SJ WorldNews - шаблон joomla Авто

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တူရကီနိုင်ငံ သမ္မတ မစ္စတာ တေယစ်ပ် အာဒိုဂန်နှင့် ရခိုင်ပြည်နယ်အရေးကိစ္စ အပြန်အလှန် ဆွေးနွေး

Wednesday, 06 September 2017 10:28 font size decrease font size decrease font size increase font size increase font size

နေပြည်တော်   စက်တင်ဘာ  

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ယနေ့မွန်းလွဲ ၂ နာရီတွင် တူရကီနိုင်ငံသမ္မတ  မစ္စတာ  တေယစ်ပ်  အာဒိုဂန်၏ တယ်လီဖုန်းခေါ်ဆိုမှုအား လက်ခံ ပြောကြားခဲ့ပြီး   ရခိုင်ပြည်နယ်မြောက်ပိုင်း ဖြစ်စဉ်များနှင့် စပ်လျဉ်း၍ အပြန်အလှန် ဆွေးနွေးကြသည်။

ထိုသို့ ဆွေးနွေးရာတွင် တူရကီသမ္မတ မစ္စတာအာဒိုဂန်က ရခိုင်ပြည်နယ်မြောက်ပိုင်းတွင် မကြာသေးခင်က ဖြစ်ပွားခဲ့သော ဖြစ်ရပ်များနှင့်စပ်လျဉ်း၍ တယ်လီဖုန်းခေါ်ဆိုရခြင်း ဖြစ်ကြောင်း၊   နှစ်ပေါင်းများစွာ စိန်ခေါ်မှု အများအပြားကို ကျော်ဖြတ်ပြီး လူ့အခွင့်အရေး အပြောင်းအလဲများ ