SJ WorldNews - шаблон joomla Авто

နိုင်ငံတော် သမ္မတ ဦးဝင်းမြင့် (၆၈)နှစ်မြောက် ကယားပြည်နယ်နေ့ အခမ်းအနားသို့ သဝဏ်လွှာ ပေးပို့ .............

Wednesday, 15 January 2020 07:49 font size decrease font size decrease font size increase font size increase font size

နိုင်ငံတော် သမ္မတ ဦးဝင်းမြင့်က (၆၈)နှစ်မြောက် ကယားပြည်နယ်နေ့ အခမ်းအနားသို့ ပေးပို့သည့် သဝဏ်လွှာ အပြည့် အစုံမှာ အောက်ပါအတိုင်း ဖြစ်ပါသည်-

ပြည်ထောင်စုသမ္မတမြန်မာနိုင်ငံတော်

နိုင်ငံတော်သမ္မတရုံး

နိုင်ငံတော်သမ္မတ ဦးဝင်းမြင့်က

(၆၈)နှစ်မြောက် ကယားပြည်နယ်နေ့အခမ်းအနားသို့

ပေးပို့သည့်သဝဏ်လွှာ

၂ဝ၂ဝ ပြည့်နှစ်၊ ဇန်နဝါရီလ  ၁၅  ရက်

ချစ်ခင်လေးစားအပ်ပါသော ကယားတိုင်းရင်းသားညီအစ်ကိုမောင်နှမများခင်ဗျား-

ယနေ့ကျရောက်သည့် (၆၈)နှစ်မြောက် ကယားပြည်နယ်နေ့ နေ့ထူးနေ့မြတ် အခါသမယတွင် ကယား တိုင်းရင်းသား များနှင့်တကွ ကယားပြည်နယ်အတွင်း မှီတင်းနေထိုင်ကြသည့် မိဘပြည်သူ ညီအစ်ကိုမောင်နှမ များအားလုံး ကောင်းကျိုး ချမ်းသာ မင်္ဂလာအပေါင်းနှင့် ပြည့်စုံကြပါစေကြောင်း ဆုမွန်ကောင်းတောင်းလျက် နှုတ်ခွန်းဆက်သ အပ်ပါသည်။

မြန်မာနိုင်ငံလွတ်လပ်ရေးရပြီးနောက် ပြည်နယ်နှင့်တိုင်းများ ဖွဲ့စည်းတည်ထောင်ရာတွင် ၁၉၄၇ ခုနှစ်၊ ဖွဲ့စည်း အုပ်ချုပ်ပုံ အခြေခံ ဥပဒေပုဒ်မ ၁၈ဝ၊  ပုဒ်မခွဲ (၁)အရ ကရင်နီပြည်နယ်ကို ကရင်ပြည်နယ်အတွင်း ထည့်သွင်း ပြဋ္ဌာန်းခဲ့ပြီး  ၁၉၅၁ ခုနှစ်၊ ဖွဲ့စည်းအုပ်ချုပ်ပုံအခြေခံဥပဒေ ပြင်ဆင်ချက်အက်ဥပဒေ (၁၉၅၁ ခုနှစ် အက်ဥပဒေအမှတ် ၆၂) ပုဒ်မ ၈ အရ ပြည်ထောင်စုမြန်မာနိုင်ငံတော် ဖွဲ့စည်းအုပ်ချုပ်ပုံ အခြေခံဥပဒေတွင် ''ကရင်နီပြည်နယ်'' ဆိုသည့်စကားရပ် ပါရှိသည့်နေရာတိုင်း၌ ထို စကားရပ်အစား ''ကယားပြည်နယ်''ဆိုသည့် စကားရပ်ကို ထည့်သွင်းရ မည်ဟု ပြဋ္ဌာန်းခဲ့ပါသည်။

