SJ WorldNews - шаблон joomla Авто

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် မြန်မာနိုင်ငံဆိုင်ရာ တရုတ်ပြည်သူ့သမ္မတ နိုင်ငံ သံအမတ်ကြီးအား လက်ခံတွေ့ဆုံ

Tuesday, 25 February 2020 20:50 font size decrease font size decrease font size increase font size increase font size

နေပြည်တော်၊ ဖေဖော်ဝါရီ - ၂၅

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည်  မြန်မာနိုင်ငံဆိုင်ရာ တရုတ်ပြည်သူ့ သမ္မတနိုင်ငံ သံအမတ်ကြီး H.E.Mr. Chen Hai အား ယနေ့နံနက်ပိုင်းတွင် နေပြည်တော်ရှိ ဘုရင့်နောင်ရိပ်သာဧည့်ခန်းမ၌ လက်ခံ တွေ့ဆုံသည်။

အဆိုပါတွေ့ဆုံပွဲသို့ တပ်မတော်ကာကွယ်ရေးဦးစီးချုပ်နှင့်အတူ ကာကွယ်ရေး ဦးစီးချုပ်ရုံး(ကြည်း)မှ ဒုတိယ ဗိုလ်ချုပ်ကြီး ရဲဝင်းဦးနှင့် တပ်မတော်အရာရှိကြီးများ တက်ရောက်ကြပြီး မြန်မာနိုင်ငံဆိုင်ရာ တရုတ်နိုင်ငံ သံအမတ်ကြီး နှင့်အတူ စစ်သံမှူး Senior Colonel Xiong Shaowei နှင့် တာဝန်ရှိသူများ တက်ရောက်ကြသည်။

ထိုသို့တွေ့ဆုံရာတွင် တရုတ်ပြည်သူ့သမ္မတနိုင်ငံ သံအမတ်ကြီးက ယနေ့နံနက်ပိုင်းတွင် တရုတ်နိုင်ငံ၌ ကိုရိုနာ ဗိုင်းရပ်စ်ရောဂါ ကာကွယ်ကုသထိန်းချုပ်ရေးလုပ်ငန်းများ အောင်မြင်စေရန်အတွက် မြန်မာ့တပ်မတော်မှ ဆေးဘက်ဆိုင်ရာပစ္စည်းများ ပေးပို့လှူဒါန်းပွဲသို့ တက်ရောက်ခဲ့ပါကြောင်း၊ ယခုကဲ့သို့ လှူဒါန်းခြင်းအတွက် အထူးကျေးဇူးတင်ရှိပါကြောင်းဖြင့် ဦးစွာ ပြောကြားသည်။

