SJ WorldNews - шаблон joomla Авто

ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်း ပြင်ဦးလွင်မြို့ရှိ ပွဲကောက် ရေတံခွန် အဆင့်မြှင့်တင်ဆောင်ရွက်မှုအား ကြည့်ရှုစစ်ဆေး၊ ဆေးရုံတက်ရောက် လူနာများကို သွားရောက်တွေ့ဆုံအားပေးစကား ပြောကြား

Wednesday, 26 February 2020 20:10 font size decrease font size decrease font size increase font size increase font size

နေပြည်တော် ဖေဖော်ဝါရီ  ၂၆

ပြင်ဦးလွင်မြို့ရှိ ပွဲကောက်ရေတံခွန်တွင် အများပြည်သူများ စိတ်ချမ်းမြေ့ ပျော်ရွှင်စွာ လာရောက်အပန်း ဖြေနိုင်ရေးအတွက် တပ်မတော် အင်ဂျင်နီယာ တပ်ဖွဲ့အနေဖြင့် အဆင့်မြှင့်တင်ခြင်းများ ဆောင်ရွက်လျက်ရှိရာ ဒုတိယ တပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်း သည် ယနေ့ နေ့လယ်ပိုင်းတွင်  ကာကွယ်ရေးဦးစီး ချုပ်ရုံး(ကြည်း၊ ရေ၊ လေ)မှ တပ်မတော်အရာရှိကြီးများ၊ ပြင်ဦးလွင် တပ်နယ်မှ အရာရှိကြီးများနှင့် တာဝန်ရှိသူများ လိုက်ပါလျက် သွားရောက် ကြည့်ရှု စစ်ဆေး သည်။

ဦးစွာ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း)နှင့် အဖွဲ့ဝင်များအား ပွဲကောက်ရေတံခွန်ရှိ ရှင်းလင်းဆောင်၌ တာဝန်ရှိသူတစ်ဦးက အ၀င်လမ်း နိုင်လွန်ကတ္တရာ လမ်းခင်းခြင်း လုပ်ငန်းနှင့် တံတားတည်ဆောက်ခြင်း လုပ်ငန်း ဆောင်ရွက်နေမှု အခြေအနေများအား ရှင်းလင်း တင်ပြသည်။ ယင်းနောက် ဒုတိယတပ်မတော်ကာကွယ်ရေး ဦးစီးချုပ် ကာကွယ်ရေးဦးစီးချုပ်(ကြည်း)နှင့် အဖွဲ့ဝင်များသည် ပွဲကောက် ရေတံခွန် အဆင့်မြှင့်တင်ခြင်း လုပ်ငန်းများ ဆောင်ရွက်နေမှု အခြေအနေ များကို လှည့်လည်ကြည့်ရှု စစ်ဆေးကြသည်။

ပွဲကောက်ရေတံခွန် အဆင့်မြှင့်တင်ခြင်း လုပ်ငန်းတွင် ယခင် ၁၂ ပေ အကျယ်ရှိသော အ၀င်လမ်း ၄၀၅၀ ပေ အား ၁၈ ပေချဲ့ထွင်၍ နိုင်လွန် ကတ္တရာလမ်းအဖြစ် ပြုပြင်ခြင်းနှင့် ယခင် ဘေလီတံတားအစား လူသွား လမ်း ၆ ပေအပါ အလျားပေ ၆၀ ၊အကျယ်ပေ ၃၀ ရှိသည့် သံကူကွန်ကရစ် ခုံးကျော်တံတားအဖြစ် အသစ် ဆောက်လုပ်ခြင်းများ ဆောင်ရွက်လျက် ရှိကြောင်း သိရှိရသည်။

ထို့နောက် ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း)နှင့် အဖွဲ့ဝင်များသည် ပြင်ဦးလွင်မြို့ရှိ တပ်မတော်ဆေးရုံသို့ သွားရောက်၍ ဆေးရုံတက်ရောက် ကုသလျက်ရှိသော အရာရှိ၊ စစ်သည်များ ကို တစ်ဦးချင်းဆေးဝါး ကုသပေးထားမှုအခြေ အနေများ၊ ကျန်းမာရေး တိုးတက်မှု အခြေအနေများအား မေးမြန်းအားပေး စကားပြောကြားပြီး စားသောက်ဖွယ်ရာများ ပေးအပ်ခဲ့ကြကြောင်း သတင်း ရရှိသည်။

 

Read 51 times Last modified on Wednesday, 26 February 2020 20:14