SJ WorldNews - шаблон joomla Авто

ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီးစိုးဝင်း တပ်မတော် နည်းပညာ တက္ကသိုလ် ဗိုလ်လောင်းသင်တန်း အမှတ်စဉ်(၂၂) မှဗိုလ်လောင်းများကို စစ်လက်ရုံး ဆက်လက် ရွေးချယ်၊ဘွဲ့နှင်း/သဘင် ဆောင်အား ကြည့်ရှုစစ်ဆေး

Tuesday, 25 February 2020 21:07 font size decrease font size decrease font size increase font size increase font size

နေပြည်တော်၊ ဖေဖော်ဝါရီ-၂၅

တပ်မတော်နည်းပညာတက္ကသိုလ် ဗိုလ်လောင်းသင်တန်းအမှတ်စဉ်(၂၂) စစ်လက်ရုံးရွေးချယ်ပွဲ ဒုတိယနေ့ကို ယနေ့တွင် ပြင်ဦးလွင်မြို့၊ တပ်မတော်နည်းပညာ တက္ကသိုလ်၌ ဆက်လက်ပြုလုပ်ရာ ဒုတိယတပ်မတော် ကာကွယ် ရေး ဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း ၊ ကာကွယ်ရေးဦးစီးချုပ်ရုံး (ကြည်း၊ရေ၊လေ) မှ တပ်မတော် အရာရှိကြီးများနှင့် တာဝန်ရှိသူများ တက်ရောက်ကြပြီး စိစစ်ရွေးချယ်ကြသည်။

စစ်လက်ရုံးရွေးချယ်ပွဲတွင် ဒုတိယ တပ်မတော် ကာကွယ်ရေး ဦးစီးချုပ် ကာကွယ်ရေး ဦးစီးချုပ်(ကြည်း)နှင့် တက်ရောက် လာကြသူများက ဗိုလ်လောင်းများကို တစ်ဦးချင်းတွေ့ဆုံ၍စည်းကမ်းလိုက်နာမှု၊ ဘာသာရပ် အလိုက် ထူးချွန်မှု၊ ထက်မြတ်မှု၊ ကြိုးစား အားထုတ်မှုများနှင့် ၀ါသနာပါမှုတို့အပေါ်မူတည်၍ သင့်လျော်သည့် (ကြည်း၊ ရေ၊ လေ) စစ်လက်ရုံး အသီးသီးအတွက် စိစစ် ရွေးချယ်ပေးကြသည်။

ထို့နောက်နေ့လယ်ပိုင်းတွင် ဒုတိယ တပ်မတော်ကာကွယ်ရေး ဦးစီးချုပ် ကာကွယ်ရေး ဦးစီးချုပ်(ကြည်း)နှင့် အဖွဲ့ ၀င်များသည်  ဗိုလ်လောင်းစား ရိပ်သာ ပညာတန်ဆောင်ခန်းမ၌ ဗိုလ်လောင်းများ နှင့်အတူ နေ့လယ်စာကို အတူ တကွ သုံးဆောင်ကြ ပြီးနောက် စစ်လက်ရုံး ရွေးချယ်မှုအား ဆက်လက် ပြုလုပ်ခဲ့ကြသည်။

ယင်းနောက် ဒုတိယ တပ်မတော်ကာကွယ်ရေး ဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းသည် အဖွဲ့ဝင်များနှင့်အတူ တပ်မတော်နည်းပညာ တက္ကသိုလ် ဘွဲ့နှင်း/ သဘင်ဆောင်အား သွားရောက် ကြည့်ရှု စစ်ဆေးရာ တာဝန်ရှိသူများက လိုက်လံရှင်းလင်း ပြသကြသည်။

အဆိုပါဘွဲ့နှင်း/သဘင်ဆောင်သည် ယခင်ဗိုလ်လောင်း စားရိပ်သာဆောင်အား ၂၀၁၉ခုနှစ် စက်တင်ဘာလမှ စတင် ၍ ပြုပြင်ခဲ့ပြီး ဒီဇင်ဘာလ၌ပြီးစီးခဲ့ကာ ဘွဲ့နှင်း/သဘင်ဆောင်အတွင်း လူဦးရေစုစုပေါင်း ၉၀၀ ၀င်ဆံ့ကြောင်းနှင့် ၂၀၁၉ ခုနှစ် ဒီဇင်ဘာလတွင် ကျောင်းဆင်းဗိုလ်လောင်း၊ အရာရှိများကို ပြန်တမ်းဝင်အရာရှိ ခန့်အပ်ခြင်း၊ ဘွဲ့နှင်း သဘင် ကျင်းပခြင်းနှင့် ကျောင်းဆင်းဂုဏ်ပြု ဖျော်ဖြေပွဲများပြုလုပ်ခြင်းများကို စတင် ဆောင်ရွက်နိုင်ခဲ့ကြောင်း သတင်းရရှိ သည်။

 

Read 85 times Last modified on Tuesday, 25 February 2020 22:12