SJ WorldNews - шаблон joomla Авто

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် မြန်မာစီးပွားရေးကော်ပိုရေးရှင်း တာယာ စက်ရုံ(ရွာမ)သို့ သွားရောက်၍ ကုန်ထုတ်လုပ်မှုအခြေအနေ များအား ကြည့်ရှုစစ်ဆေး

Thursday, 23 January 2020 20:40 font size decrease font size decrease font size increase font size increase font size

နေပြည်တော်၊ ဇန်န၀ါရီ - ၂၃ 

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ကာကွယ်ရေးဦးစီးချုပ်(ရေ) ဗိုလ်ချုပ်ကြီး တင်အောင်စန်း၊ ကာကွယ်ရေးဦးစီးချုပ်(လေ) ဗိုလ်ချုပ်ကြီး မောင်မောင်ကျော်၊ ကာကွယ်ရေးဦးစီးချုပ်ရုံး (ကြည်း)မှ တပ်မတော်အရာရှိကြီးများနှင့် ရန်ကုန်တိုင်းစစ်ဌာနချုပ်တိုင်းမှူးတို့ လိုက်ပါပြီး ယနေ့မွန်းလွဲပိုင်းတွင် ရန်ကုန်တိုင်း ဒေသကြီး၊ အင်းစိန်မြို့နယ်ရှိ မြန်မာစီးပွားရေးကော်ပိုရေးရှင်း တာယာစက်ရုံ (ရွာမ)သို့ သွားရောက်ကြည့်ရှု စစ်ဆေးသည်။ 
ဦးစွာ တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များအား စက်ရုံမှူး ဦးမြသန်းထွန်းက စက်ရုံ၏ဖွဲ့စည်းပုံ၊ စက်များ တပ်ဆင်ထားရှိမှုနှင့် ကုန်ထုတ်လုပ်မှု အခြေအနေများ၊ ပြည်တွင်း၊ ပြည်ပဈေးကွက်သို့ ဖြန့်ဖြူး ရောင်းချနေမှု အခြေအနေများအား ရှင်းလင်းတင်ပြပြီး စစ်ထောက်ချုပ် ဒုတိယဗိုလ်ချုပ်ကြီး ညိုစောနှင့် မြန်မာ စီးပွားရေးကော်ပိုရေးရှင်းမှ အကြီးတန်းအကြံပေးပုဂ္ဂိုလ် ဦးသန့်ဆွေတို့က ဖြည့်စွက် တင်ပြကြသည်။ 


ရှင်းလင်းတင်ပြမှုများအပေါ် တပ်မတော်ကာကွယ်ရေးဦးစီးချုပ်က စက်ရုံအနေဖြင့် စက်စွမ်းအားပြည့် လည်ပတ် နိုင်ရမည် ဖြစ်ကြောင်း၊ မြန်မာနိုင်ငံတွင် မော်တော်ယာဉ်အစီးရေ ၉ သိန်းခွဲခန့်ရှိကာ တစ်နှစ်လျှင် တာယာ လိုအပ်ချက် အနေဖြင့် ၂.၆ သန်းခန့်ရှိပြီး ၎င်းင်းအနက် တာယာ ၂ သန်းခန့်အား ပြည်ပမှ တင်သွင်းနေရသည့်အတွက် ပြည်တွင်း လိုအပ်ချက်ကို ဖြည့်ဆည်းနိုင်အောင် ကြိုးစားရမည် ဖြစ်ကြောင်းနှင့် ထုတ်လုပ်ရာတွင်လည်း ဈေးကွက် လိုအပ်ချက်အရ ပြည်တွင်းနှင့် ကိုက်ညီသည့် တာယာအမျိုးအစားများကို ထုတ်လုပ်ရမည်ဖြစ်ကြောင်း၊ ထို့အပြင် ပြည်ပသို့လည်း ပိုမိုတင်ပို့ရောင်းချနိုင်ရေး ကြိုးပမ်း ဆောင်ရွက်ကြရမည် ဖြစ်ကြောင်းနှင့် ဈေးကွက်ဆိုင်ရာ၊ အရည်အသွေးဆိုင်ရာနှင့် စက်ရုံထုတ်လုပ်မှုဆိုင်ရာ သုတေသနတို့ကို အမြဲပြုလုပ်နေရမည် ဖြစ်ကြောင်း၊ မော်တော်ကားတာယာများအား အခြားစက်ရုံများမှ ထုတ်လုပ်သော ကုန်ပစ္စည်းများဖြင့် နှိုင်းယှဉ်ပြီး သက်သာမှု တွက်ချက်၍ အရည်အသွေး ကောင်းမွန်သော ထုတ်ကုန်များကို ထုတ်လုပ်နိုင်ရမည်ဖြစ်ကြောင်းနှင့် မော်တော်ကား တာယာများအပြင် ပြည်တွင်းလိုအပ်ချက်ဖြစ်သည့် ဆိုင်ကယ်တာယာများကို ထုတ်လုပ်ရောင်းချပြီး ပြည်ပမှ သွင်းကုန်များကို လျှော့ချနိုင်ရမည် ဖြစ်ကြောင်း၊ စက်ရုံအလုပ်ရုံများ အနေဖြင့် ပတ်ဝန်းကျင် ထိန်းသိမ်းရေး၊ ထုတ်လုပ်သည့် ကုန်ပစ္စည်းများ အရည်အသွေး ပြည့်မီကောင်းမွန်ရေး၊ ဈေးကွက် လိုအပ်ချက်သိရှိရေး စသည့်တို့ကို ဘက်ပေါင်းစုံမှ စဉ်းစား၍ မိမိလုပ်ငန်းတိုးတက်အောင် ဆောင်ရွက်ကြရမည် ဖြစ်ကြောင်းဖြင့် မှာကြားသည်။ 


