  Freedom   of   Expression အလုပ်ရုံ ဆွေးနွေးပွဲ တစ်ရပ်ကိုလည်း ရန်ကုန်မြို့နှင့် နေပြည်တော်တို့ တွင် ကျင်းပခဲ့ပါသည်။ ထို့ပြင် ကလေး  သူငယ်အခွင့်အရေးနှင့်စပ်လျဉ်းသည့် ကိစ္စရပ်များ ဆောင်ရွက်နိုင်စေရန် အလို့ငှာ ကော်မရှင်သည် ၂ဝ၁၉ ခုနှစ်အတွင်း Good Neighbors  International (GNI) အဖွဲ့နှင့် Letter of  Cooperation (LOC) လက်မှတ် ရေးထိုးခဲ့ပါသည်။

၎။  လူ့အခွင့်အရေးကာကွယ်ရေးနှင့်စပ်လျဉ်း၍ကော်မရှင်သည် လူ့အခွင့်အရေးချိုးဖောက်မှုနှင့် စပ်လျဉ်းသည့် တိုင်တန်း ချက်များကို ကော်မရှင် လုပ်ထုံးလုပ်နည်းများနှင့်အညီ ကိုင်တွယ်ဆောင်ရွက်လျက်ရှိပြီး တိုင်တန်းချက်အချို့နှင့် ပတ်သက်၍ ကွင်းဆင်း စုံစမ်းစစ်ဆေးမှုများ ပြုလုပ်ခဲ့ပါသည်။ ကော်မရှင်သည် ကော်မရှင် ဥပဒေပြဋ္ဌာန်းချက်များနှင့် အညီ အကျဉ်းထောင်များ၊ အလုပ်စခန်းများ၊ ရဲစခန်း၊ တရားရုံး၊ ဆေးရုံ၊ အချုပ်ခန်းများကို လူ့အခွင့်အရေးစံနှုန်းများနှင့် ကိုက်ညီမှု ရှိ မရှိ ကြည့်ရှု စစ်ဆေးခဲ့ပြီး စစ်ဆေးတွေ့ရှိချက်များနှင့် ကော်မရှင်၏ အကြံပြုချက်များကို သက်ဆိုင်ရာဌာနသို့ လိုအပ်သလို အရေးယူဆောင်ရွက်နိုင်ရန် ပေးပို့ခဲ့သည့်အပြင် အများပြည်သူသိရှိနိုင်ရန် အတွက် ထုတ်ပြန် ချက်များလည်း ထုတ်ပြန်ခဲ့ပါသည်။ ထို့ပြင် ကော်မရှင်သည် လူ့အခွင့်အရေးဖောက်ဖျက်ကြောင်း တိုင်တန်းချက် အချို့နှင့် ပတ်သက်၍ တိုင်တန်းချက်တွင် သက်ဆိုင်သည့် ပုဂ္ဂိုလ်များအား ကော်မရှင်ရုံး၌ ခေါ်ယူမေးမြန်း၍စုံစမ်း တွေ့ရှိချက်များနှင့် ကော်မရှင်၏ အကြံပြုချက်များကို သက်ဆိုင်ရာဌာန၊ အဖွဲ့အစည်းများထံသို့ ပေးပို့ခဲ့ပါသည်။

၅။ကော်မရှင်သည် မြန်မာနိုင်ငံအမျိုးသားလူ့အခွင့်အရေးကော်မရှင် ဥပဒေပါ ပြဋ္ဌာန်းချက်များနှင့်အညီ တည်ဆဲဥပဒေနှင့် အဆိုပြုထားသည့် ဥပဒေကြမ်းများနှင့်စပ်လျဉ်း၍  လူ့အခွင့်အရေးရှုထောင့်မှသုံးသပ်ပြီး လွှတ်တော်နှင့် သက်ဆိုင်ရာ အစိုးရဌာနအဖွဲ့ အစည်းများသို့ ကော်မရှင်၏ သဘောထားမှတ်ချက်နှင့် အကြံပြု တိုက်တွန်းချက်များ ပေးပို့ လျက်ရှိပါသည်။ ထို့ပြင် ကော်မရှင်သည် မသန်စွမ်းသူများ၏ အခွင့်အရေးများနှင့် စပ်လျဉ်း၍ ကော်မရှင်၏ သီးခြား အစီရင်ခံစာကို ကုလသမဂ္ဂမသန်စွမ်းသူများ အခွင့်အရေးများဆိုင်ရာကော်မတီသို့ ၁၂-၇-၂ဝ၁၉ ရက်နေ့တွင် တင်သွင်း

ခဲ့ပြီး အများပြည်သူ လေ့လာသိရှိစေရန်အတွက် အဆိုပါ သီးခြားအစီရင်ခံစာကို ကော်မရှင်ဝက်ဘ်ဆိုက်စာမျက်နှာတွင် ထုတ်ပြန်ခဲ့ပါသည်။

၆။  ကော်မရှင်သည် ဒေသအဆင့်နှင့် နိုင်ငံတကာအဆင့် လူ့အခွင့်အရေးယန္တရားများနှင့်ပူးပေါင်းဆောင်ရွက်လျက်ရှိရာ ဒေသခွဲဆိုင်ရာ အဖွဲ့ အစည်းဖြစ်သည့်  အရှေ့တောင်အာရှအမျိုးသား လူ့အခွင့်အရေးအဖွဲ့ အစည်းများဖိုရမ် (Southeast Asia National Human Rights Institutions Forum - SEANF)၊ ဒေသဆိုင်ရာ အဖွဲ့အစည်းဖြစ်သည့် အာရှ-ပစိဖိတ် အမျိုးသား လူ့အခွင့်အရေး အဖွဲ့အစည်းများဖိုရမ် (Asia Pacific Forum  of National Human Rights Institutions - APF) နှင့် နိုင်ငံတကာ အဖွဲ့အစည်းဖြစ်သည့် ကုလသမဂ္ဂက ကမကထပြုဖွဲ့စည်းထားသော  အမျိုးသား လူ့အခွင့်အရေး အဖွဲ့အစည်းများ ဆိုင်ရာ ကမ္ဘာ့အဖွဲ့ကြီး (Global Alliance of National Human Rights Institutions-GANHRI) တို့၏ အစည်းအဝေးများ၊ ဆွေးနွေးပွဲများတွင် ပါဝင်တက်ရောက်ကာ ပူးပေါင်း ဆောင်ရွက်လျက်ရှိပါသည်။

၇။  ထို့ပြင် ကော်မရှင်သည် ၏ စွမ်းဆောင်ရည်တိုးတက်မြင့်မားရေး ဆောင်ရွက်ရန်အလို့ငှာ ကော်မရှင်၏ လက်ရှိ စွမ်းဆောင်ရည် အတွက် ဆန်းစစ်မှု (Capacity Assessment) ကို ကော်မရှင်တွင်းနှင့် ကော်မရှင်နှင့် အဓိက ဆက်သွယ် ဆောင်ရွက်လျက်ရှိသည့်   အဖွဲ့အစည်းများ ပါဝင်လျက်ဆောင်ရွက်ခဲ့ပြီး အဆိုပါဆန်းစစ်မှုမှ ထွက်ပေါ် လာသည့် စွမ်းဆောင်ရည်ဆန်းစစ်မှု အစီရင်ခံစာစတင်ဖြန့်ချိခြင်း အခမ်းအနားကို အာရှ-ပစိဖိတ်အမျိုးသား လူ့အခွင့်အရေး အဖွဲ့အစည်းများဖိုရမ်၊ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံးနှင့် ကုလသမဂ္ဂ ဖွံ့ဖြိုးမှု အစီအစဉ်တို့နှင့် ပူးပေါင်း၍ ကျင်းပခဲ့ပါသည်။ ကော်မရှင်သည် ၂ဝ၁၉ ခုနှစ်အတွင်းတွင် ကုလသမဂ္ဂ အဖွဲ့အစည်းများ၊ အရပ်ဘက် အဖွဲ့ အစည်းများနှင့်ပူးပေါင်း၍ UPR အကြံပြု တိုက်တွန်းချက်များ အကောင်အထည်ဖော်ရေး အလုပ်ရုံ ဆွေးနွေးပွဲများနှင့် ပြည်သူ့ ရေးရာနှင့် နိုင်ငံရေး အခွင့်အရေးများဆိုင်ရာ အပြည်ပြည်ဆိုင်ရာ သဘောတူ စာချုပ်နှင့် စပ်လျဉ်းသည့် ဆွေးနွေးပွဲများကို ကျင်းပခဲ့ပါသည်။

၈။ ကော်မရှင်သည် စွမ်းဆောင်ရည်ဆန်းစစ်မှုအစီရင်ခံစာပါ အကြံပြု ချက်များနှင့်အညီ ကော်မရှင်၏ မဟာဗျူဟာ စီမံကိန်း (၂ဝ၂ဝ-၂ဝ၂၄)ကို အာရှ- ပစိဖိတ် အမျိုးသား လူ့အခွင့်အရေးအဖွဲ့အစည်းများ ဖိုရမ်မှ ကျွမ်းကျင် သူများ၏ ပံ့ပိုးကူညီမှုဖြင့် မူကြမ်းရေးဆွဲခဲ့ပြီး အဆိုပါမူကြမ်းကို ကော်မရှင်နှင့် အဓိက ဆက်သွယ် ဆောင်ရွက်လျက်ရှိသည့် လွှတ်တော်နှင့် အစိုးရအဖွဲ့အစည်းများမှ ကိုယ်စားလှယ်အဖွဲ့များ၊ အရပ်ဘက် အဖွဲ့အစည်းများနှင့် တွေ့ဆုံဆွေးနွေး ကာ တို့၏ အကြံပြုချက်များရယူ၍ ကော်မရှင်၏ မဟာဗျူဟာ စီမံကိန်းနှင့် နှစ်စဉ်လုပ်ငန်း စီမံချက်တို့ကို အပြီးသတ် ရေးဆွဲ အတည်ပြုခဲ့ပြီး ၂ဝ၂ဝ ခုနှစ်အတွက် နှစ်စဉ်လုပ်ငန်း စီမံချက်ကိုလည်း ရေးဆွဲခဲ့ပါသည်။

၉။ ကော်မရှင်သည် လူ့အခွင့်အရေးကိစ္စရပ်များနှင့်စပ်လျဉ်း၍ ပြည်သူများ ကော်မရှင်သို့ လွယ်ကူချောမွေ့စွာ လက်လှမ်းမီ ဆက်သွယ်ဆောင်ရွက် နိုင်စေရန်အတွက် ကော်မရှင်ရုံးခွဲများကို နေပြည်တော်နှင့် မန္တလေးမြို့တို့တွင် ဖွင့်လှစ်ထားရှိခဲ့ပြီး ၂ဝ၁၉ ခုနှစ်အတွင်းတွင် ရခိုင်ပြည်နယ်၊ စစ်တွေမြို့၌ ကော်မရှင်၏ ယာယီရုံးခွဲတစ်ခုကိုလည်း ထပ်မံ ဖွင့်လှစ်ခဲ့ပါသည်။

၁ဝ။  မြန်မာနိုင်ငံအမျိုးသားလူ့အခွင့်အရေး ကော်မရှင်သည် မြန်မာနိုင်ငံ၌ လူ့အခွင့်အရေးကို လေးစားကာကွယ်သည့် လူ့အဖွဲ့အစည်းတစ်ရပ် ပေါ်ပေါက်လာပြီး ပြည်သူများ လူ့အခွင့်အရေး အပြည့်အဝ ခံစားရရှိနိုင်ရန် အတွက် ကော်မရှင် ဥပဒေပါ သတ်မှတ်ပြဋ္ဌာန်းချက်များနှင့်အညီ လူ့အခွင့် အရေးမြှင့်တင်ရေးနှင့် ကာကွယ်ရေးဆောင်ရွက်ချက်များကို  ဆက်လက် ကြိုးပမ်း အကောင်အထည်ဖော် ဆောင်ရွက် သွားမည်ဖြစ်ပါကြောင်း လူ့အခွင့်အရေးနေ့ အခါသမယတွင် သန္နိဋ္ဌာန်ပြုပါ သည်။

မြန်မာနိုင်ငံအမျိုးသား လူ့အခွင့်အရေး ကော်မရှင်

ရက်စွဲ၊ ၂ဝ၁၉ ခုနှစ်၊ ဒီဇင်ဘာလ ၁ဝ ရက်

Read 153 times Last modified on Tuesday, 10 December 2019 08:58