SJ WorldNews - шаблон joomla Авто

နိုင်ငံတော်သမ္မတ ဦးဝင်းမြင့် မြန်မာနိုင်ငံ အမျိုးသား လူ့အခွင့်အရေး ကော်မရှင် ဥက္ကဋ္ဌနှင့် အဖွဲ့ဝင်များအား တွေ့ဆုံ

Saturday, 25 January 2020 08:16 font size decrease font size decrease font size increase font size increase font size

နိုင်ငံတော်သမ္မတ ဦးဝင်းမြင့်သည် မြန်မာနိုင်ငံ အမျိုးသား လူ့အခွင့်အရေး ကော်မရှင် ဥက္ကဋ္ဌ ဦးလှမြင့်နှင့် အဖွဲ့ဝင်များအား ယနေ့နံနက် ၁၀ နာရီတွင် နေပြည်တော်ရှိ နိုင်ငံတော် သမ္မတ အိမ်တော် ဧည့် ခန်းမဆောင်၌ တွေ့ဆုံ လမ်းညွှန် မှာကြားသည်။

တွေ့ဆုံစဉ် နိုင်ငံတော်သမ္မတက ယခုကော်မရှင်ကို ဥပဒေနှင့်အညီ စိစစ်ရွေးချယ်ရေး အဖွဲ့က တင်ပြလာသည့် ကော်မရှင်အဖွဲ့ဝင်လောင်းများထဲမှ ထပ်မံစိစစ်၍ ရွေးချယ်ခဲ့ခြင်းဖြစ်ကြောင်း၊ ယနေ့ ဂလိုဘယ် လိုက်ဇေးရှင်းခေတ် တွင် ဒီမိုကရေစီနှင့် လူ့အခွင့်အရေးသည် ရှေ့တန်းသို့ရောက်ရှိ လာပြီဖြစ်ကြောင်း၊ လူ့ အခွင့်အရေးနှင့် ပတ်သက်၍ ၁၉၄၇ ခုနှစ်နှင့် ၁၉၇၄ ခုနှစ် ဖွဲ့စည်းပုံ အခြေခံ ဥပဒေတို့တွင် ပါရှိခဲ့ပြီးဖြစ် ကြောင်း၊ သို့သော်လည်း ကျင့်သုံးမှု အားနည်း၍ နိ်ုင်ငံသားများ ရရှိခံစားမှုလည်း နည်းပါးကြောင်း၊ ထို့အတူ ၂၀၀၈ ခုနှစ် ဖွဲ့စည်းပုံ အခြေခံဥပဒေတွင်လည်း နိုင်ငံသားများ၏ မူလအခွင့်အရေးများဆိုပြီး ပါရှိကြောင်း၊ အပြည်ပြည်ဆိုင်ရာ လူ့အခွင့်အရေး ကြေညာ စာတမ်းကိုလည်း ပါဝင်လက်မှတ်ရေးထိုးခဲ့ကြောင်း၊ ယခု ကော်မရှင် အနေဖြင့် လူ့အခွင့်အရေးနှင့် ပတ်သက်ပြီး နိုင်ငံသူနိုင်ငံသားများ ကျယ်ကျယ်ပြန့်ပြန့် သိရှိအောင်၊ ဗဟုသုတကြွယ်ဝအောင်၊ လူ့အခွင့်အရေးများ ကာကွယ်ေ စာင့်ရှောက်နိုင်အောင် ဆောင်ရွက်ပေးရမည် ဖြစ် ကြောင်း၊ ထို့ပြင်ရဲစခန်း၊ ရဲအချုပ်စခန်း၊ ရဲဘက်စခန်းနှင့် အကျဉ်းစခန်း၊ အကျဉ်းထောင်များ၊ ထိန်းသိမ်း စောင့်ရှောက်ရေးစခန်းများကို စနစ်တကျ ကြည့်ရှုစစ်ဆေးသွားရန် လို အပ်ကြောင်း။

လူ့အခွင့်အရေး၏ ထူးခြားသောဝိသေသများမှာ တစ်ကမ္ဘာလုံးရှိ လူသားအားလုံးနှင့် သက်ဆိုင်သည့် အခွင့် အရေးဖြစ်ကြောင်း၊ တစ်ဦးမှတစ်ဦးမလွှဲပြောင်းနိုင်သည့် အခွင့်အရေးဖြစ်ကြောင်း၊ အမျိုးသား၊ အမျိုးသမီး၊ အသား အရောင်၊ လူမျိုးဟူ၍ မခွဲခြားနိုင်သည့် အခွင့်အရေးဖြစ်ကြောင်း၊ အပြန်အလှန် ဆက်နွှယ်နေသော အခွင့်အရေးဖြစ်ကြောင်း၊ တစ်ဦးနှင့်တစ်ဦး အမှီသဟဲ ပြုနေသည့် အခွင့်အရေးလည်း ဖြစ်ကြောင်း။

