SJ WorldNews - шаблон joomla Авто

နေပြည်တော် ဗိုလ်ချုပ်အောင်ဆန်း ကြေးရုပ်တု ဖွင့်ပွဲ အခမ်းအနား ကျင်းပ

Friday, 14 February 2020 10:10 font size decrease font size decrease font size increase font size increase font size

နေပြည်တော် ဖေဖော်ဝါရီ ၁၃

နေပြည်တော်   ဗိုလ်ချုပ်အောင်ဆန်း ကြေးရုပ်တုဖွင့်ပွဲ အခမ်းအနားကို ယနေ့နံနက် ၈ နာရီတွင် နေပြည်တော် ဇမ္ဗူသီရိမြို့နယ် သပြေကုန်းအ၀ိုင်း၌ ကျင်းပရာ နိုင်ငံတော် သမ္မတ  ဦးဝင်းမြင့်  တက်ရောက်မိန့်ခွန်းပြောကြားသည်။

အခမ်းအနားသို့ နိုင်ငံတော် သမ္မတ ဦးဝင်းမြင့်၏ဇနီး ဒေါ်ချိုချို၊ ဒုတိယသမ္မတ ဦးမြင့်ဆွေနှင့်ဇနီး ဒေါ်ခင်သက်ဌေး၊ ဒုတိယသမ္မတ   ဦးဟင်နရီဗန်ထီးယူနှင့်ဇနီး ဒေါက်တာရွှေလွှမ်း၊   ပြည်သူ့လွှတ်တော် ဥက္ကဋ္ဌ ဦးတီခွန်မြတ်နှင့်ဇနီး ဒေါ်ရင်မေ၊ အမျိုးသား လွှတ်တော်ဥက္ကဋ္ဌ မန်းဝင်းခိုင်သန်းနှင့်ဇနီး နန့်ကြင်ကြည်၊ ပြည်ထောင်စု တရားသူကြီးချုပ်   ဦးထွန်းထွန်းဦး၊   နိုင်ငံတော် ဖွဲ့စည်းပုံ အခြေခံဥပဒေဆိုင်ရာ ခုံရုံးဥက္ကဋ္ဌ ဦးမျိုးညွန့်၊ ပြည်သူ့လွှတ်တော် ဒုတိယဥက္ကဋ္ဌ ဦးထွန်းထွန်းဟိန်၊  အမျိုးသား လွှတ်တော် ဒုတိယဥက္ကဋ္ဌ    ဦးအေးသာအောင်၊  ပြည်ထောင်စုဝန်ကြီးများ၊ ပြည်ထောင်စု ရှေ့နေချုပ်၊ ပြည်ထောင်စုစာရင်းစစ်ချုပ်၊ ပြည်ထောင်စုရာထူးဝန်အဖွဲ့ ဥက္ကဋ္ဌ၊ ငြိမ်းချမ်းရေး ကော်မရှင်ဥက္ကဋ္ဌ၊ နေပြည်တော်ကောင်စီ ဥက္ကဋ္ဌ၊ မြန်မာနိုင်ငံတော် ဗဟိုဘဏ် ဥက္ကဋ္ဌ၊ အဂတိ လိုက်စားမှု တိုက်ဖျက်ရေး ကော်မရှင် ဥက္ကဋ္ဌ၊ မြန်မာနိုင်ငံ အမျိုးသား လူ့အခွင့်အရေး ကော်မရှင်ဥက္ကဋ္ဌ၊ လွှတ်တော်ရေးရာ ကော်မတီ ဥက္ကဋ္ဌများ၊ နေပြည်တော်တိုင်း စစ်ဌာနချုပ်တိုင်းမှူး၊ ဒုတိယ၀န်ကြီးများနှင့် ၎င်းတို့၏ ဇနီးများ၊ လွှတ်တော် ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ တိုင်းရင်းသားများ၊ အစိုးရမဟုတ်သော အဖွဲ့အစည်းများ၊ အရပ်ဘက် အဖွဲ့အစည်းများ၊ တက္ကသိုလ် ကျောင်းသားသမဂ္ဂအဖွဲ့၊   ကျောင်းသား၊ ကျောင်းသူများ၊ အလှူရှင်များနှင့် ဒေသခံ မိဘပြည်သူများ တက်ရောက်ကြသည်။

