SJ WorldNews - шаблон joomla Авто

တပ်မတော်ဆေးရုံကြီး(ခုတင်-၁ဝဝဝ)မှ နှလုံးနှင့် သွေးကြောခွဲစိတ်ကုသမှု ဌာနနှင့် Passion Care ကုမ္ပဏီတို့ ပူးပေါင်း၍ ခြေထောက်သွေးပြန်ကြောထုံးခြင်းဆိုင်ရာ ရောဂါများ ကုသမှုဆိုင်ရာ Workshop ကျင်းပ

Saturday, 15 February 2020 10:06 font size decrease font size decrease font size increase font size increase font size

နေပြည်တော်  ဖေဖော်ဝါရီ  ၁၄

တပ်မတော်ဆေးရုံကြီး (ခုတင်-၁ဝဝဝ)မှ နှလုံးနှင့်သွေးကြောခွဲစိတ် ကုသမှုဌာနနှင့် Passion Care ကုမ္ပဏီတို့ ပူးပေါင်း၍ ခြေထောက်သွေးပြန်ကြောထုံးခြင်းဆိုင်ရာ ရောဂါများကုသမှုဆိုင်ရာ Workshop  ကို ယနေ့နံနက်ပိုင်းက ရန်ကုန်တိုင်းဒေသကြီး မင်္ဂလာဒုံမြို့နယ်ရှိ တပ်မတော်ဆေးရုံကြီး (ခုတင်-၁ဝဝဝ)တွင် ပြုလုပ်ခဲ့သည်။

အဆိုပါ ဆွေးနွေးပွဲကို တပ်မတော်ဆေးရုံကြီး(ခုတင်-၁ဝဝဝ)မှ နှလုံးနှင့်သွေးကြောခွဲစိတ်ကုသမှုဌာနနှင့်  Passion Care ကုမ္ပဏီတို့  ပူးပေါင်းကျင်းပခြင်း ဖြစ်ပြီး ခြေထောက်သွေးပြန်ကြောထုံးခြင်းဆိုင်ရာ ရောဂါများ(Varicose Veins) ၏ နောက်ဆုံးပေါ် ကမ္ဘာ့အဆင့်မီကုသမှု တစ်ခုဖြစ်သော သွေးကြောတွင်း လေဆာဖြင့် ကုသမှုဆိုင်ရာ နည်းပညာများ (Endovenous  Laser Therapy) အား သိရှိတတ်ကျွမ်းနားလည်စေရန် ရည်ရွယ်ကျင်းပခြင်း ဖြစ်သည်။

ဆွေးနွေးပွဲသို့ တပ်မတော်ဆေးရုံကြီး (ခုတင်-၁ဝဝဝ)မှ ဒုတိယတပ်မှူး ဗိုလ်မှူးကြီး ဒေါ်ခင်ဝင်းစိန်၊ နှလုံးနှင့် ရင်ခေါင်းရောဂါကုသမှုဌာနကြီး၊ ဌာနမှူးပါမောက္ခ ဗိုလ်မှူးကြီး ခင်အောင်ထွန်း၊  နှလုံးနှင့်သွေးကြောခွဲစိတ်ကုသမှုဌာန၊ ဌာနမှူး  ဒုတိယဗိုလ်မှူးကြီးရန်နောင်၊ ခွဲစိတ်ကုသမှုဌာနမှူး/ပါရဂူများ၊ ခွဲစိတ်ကုပညာမဟာသိပ္ပံကျောင်းသားများနှင့် အခြားစိတ် ပါဝင်စားသူများ တက်ရောက်ခဲ့ကြသည်။

အကြိုဆွေးနွေးပွဲ အပြီးတွင် သက်ဆိုင်ရာ ပါရဂူများက ဦးစီး၍  ခြေထောက်သွေးပြန် ကြောထုံးရောဂါသည်   စစ်သည်၊ ရဲမေ၊ မိသားစုဝင်များနှင့်    အငြိမ်းစားစစ်သည် ၁၁ ဦးကို သွေးကြောတွင်းလေဆာနှင့် ခွဲစိတ်ကုသမှုများ ဆောင်ရွက် ပေးခဲ့ကြောင်း သိရသည်။   

Read 77 times Last modified on Saturday, 15 February 2020 10:10