လူ့အခွင့်အရေးသည် ယခုနိုင်ငံတော်က တည်ဆောက်နေသည့် ဒီမိုကရေစီ ဖက်ဒရယ် ပြည်ထောင်စု တည် ဆောက်ရေးနှင့်လည်း ဆက်စပ်နေကြောင်း၊ ဒီမိုကရေစီအရေး၊ လူ့အခွင့်အရေး၊ တရားဥပဒေစိုးမိုးရေးသည် သုံးပွင့်ဆိုင် ချိတ်ဆက်နေကြောင်း၊ တစ်ခုချိုးဖောက်ခံရပါက အခြားနှစ်ခုပါ ချိုးဖောက်ခံရခြင်းဖြစ်ကြောင်း၊ လူ့အခွင့်အရေးကို ကာကွယ်မြှင့်တင်နိုင်ခြင်း၊ ထိန်းသိမ်းစောင့်ရှောက်နိုင်ခြင်းအားဖြင့် တရားဥပဒေ စိုးမိုးရေး နှင့် ဒီမိုကရေစီရေးတို့ပါ ကျွဲကူးရေပါအလိုလို ထိန်းသိမ်းစောင့်ရှောက်ပြီး ဖြစ်ကြောင်း၊ ထို့ကြောင့် လူ့အခွင့် အရေးကို အထူးဂရုစိုက် ထိန်းသိမ်းပေးစေလိုကြောင်း လမ်းညွှန်မှာကြားသည်။

ထို့နောက် မြန်မာနိုင်ငံ အမျိုးသား လူ့အခွင့်အရေး ကော်မရှင်ဥက္ကဋ္ဌ ဦးလှမြင့်က ကော်မရှင် အနေဖြင့် လူ့အ ခွင့်အရေးနှင့် ပတ်သက်၍ မြှင့်တင်ဆောင်ရွက်သွားမည့် အခြေအနေများကိုလည်းကောင်း၊ အဖွဲ့ဝင်များဖြစ်သည့် ဒေါက် တာသန်းမြင့်၊ ဦးကျော်မြင့်၊ ဒေါက်တာ တင်မောင်မောင်သန်းနှင့် ဦးပေါ်လွင်စိန်တို့က ကဏ္ဍ အလိုက်ရှေ့ဆက်ဆောင်ရွက်သွားမည့် အခြေအနေများနှင့် စပ်လျဉ်း၍လည်းကောင်း ရှင်းလင်းတင်ပြကြ သည်။

နိုင်ငံတော်သမ်္မတက တင်ပြချက်များအပေါ် ကော်မရှင်၏ လုပ်ငန်းတာဝန်များသည် ကျယ်ပြန့်နက်ရှိုင်း ကြောင်း၊ ပြည်သူပြည်သားများ ကျယ်ကျယ်ပြန့်ပြန့် နားလည်သဘောပေါက် လိုက်နာစေရန် အသိပညာပေး ဆောင်ရွက် သွားရန် လိုအပ်ကြောင်း၊ လူ့အခွင့်အရေး ကာကွယ်မြှင့်တင်ရေးကို အဆင့်ဆင့် တိုးတက် ပြောင်း လဲလာရန်၊ နိုင်ငံသူ နိုင်ငံသားများ၏ အခွင့်အရေးများကို ရရှိခံစားနိုင်ရေး ဆောင်ရွက်သွားရန် လိုအပ် ကြောင်း၊ ထိုသို့ဆောင် ရွက်ရာတွင် ဥပဒေ၊ နည်းဥပဒေ၊ စည်းမျဉ်းစည်းကမ်းများနှင့်အညီ ဆောင်ရွက်ရန် လိုအပ်ကြောင်း လမ်းညွှန်မှာကြားသည်။

တွေ့ဆုံပွဲသို့ နိုင်ငံတော် သမ္မတနှင့်အတူ ပြည်ထောင်စုဝန်ကြီးများ ဖြစ်ကြသည့် ဒုတိယ ဗိုလ်ချုပ်ကြီးစိန်ဝင်း၊ ဦးမင်းသူ၊ ဦးသိန်းဆွေ၊ ဒေါက်တာဝင်းမြတ်အေး၊ ဒုတိယ၀န်ကြီး ဗိုလ်ချုပ်အောင်သူနှင့် တာဝန်ရှိသူများတက် ရောက်ကြ ပြီး မြန်မာနိုင်ငံ အမျိုးသား လူ့အခွင့်အရေး ကော်မရှင်ဥက္ကဋ္ဌနှင့်အတူ ဒုတိယဥက္ကဋ္ဌ ဒေါက်တာ နန္ဒာမွှန်း၊ အဖွဲ့ဝင်များဖြစ်ကြသည့် ဦးပေါ်လွင်စိန်၊ ဦးကျော်စိုး၊ ဒေါက်တာ သန်းမြင့်၊ ဒေါ်နုနုယဉ်၊ ဒေါက်တာ တင်မောင်မောင်သန်း၊ ဒေါက်တာမြင့်သူမြိုင်၊ ဦးတင်အောင်၊ ဒေါ်တင်ကြည်ဦးနှင့် ဦးကျော်မြင့်တို့ တက် ရောက် ကြကြောင်း သိရသည်။

Read 81 times Last modified on Saturday, 25 January 2020 08:19