ထို့နောက် စက်ရုံမှ ထုတ်လုပ်ထားရှိသည့် TRI STAR အမှတ်တံဆိပ် တာယာများ ခင်းကျင်းပြသထားမှုများနှင့် စက်ရုံအတွင်း လှည့်လည်၍ တာယာထုတ်လုပ်မှု လုပ်ငန်းအဆင့်ဆင့် ဆောင်ရွက်နေမှုများအား လှည့်လည်ကြည့်ရှု စစ်ဆေးရာ စက်ရုံမှူးနှင့် တာဝန်ရှိသူများက လိုက်လံရှင်းလင်း ပြသကြပြီး ရှင်းလင်းမှုများအပေါ် တပ်မတော် ကာကွယ်ရေးဦးစီးချုပ်က လိုအပ်သည်များ ပြန်လည်ဆွေးနွေးခဲ့ကာ အရည်အသွေး ပြည့်မီရေးနှင့် ဘေးအန္တရာယ် ကင်းရှင်းရေး အလေးထား ဆောင်ရွက်ကြရန် မှာကြားသည်။ ယင်းနောက် စက်ရုံဝန်ထမ်းများအတွက် ချီးမြှင့်ငွေများပေးအပ်ရာ တာဝန်ရှိသူများက လက်ခံရယူကြသည်။ 

အဆိုပါ မြန်မာစီးပွားရေးကော်ပိုရေးရှင်း တာယာစက်ရုံ (ရွာမ)သည် TRI STAR အမှတ်တံဆိပ် Truck & Bus Bias တာယာ၊ Truck & Bus Radial တာယာ၊ Passenger Car Radial တာယာနှင့် Special တာယာ စသည်ဖြင့် အမျိုးအစား ၄ မျိုးခွဲ၍ လူစီးယာဉ်များ၊ Express ယာဉ်များ၊ Bus ယာဉ်များ၊ ကုန်တင်ယာဉ်များ၊ မြေသယ်ယာဉ်များ စသည့် မော်တော်ယာဉ်အမျိုးမျိုးအတွက် နိုင်ငံတကာအဆင့်မီ တာယာများအား အရည်အသွေး မြင့်မားစွာ ထုတ်လုပ်လျက်ရှိပြီး ဈေးနှုန်းသက်သာစွာဖြင့် ဖြန့်ဖြူးရောင်းချလျက်ရှိကြောင်း၊ ပြည်ပမှ သွင်းကုန်များကို အစားထိုး ထုတ်လုပ်နိုင်သည်သာမက အမေရိကန်၊ ပါရာဂွေး၊ နယူးဂီနီ၊ ဘရာဇီး၊ ပါကစ္စတန်၊ ကိုလံဘီယာ၊ မလေးရှား၊ နီပေါ၊ ဗီယက်နမ်၊ ရုရှားနှင့် ထိုင်ဝမ်နိုင်ငံများသို့လည်း တင်ပို့ရောင်းချလျက်ရှိကြောင်း သတင်းရရှိသည်။

Read 110 times Last modified on Thursday, 23 January 2020 20:59