ဖွင့်ပွဲအခမ်းအနားတွင်    နိုင်ငံတော် သမ္မတ ဦးဝင်းမြင့်က နေပြည်တော် ဗိုလ်ချုပ် အောင်ဆန်းကြေးရုပ်တုဖွင့်ပွဲ အထိမ်းအမှတ် မိန့်ခွန်းပြောကြားသည်။

(နိုင်ငံတော်သမ္မတ ဦးဝင်းမြင့် ပြောကြားသည့် မိန့်ခွန်းအပြည့်အစုံကို သီးခြား ဖော်ပြထားပါသည်။)

ထို့နောက်  နိုင်ငံတော်သမ္မတ၊ ဒုတိယသမ္မတများ၊   ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော် ဥက္ကဋ္ဌ၊ ပြည်ထောင်စု တရားသူကြီးချုပ်နှင့် နေပြည်တော်ကောင်စီ ဥက္ကဋ္ဌတို့က နေပြည်တော် ဗိုလ်ချုပ်အောင်ဆန်း ကြေးရုပ်တုကို ဖဲကြိုးဖြတ် ဖွင့်လှစ်ပေးပြီး   ကမ္ပည်းမော်ကွန်းကြေးပြားများကို အမွှေးနံ့သာရည်ဖြင့် ပက်ဖျန်းပေးကြသည်။

ယင်းနောက် နိုင်ငံတော်သမ္မတ၊ ဒုတိယသမ္မတများ၊ ပြည်သူ့လွှတ်တော် ဥက္ကဋ္ဌ၊ အမျိုးသားလွှတ်တော်ဥက္ကဋ္ဌ၊ ပြည်ထောင်စု တရားသူကြီးချုပ်နှင့် နေပြည်တော်ကောင်စီ ဥက်္ကဋ္ဌတို့သည် တိုင်းရင်းသား မောင်မယ်များနှင့် စုပေါင်း မှတ်တမ်းတင် ဓာတ်ပုံရိုက်ကြသည်။

ဆက်လက်၍ နိုင်ငံတော်သမ္မတသည် ဒုတိယသမ္မတများ၊   နိုင်ငံတော်ဖွဲ့စည်းပုံ အခြေခံဥပဒေဆိုင်ရာ  ခုံရုံးဥက္ကဋ္ဌ၊  ပြည်ထောင်စုအဆင့် ပုဂ်္ဂိုလ်များ၊ နေပြည်တော်တိုင်း စစ်ဌာနချုပ် တိုင်းမှူး၊   တိုင်းရင်းသား မောင်မယ်များနှင့် လည်းကောင်း၊ နိုင်ငံတော် သမ္မတနှင့်ဇနီးနှင့် အမျိုးသား လွှတ်တော် ဥက္ကဋ္ဌတို့သည်  ဗိုလ်ချုပ်အောင်ဆန်း ကြေးရုပ်တု ဖြစ်မြောက်ရေး  ဦးစီးကော်မတီ အဖွဲ့ဝင်များနှင့် လည်းကောင်း၊ နိုင်ငံတော် သမ္မတ၊ ဒုတိယသမ္မတများ၊ ပြည်သူ့လွှတ်တော် ဥက္ကဋ္ဌ၊ အမျိုးသားလွှတ်တော် ဥက္ကဋ္ဌနှင့် ၎င်းတို့၏ဇနီးများသည် တိုင်းရင်းသား မောင်မယ်များနှင့် လည်းကောင်း  စုပေါင်းမှတ်တမ်းတင် ဓာတ်ပုံရိုက်သည်။

ဖွင့်ပွဲအခမ်းအနားအပြီးတွင် နိုင်ငံတော် သမ္မတနှင့် ဇနီးတို့သည်  အခမ်းအနားသို့ တက်ရောက်လာကြသည့် ဧည့်သည်တော်များနှင့် ဒေသခံ မိဘပြည်သူများအား ရင်းရင်း နှီးနှီး လိုက်လံနှုတ်ဆက်သည်။

(သတင်းစဉ်)

Read 117 times Last modified on Friday, 14 February 2020 10:12