ယင်းကဲ့သို့ ''ကရင်နီပြည်နယ်''မှ ''ကယားပြည်နယ်''သို့ ပြောင်းလဲ ခေါ်တွင်သည့် ပထမဦးဆုံးသော ''ကယားပြည် နယ် နေ့''အခမ်းအနားကို ၁၉၅၂ ခုနှစ်၊ ဇန်နဝါရီလ ၁၅ ရက်နေ့တွင်စတင်ကျင်းပခဲ့ခြင်းဖြစ်ပါသည်။

ယနေ့ဆိုလျှင် (၆၈)နှစ်ပြည့်မြောက်ခဲ့ပြီဖြစ်ပါသည်။ ကယားပြည်နယ်တွင် ကယားမျိုးနွယ်စု (၉)မျိုးနှင့်တကွ အခြား သော ပြည်ထောင်စု ဖွားတိုင်းရင်းသားများသည် ရှေးပဝေသဏီ ကတည်းက နှစ်ကာလကြာညောင်းစွာ ချစ်ခင်ရင်း နှီးစွာ အတူယှဉ်တွဲ နေထိုင်ခဲ့ကြပါသည်။

နိုင်ငံတော် အစိုးရအနေဖြင့်   တိုင်းရင်းသားလူမျိုးအသီးသီးတို့၏ ထုံးထမ်းအစဉ်အလာများ၊ ယဉ်ကျေးမှု ရိုးရာဓလေ့ ပွဲတော်များ၊ ဘာသာ စကား၊ စာပေနှင့် တိုင်းရင်းသားအခွင့်အရေးများကို ပိုမိုတိုးတက်ဖွံ့ဖြိုးပြီး အစဉ်တည်တံ့စေရန် ရည်မှန်းလျက် ဝန်ကြီးဌာန တစ်ခုဖွင့်လှစ်ခဲ့ပြီး ချီးမြှင့်အားပေးလျက်ရှိသကဲ့သို့ ဖွံ့ဖြိုးတိုးတက်မှုအားနည်းသည့် ပြည်နယ် များကိုလည်း ပို၍ဂရုတစိုက် ပံ့ပိုးမြှင့်တင်ပေးလျက်ရှိပါသည်။

ကယားပြည်နယ်၏ သာယာလှပသော သဘာဝရေမြေတောတောင် များ၊ မြစ်ချောင်း၊ ဆည်မြောင်းများ၊ ရေတံခွန်များ၊ သဘာဝလိုဏ်ဂူများ နှင့် ဒေသခံတိုင်းရင်းသားများ၏ ရိုးသားဖော်ရွေမှုများကြောင့် ယခုအခါ ပြည်တွင်း၊ ပြည်ပ ခရီးသွား ဧည့်သည်များအတွက် အပန်းဖြေ လည်ပတ် သွားလာစရာ နေရာတစ်နေရာအဖြစ် ပိုမို၍ လူသိများ ထင်ရှား လာပြီး သဘာဝအခြေခံ ခရီးသွားလုပ်ငန်းများအတွက် အလားအလာကောင်းများစွာ တည်ရှိနေပါသည်။    ကယားပြည်နယ်၏ မြို့တော်ဖြစ်သည့် လွိုင်ကော်မြို့သည် သန့်ရှင်းသော အာဆီယံ ခရီးသွားမြို့တော်ဆုရရှိထား သည့်အတွက် ပြည်နယ်တစ်ခုလုံး သန့်ရှင်းသာယာသော စံပြခရီးသွား ပြည်နယ်ဖြစ်လာစေရေး ပြည်နယ်သူ၊  ပြည်နယ် သားများ အားလုံးက  ပူးပေါင်းပါဝင်ကြိုးပမ်းပေးကြပါရန် အလေးအနက်တိုက်တွန်းလိုပါသည်။

ထို့ပြင်  ကယားပြည်နယ်သည် အရှေ့ဘက်ရှိ ထိုင်းနိုင်ငံ၏ နယ်စပ် ဝင်ပေါက်များမှတစ်ဆင့် ရင်းနှီးမြှုပ်နှံမှု၊ ကုန် သွယ်မှု၊ ကူးသန်းရောင်း ဝယ်မှုနှင့် ခရီးသွားလာမှုများ ဝင်ရောက်လာနိုင်သည့် အလားအလာ ကောင်းများရှိနေသည့် ပြည်နယ် တစ်ခုလည်းဖြစ်ပါသည်။ နိုင်ငံတော် အစိုးရအနေဖြင့် တစ်နိုင်ငံလုံး လျှပ်စစ်မီးရရှိရေးရည်မှန်း၍ ကြိုးပမ်း ဆောင်ရွက်လျက်ရှိရာတွင် ယခုအခါ တစ်နိုင်ငံလုံး အတိုင်းအတာအရ ပြည်သူ ၅ဝ ရာခိုင်နှုန်းသုံး စွဲနိုင်နေပြီ ဖြစ်ပါသည်။ ကယားပြည်နယ်အနေနှင့် ၈၈ ဒသမ ၇ ရာခိုင်နှုန်းကျော် လျှပ်စစ်မီး ရရှိသုံးစွဲနေပြီဖြစ်သောကြောင့် စက်မှု ကုန်ထုတ်လုပ်ငန်းများ ဖွံ့ဖြိုးတိုးတက်ရေးအတွက် အဆင်သင့်ဖြစ် နေပြီဖြစ်ပါသည်။

နိုင်ငံတော်အစိုးရအနေဖြင့် နိုင်ငံတော်တာဝန်စတင်ထမ်းဆောင်ရ သည်နှင့်တစ်ပြိုင်နက်-

-  တရားဥပဒေစိုးမိုးရေးနှင့် ပြည်သူများ၏ လူမှုစီးပွားဘဝတိုးတက် မြင့်မားရေး၊

- အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေး၊

- ဒီမိုကရေစီဖက်ဒရယ်ပြည်ထောင်စုတည်ဆောက်ရေးအတွက် အခြေခံအုတ်မြစ်ဖြစ်သည့် ဖွဲ့စည်းပုံ အခြေခံ ဥပဒေ ပြင်ဆင်ရေး ဆိုသည့် ရည်မှန်းချက်ပန်းတိုင် (၃)ရပ်အား ချမှတ်ပြဋ္ဌာန်းပြီး ယင်းရည်မှန်းချက်များ ပြည့်မီ အောင်မြင်စေရေး အတွက် ကြိုးပမ်း အကောင်အထည်ဖော်ဆောင်ရွက်လျက်ရှိပါသည်။

တစ်ချိန်က တိုင်းရင်းသားညီအစ်ကို အချင်းချင်းကြား နိုင်ငံရေး အယူဝါဒမတူညီမှုများနှင့် သံသယများကို ဆွေးနွေး ညှိနှိုင်း ဖြေရှင်းခြင်း မပြုနိုင်ဘဲ လက်နက်ဖြင့်ဖြေရှင်းရန် ကြိုးစားခဲ့ကြပါသည်။ ပြဿနာ၏ အရင်းအမြစ်မှာ နိုင်ငံရေး အခြေခံပြဿနာဖြစ်ပြီး ယင်းကို နိုင်ငံရေး နည်းဖြင့် ညှိနှိုင်းအဖြေမရှာနိုင်ခဲ့ကြသောကြောင့် နှစ်ပေါင်း (၇ဝ) ကျော်  ပြည်တွင်း ငြိမ်းချမ်းရေးနှင့် အလှမ်းဝေးနေခဲ့ကာ ယနေ့တိုင် လက်နက်ကိုင် ပဋိပက္ခ၏  ခါးသီးသော အတွေ့ အကြုံများကို  တစ်နိုင်ငံလုံး ခါးစည်း၍ ခံစား နေကြရဆဲဖြစ်ပါသည်။