တပ်မတော်ကာကွယ်ရေး ဦးစီးချုပ်က တရုတ်နိုင်ငံတွင် ကိုရိုနာ ဗိုင်းရပ်စ်ရောဂါ  ဖြစ်ပွားသည်ဟု စတင် ကြားသိရကတည်းက စိတ်မကောင်းဖြစ်မိပါကြောင်း၊ မိမိတို့ နှစ်နိုင်ငံသည် အိမ်နီးချင်းနိုင်ငံများ ဖြစ်သည့် အတွက် တစ်နိုင်ငံနှင့် တစ်နိုင်ငံ အပြန်အလှန် ဖေးမကူညီ ဆောင်ရွက်ကြရမည်ဖြစ်ကြောင်း၊ မိမိတို့လှူဒါန်းသည့် ဆေးဘက်ဆိုင်ရာ ပစ္စည်းများသည် ပမာဏအားဖြင့် မများသော်လည်း တရုတ်ပြည်သူများအတွက် အသက် အန္တရာယ်ကာကွယ်ရာ၌ အထောက်အကူဖြစ်စေနိုင်ရန် ရည်ရွယ်ပါကြောင်း၊ ယခုကဲ့သို့ အခက်အခဲကြုံတွေ့ နေချိန်တွင် ကူညီခွင့်ရသည့်အတွက်လည်း ၀မ်းမြောက်ပါကြောင်းနှင့် မိမိတို့နိုင်ငံ၌လည်းကောင်း၊ တပ်မတော်တွင်လည်းကောင်း ကိုရိုနာဗိုင်းရပ်စ်ရောဂါ ကာကွယ်ရေးလုပ်ငန်းများကို အလေးထား ဆောင်ရွက်လျက်ရှိ ကြောင်း၊ တရုတ်နိုင်ငံအနေဖြင့် ကိုရိုနာဗိုင်းရပ်စ်ရောဂါကို ကာကွယ်ရေး၊ ကုသရေးနှင့် ထိန်းချုပ်ရေး လုပ်ငန်း များကို လျှင်မြန်ထိရောက်စွာ လုပ်ဆောင်နိုင်ခဲ့သည်ကို တွေ့မြင်ရကြောင်း၊ ကုသရေးတွင် ဆေးရုံ၊ ယာယီ ဆေးရုံများ အချိန်တို အတွင်း ဆောက်လုပ်ပေးနိုင်ခဲ့ပြီး ဆရာဝန်များ၊ တပ်မတော် ဆေးဘက်ဆိုင်ရာ ပညာရှင်များ၊ နိုင်ငံသားများ အားလုံးက အမျိုးသားရေး အသွင်ဖြင့် ၀ိုင်းဝန်းကြိုးပမ်း ဆောင်ရွက်နေသည်ကို တွေ့မြင်ရကြောင်း၊ မိမိတို့ အနေဖြင့် တတ်နိုင်သည့်ဘက်မှ ကူညီဆောင်ရွက်သွားမည်ဖြစ်ပြီး အမြန်ဆုံးပုံမှန်အခြေအနေ ပြန်လည်ရောက်ရှိမည်ဟု မျှော်လင့် မိပါကြောင်းဖြင့် ပြောကြားသည်။

တရုတ်ပြည်သူ့ သမ္မတနိုင်ငံ သံအမတ်ကြီးက မိမိတို့နှစ်နိုင်ငံသည် တောတောင်ရေမြေ ဆက်စပ်နေသည့် အိမ်နီးချင်း နိုင်ငံများဖြစ်သည့်အတွက် အကျိုးသက်ရောက်မှုများ ရှိလာနိုင်သဖြင့် မြန်မာနိုင်ငံနှင့် ပူးပေါင်း၍ ရောဂါကာကွယ် ထိန်းချုပ်ရေး လုပ်ငန်းများကို ဆောင်ရွက်လျက်ရှိကြောင်း၊ တရုတ်ပြည်သူများအတွက် တပ်မတော်မှ ဆေးဘက်ဆိုင်ရာ ပစ္စည်းများ လှူဒါန်းခြင်းသည် တရုတ်-မြန်မာ အေးအတူပူအမျှ အသိုက်အ၀န်း အဓိပ္ပယ်ကို ပေါ်လွင်စေပြီး ကာကွယ် ထိန်းချုပ် ကုသရေးလုပ်ငန်းများအတွက် များစွာအထောက်အကူ ဖြစ်စေပါကြောင်း၊ လူတစ်ဦး၏အသက်ကို ကယ်ဆယ် နိုင်ခြင်းသည် ဘုရားစေတီ တည်ခြင်းထက် ကုသိုလ်ပိုမို ရရှိစေနိုင်သည်”  ဟူသည့် စကားပုံအတိုင်း ကုသိုလ် အကျိုးများ ရရှိစေမည် ဖြစ်ပါကြောင်း၊ တရုတ်နိုင်ငံတွင် ပြည်သူလူထုနှင့် ပူးပေါင်းဆောင်ရွက်မှုများ ပြုလုပ်ခဲ့သည့်အတွက် ကာကွယ်ထိန်းချုပ် ကုသရေး လုပ်ငန်းတွင် ရလဒ်ကောင်းများရရှိခဲ့သော်လည်း အခက်အခဲများ ရှိနေဆဲပင်ဖြစ်ကြောင်း၊ တရုတ်နိုင်ငံတွင် ပထမဆုံး အကြိမ်အဖြစ် သမ္မတကြီး Mr. Xi Jinping သည် နိုင်ငံတစ်ဝန်းမှ ခရိုင်အဆင့် တာဝန်ရှိသူများအထိ ပါဝင်သော  လူပေါင်း ၁၇၀,၀၀၀ခန့်နှင့် Video Conferencing ပြုလုပ်၍ ရောဂါကာကွယ်ထိန်းချုပ်ရေး လမ်းညွှန်ချက်များပေးခဲ့ပြီး ပြည်သူ့စစ် ဆင်နွှဲမှု ပုံစံဖြင့် အားလုံး စည်းလုံးညီညွတ်စွာ ဆောင်ရွက်လျက်ရှိပါကြောင်း၊ ကိုယ်ကျိုးစွန့် အနစ်နာခံကြသည့် သူရဲကောင်း များစွာလည်း ထွက်ပေါ်ခဲ့ကြောင်း၊ ရောဂါကူးစက် ပျံ့ပွားခြင်းမရှိစေရန် တောရိုင်း တိရိစ္ဆာန်ရောင်းဝယ် ဖောက်ကားမှုမရှိစေရေး တင်းကြပ်စွာ ဆောင်ရွက်လျက် ရှိပါကြောင်း၊ ရောဂါဖြစ်ပွားမှုကြောင့် စီးပွားရေးနှင့် လူမှုရေးတို့တွင် အနှောင့်အယှက်များ ဖြစ်ပေါ် ခဲ့သော်လည်း အမြန်ဆုံး ပုံမှန်ဖြစ်အောင်ဆောင် ရွက်နိုင်စွမ်းရှိသည်ဟု ယုံကြည်ထားပါကြောင်း၊ ဆေးပညာ အရ  ကိုရိုနာ ဗိုင်းရပ်စ်ရောဂါသည် အပူချိန်များသည့် ရာသီဥတု အခြေအနေတွင် ဖြစ်ပွားရန် ရာခိုင်နှုန်းနည်းပါကြောင်း၊ ထို့ကြောင့် မြန်မာနိုင်ငံသည် ကုသိုလ်ကံ ကောင်းမွန်ပြီး ပြည်သူ ပြည်သားအားလုံး ကျန်းမာပါစေကြောင်းဖြင့် ပြောကြားသည်။

