SJ WorldNews - шаблон joomla Авто

ကုလားတန်မြစ်အတွင်း ခရီးသည်တင်ရေယာဉ်အား AA အကြမ်းဖက်သောင်းကျန်းသူအဖွဲ့မှ လက်နက်ကြီးများဖြင့် ပစ်ခတ်သဖြင့် အသက် ၁ နှစ် ၆ လခန့်ရှိ ကလေးငယ် ၁ ဦးအပါအ၀င် အပြစ်မဲ့ပြည်သူများ သေဆုံး၊ ဒဏ်ရာရရှိ

Wednesday, 11 December 2019 11:36 font size decrease font size decrease font size increase font size increase font size

ကုလားတန်မြစ်အတွင်း ခရီးသည်တင်ရေယာဉ်အား AA အကြမ်းဖက်သောင်းကျန်းသူအဖွဲ့မှ လက်နက်ကြီးများဖြင့် ပစ်ခတ်သဖြင့် အသက် ၁ နှစ် ၆ လခန့်ရှိ ကလေးငယ် ၁ ဦးအပါအ၀င် အပြစ်မဲ့ပြည်သူများ သေဆုံး၊ ဒဏ်ရာရရှိ

နေပြည်တော်၊ ဒီဇင်ဘာ ၁၁

ချင်းပြည်နယ်၊ ပလက်ဝမြို့နယ်၊ နှုံးဘူးကျေးရွာအနီး ကုလားတန်မြစ်အတွင်း၌ ဒီဇင်ဘာ ၁၀ ရက်တွင် ခရီးသည်တင် ရေယာဉ် ၁ စီးအား AA အကြမ်းဖက် သောင်းကျန်းသူအဖွဲ့က လက်နက်ကြီးများဖြင့် ပစ်ခတ်မှုကြောင့်  အသက် ၁ နှစ် ၆ လခန့်ရှိ ကလေးငယ် ၁ ဦးအပါအ၀င် ၂ ဦး သေဆုံးပြီး ၅ ဦး ပြင်းထန်စွာ ဒဏ်ရာများ ရရှိခဲ့ကာ ၁ ဦး ပျောက်ဆုံး လျက်ရှိကြောင်း သိရှိရသည်။

ဖြစ်စဉ်မှာ ဒေသခံပြည်သူ ၁၈ ဦး စီးနင်းလိုက်ပါလာသော  ခရီးသည်တင်စက်လှေ  ၁ စီးသည် ပလက်ဝမြို့မှ တောင်ပြို မြို့ဘက်သို့ ကုလားတန်မြစ်အတိုင်း ဒီဇင်ဘာ ၁၀ ရက် နံနက် ၈ နာရီခန့်တွင် ထွက်ခွာလာခဲ့ရာ နှုံးဘူးကျေးရွာသို့ နံနက် ၁၁ နာရီ ၄၀ မိနစ်ခန့်တွင် ရောက်ရှိခဲ့ပြီး ခရီးသည်များ ဆင်းရန်အတွက် စက်လှေအား ကမ်းကပ်စဉ် AA အကြမ်းဖက် သောင်းကျန်းသူအဖွဲ့က လက်နက်ကြီးဖြင့် အကြောင်းမဲ့ နှောင့်ယှက် ပစ်ခတ်ခဲ့ကြောင်း၊ အဆိုပါ ပစ်ခတ်မှုကြောင့် စက်လှေလက်တန်းအား ထိမှန်ပေါက်ကွဲခဲ့ကာ လိုက်ပါစီးနင်းလာသည့် ခရီးသည်များအနက် အသက် ၁ နှစ် ၆ လခန့်ရှိ ကလေးငယ် ၁ ဦးနှင့်အမျိုးသမီး ၁ ဦးတို့ သေဆုံးခဲ့ပြီး အမျိုးသား ၄ ဦးနှင့် အမျိုးသမီး ၁ ဦးတို့၌ ပြင်း ထန်စွာ ဒဏ်ရာများအသီးသီးရရှိခဲ့ကြောင်းနှင့် အမျိုးသား ၁ဦး ပျောက်ဆုံးလျက်ရှိ ကြောင်း သိရှိရသည်။ AA အကြမ်းဖက် သောင်းကျန်းသူအဖွဲ့များအနေဖြင့် ပလက်ဝဒေသ ဖွံ့ဖြိုးရေးနှင့် တည်ငြိမ်အေးချမ်းရေး ပျက်ပြားစေရန် နှောင့်ယှက် ပစ်ခတ်မှုများ ပြုလုပ်လျက် ရှိသည့်အပြင် ယခုကဲ့သို့ အပြစ်မဲ့ပြည်သူများ ထိခိုက်သေကျေ ဒဏ်ရာရရှိ စေရန် ရည်ရွယ်ချက်ရှိရှိ ဆောင်ရွက်ခဲ့ခြင်းဖြစ်ကြောင်း သိရှိရသည်။

အဆိုပါ ဒဏ်ရာရရှိသူများအား ပလက်ဝပြည်သူ့ဆေးရုံသို့ ပို့ဆောင်ဆေးကုသမှုခံ ယူစေလျက်ရှိကာ အဆိုပါနေရာ တစ်ဝိုက်အား တပ်မတော် စစ်ကြောင်းများက လိုအပ်သည့် လုံခြုံရေး လုပ်ငန်းများ ဆောင်ရွက်လျက် ရှိကြောင်း သတင်း ရရှိသည်။

 

Read 129 times Last modified on Wednesday, 11 December 2019 11:38