SJ WorldNews - шаблон joomla Авто

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် စစ်ဦးစီး တက္ကသိုလ်မှ နည်းပြ အရာရှိကြီးများနှင့် သင်တန်းသား အရာရှိကြီးများအား တွေ့ဆုံ အမှာစကား ပြောကြား

Tuesday, 18 February 2020 09:45 font size decrease font size decrease font size increase font size increase font size

နေပြည်တော် ဖေဖော်ဝါရီ  ၁၇

တပ်မတော်၌ တပ်ရင်းသည် အခြေခံ အကျဆုံး အဖွဲ့အစည်း ဖြစ်ကြောင်း၊ တိုင်းပြည်က အားထားရသော၊ ပြည်သူက အားကိုးရသော တပ်ဖြစ်ရန်နှင့် ပြည်သူနှင့် တစ်သားတည်း ဖြစ်ရမည် ဖြစ်ကြောင်းနှင့် သင်တန်းက သင်ကြားပေးလိုက်သည်များကို လက်တွေ့နယ်ပယ်တွင် စနစ်တကျ အောင်မြင်အောင် အသုံးချခြင်းဖြင့် တပ်မှူးကောင်းများဖြစ်အောင် ကြိုးစားလုပ်ဆောင် သွားကြရမည် ဖြစ်ကြောင်းဖြင့် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ကလောတပ်နယ်ရှိ စစ်ဦးစီး တက္ကသိုလ်မှ နည်းပြအရာရှိကြီးများနှင့် သင်တန်းသား အရာရှိကြီးများအား ယနေ့မွန်းလွဲပိုင်းတွင် သင်တန်းခန်းမ၌ တွေ့ဆုံအမှာစကား ပြောကြားစဉ် ထည့်သွင်း ပြောကြားသည်။

အဆိုပါ တွေ့ဆုံပွဲသို့ ကာကွယ်ရေး ဦးစီးချုပ်(ရေ) ဗိုလ်ချုပ်ကြီး တင်အောင်စန်း၊  ကာကွယ်ရေး ဦးစီးချုပ်ရုံးမှ တပ်မတော် အရာရှိကြီးများ၊ အရှေ့ပိုင်းတိုင်း စစ်ဌာနချုပ် တိုင်းမှူး ဗိုလ်ချုပ် လင်းအောင်၊ စစ်ဦးစီး တက္ကသိုလ် ဒုတိယ ကျောင်းအုပ်ကြီး၊ နည်းပြ အရာရှိကြီးများနှင့် သင်တန်းသား အရာရှိကြီးများ တက်ရောက်ကြသည်။

တပ်မတော် ကာကွယ်ရေး ဦးစီးချုပ်က အမှာစကား ပြောကြားရာတွင် တိုက်စွမ်းရည်၊ တိုက်စွမ်းအားများ မြင့်မား၍ သမားရိုးကျ စစ်ဆင်ရေးအတွက် အမြဲအသင့်ရှိနေရေးပြင်ဆင်ဆောင်ရွက်ရမည် ဖြစ်ကြောင်း၊ တပ်၏တိုက်စွမ်းရည် မြင့်မားလာစေရေး ယခု သင်တန်းမှ သင်ကြားပို့ချ ပေးလိုက်သည်များကို လက်တွေ့ အသုံးချ ဆောင်ရွက်ရန် လိုအပ်မည် ဖြစ်ကြောင်း။

တပ်မတော်၌ တပ်ရင်းသည် အခြေခံ အကျဆုံး အဖွဲ့အစည်း ဖြစ်သောကြောင့်  တပ်ရင်းများကောင်းရန် လိုပြီး ထိုသို့ ကောင်းမွန်ရေး တပ်မှူးက အဓိကကျကြောင်း၊ တပ်မှူးကလည်း မိမိလက်အောက်ရှိ အရာရှိ၊ စစ်သည်၊ ရဲမေများနှင့် တစ်သားတည်း ဖြစ်နေရမည်ဖြစ်ပြီး အပြန်အလှန် သံယောဇဉ် ရှိနေရမည် ဖြစ်ကြောင်း၊ အုပ်ချုပ်မှု ညီညွတ်မျှတစွာ ဆောင်ရွက်ခြင်းဖြင့် တပ်တွင်းစည်းလုံး ညီညွတ်မှုကို တည်ဆောက်ရမည် ဖြစ်ကြောင်း၊ စစ်သည်၊ ရဲမေများ၏ ပညာရည် မြင့်မားရေးကိုလည်း ဂရုတစိုက် ဆောင်ရွက်ပေးရန် လိုအပ်ပြီး စာမတတ်မြောက်သူ မရှိအောင် ဆောင်ရွက်ပေးရမည် ဖြစ်ကြောင်း မှာကြားသည်။