ယင်းနောက် တရုတ်ပြည်သူ့သမ္မတနိုင်ငံ သမ္မတ Mr. Xi Jinping မြန်မာနိုင်ငံသို့ လာရောက်ခဲ့သည့် ချစ်ကြည်ရေးခရီးစဉ် သဘော တူညီချက်များအပါအ၀င် နှစ်နိုင်ငံပူးပေါင်း ဆောင်ရွက်မှုများ၊ တပ်မတော် အချင်းချင်း ပူးပေါင်းဆောင်ရွက်မှုများကို ပိုမို တိုးမြှင့်နိုင်မည့် အခြေအနေများ၊ နှစ်နိုင်ငံ အေးအတူပူအမျှ အသိုက်အ၀န်းကို ထူထောင်ရန်နှင့် နှစ်နိုင်ငံ ပြည်သူလူထုချင်း ပူးပေါင်း ဆောင်ရွက်မှုကို အရှိန်အဟုန်မြင့်တင် ဆောင်ရွက်နိုင်မည့် အခြေအနေများ၊ တရုတ်နိုင်ငံ အနေဖြင့် ရခိုင်ပြည်နယ် အရေး ကိစ္စများတွင် မြန်မာနိုင်ငံဘက်မှ ထောက်ခံရပ်တည် သွားမည့် အခြေအနေများနှင့် ပြည်တွင်း ငြိမ်းချမ်းရေး ဆိုင်ရာ ကိစ္စရပ်များအား ခင်မင်ရင်းနှီးစွာ ကျယ်ကျယ်ပြန့်ပြန့် အမြင်ချင်းဖလှယ် ဆွေးနွေးခဲ့ကြသည်။

တွေ့ဆုံပွဲအပြီးတွင် တပ်မတော် ကာကွယ်ရေး ဦးစီးချုပ်နှင့် မြန်မာနိုင်ငံဆိုင်ရာ တရုတ်ပြည်သူ့ သမ္မတနိုင်ငံ သံအမတ်ကြီး တို့သည် တက်ရောက်လာကြသူများနှင့်အတူ အမှတ်တရ စုပေါင်းဓာတ်ပုံ ရိုက်ခဲ့ကြကြောင်း သတင်းရရှိသည်။

 

Read 89 times Last modified on Tuesday, 25 February 2020 20:52