တိုင်းရင်းသားပြည်သူများ နှစ်ပေါင်းကြာရှည်မျှော်လင့်တောင့်တခဲ့သော ရေရှည်တည်တံ့ခိုင်မြဲသည့် ငြိမ်းချမ်းရေး ရရှိရန် နိုင်ငံရေးပြဿနာ များကို နိုင်ငံရေးနည်းလမ်းဖြင့် ဖြေရှင်းနိုင်ရန်၊ တိုင်းရင်းသားညီအစ်ကို မောင်နှမများအားလုံး လက်ခံ နိုင်မည့် ဒီမိုကရေစီဖက်ဒရယ်ပြည်ထောင်စု တည်ဆောက်နိုင်ရန်တို့အတွက် ငြိမ်းချမ်းရေး တွေ့ဆုံ ဆွေးနွေးပွဲများမှ တစ်ဆင့် ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံအစည်း အဝေးများကို အကောင် အထည်ဖော်ဆောင်ရွက်လျက်ရှိရာ ဒီမိုကရေစီ နှင့် ဖက်ဒရယ်ဆိုင်ရာ ဘုံသဘောတူညီချက် (၅၁)ချက်ကို ရရှိထားပြီး ဖြစ်ပါသည်။ စစ်မှန်သည့် ပြည်ထောင်စု စိတ်ဓာတ်ကို ဦးထိပ်ရွက်ကာ မိမိတို့အားလုံး စည်းလုံးညီညွတ်စွာဖြင့် အတူတကွ ကြိုးပမ်းကြမည်ဆိုလျှင်  မဝေးတော့သည့် အချိန်တစ်ခုတွင် တစ်နိုင်ငံလုံး လက်နက်ကိုင်ပဋိပက္ခ များ ကင်းစင်ဝေးပြီး တည်ငြိမ်ငြိမ်းချမ်း၍ ခေတ်မီဖွံ့ဖြိုးတိုးတက်သေဒီမိုကရေစီ ဖက်ဒရယ်ပြည်ထောင်စုကို တည်ဆောက် နိုင်မည်ဟု ယုံကြည်ပါသည်။

ပြည်ထောင်စုသားအားလုံး လိုလား တောင့်တလျက်ရှိသည့် ဒီမိုကရေစီ ဖက်ဒရယ်ပြည်ထောင်စု တည်ဆောက်ရာ တွင် တွေ့ကြုံနိုင်သည့် အခက် အခဲများနှင့် စိန်ခေါ်မှုမှန်သမျှကို နိုင်ငံတော်အစိုးရနှင့်အတူ ကယား ပြည်နယ်ရှိ တိုင်းရင်းသားများအပါအဝင် ပြည်ထောင်စုဖွားတိုင်းရင်းသား အားလုံး၏ စုစည်းညီညွတ်မှုဖြင့် အတူတကွ ကြိုးပမ်းကြမည်ဆိုပါက ပြည့်ဝအောင်မြင်မည်ဟု အခိုင်အမာယုံကြည်ထားပါသည်။ လက်ရှိ ဖြစ်ထွန်းလျက်ရှိသည့် ငြိမ်းချမ်းရေးနှင့် ဖွံ့ဖြိုးတိုးတက်မှုအခြေခံကောင်း များအား မြဲမြံစွာဆုပ်ကိုင်လျက် အနှစ်နှစ်အလလက တောင့်တ ခဲ့သော ဒီမိုကရေစီဖက်ဒရယ်ပြည်ထောင်စုနိုင်ငံတော်ကြီးကို အောင်မြင်စွာ တည်ဆောက်နိုင်စေရေးအတွက် တိုင်းရင်းသားများအားလုံး စည်းစည်း လုံးလုံးညီညီညွတ်ညွတ်ဖြင့်   ဝိုင်းဝန်းပူးပေါင်းဆောင်ရွက်ကြပါရန်  တိုက်တွန်းနှိုး ဆော်ရင်း (၆၈)နှစ်မြောက် ကယားပြည်နယ်နေ့အား ကြိုဆို ဂုဏ်ပြုပါကြောင်း သဝဏ်လွှာ ပေးပို့အပ်ပါသည်။

(ပုံ)ဝင်းမြင့်

နိုင်ငံတော်သမ္မတ

 

 

 

 

Read 21 times Last modified on Wednesday, 15 January 2020 08:15