သင်တန်းက သင်ကြားပေးလိုက်သည်များကို လက်တွေ့နယ်ပယ်တွင် စနစ်တကျ အောင်မြင်အောင် အသုံးချခြင်းဖြင့် တပ်မှူးကောင်းများ ဖြစ်အောင် ကြိုးစားလုပ်ဆောင် သွားကြရမည် ဖြစ်ကြောင်း၊ စာပေများ ဖတ်ရှုလေ့လာရန် လိုအပ်ပြီး ဥပဒေရေးရာ၊ နိုင်ငံရေးရာ၊ စစ်ပညာဆိုင်ရာ ဗဟုသုတများနှင့် ပြည့်စုံအောင် လုပ်ဆောင်ရမည် ဖြစ်ကြောင်း၊ ထို့ပြင် တပ်မှူးများသည် မိမိအဆင့်နှင့် လိုက်လျော ညီထွေသော သွားလာ၊ နေထိုင်၊ စားသောက်မှု ရှိရမည်ဖြစ်ကာ စည်းကမ်းနှင့် ညီညွတ်သည့် အပြုအမှု များ ရှိရမည်ဖြစ်ကြောင်း၊ တိုင်းပြည်က အားထားရသော၊ ပြည်သူက အားကိုးရသော တပ်ဖြစ်ရန်နှင့် ပြည်သူနှင့် တစ်သားတည်း ဖြစ်ရမည် ဖြစ်ကြောင်း။

ငြိမ်းချမ်းရေးနှင့် ပတ်သက်၍ ပြောကြားရာတွင် ဖက်ဒရယ် ဆိုသည်မှာ ပေါင်းစည်း နေထိုင်ခြင်း (Living Together) နှင့် ဒီမိုကရေစီ ဆိုသည်မှာ စည်းကမ်းစနစ်တကျ လုပ်ဆောင်ခြင်းပင် ဖြစ်ကြောင်း၊ မိမိတို့ တာဝန်ကျရာ တပ်ရင်း၊ တပ်ဖွဲ့၊ ဒေသများ၌ ငြိမ်းချမ်းရေးနှင့် ပတ်သက်၍ တပ်မတော်၏ သဘောထား များ၊ ထာဝရငြိမ်းချမ်းရေးအတွက် တပ်မတော်၏ ကြိုးပမ်း ဆောင်ရွက်နေမှုများ၊ ငြိမ်းချမ်းရေး ရရှိမှသာ လျင် ဒေသဖွံ့ဖြိုး တိုးတက်ရေး၊ ၎င်းမှတစ်ဆင့် နိုင်ငံ၏ ဖွံ့ဖြိုးတိုးတက်ရေးကို ဆောင်ရွက်နိုင်မည်ဖြစ် ကြောင်းနှင့် တိုင်းရင်းသားများ အရေးနှင့်ပတ်သက်၍ တပ်မတော်က စည်းလုံးညီညွတ် ရေးကို အခြေခံ၍ အမြဲအလေးထား ဆောင်ရွက်နေမှု တို့ကို တိုင်းရင်းသား ပြည်သူလူထု သိရှိနားလည် သဘောပေါက်စေ ရန် ဆောင်ရွက်ရမည် ဖြစ်ကြောင်းဖြင့် မှာကြားခဲ့ကြောင်း သတင်းရရှိသည်။

Read 191 times Last modified on Tuesday, 18 February 2020 09:46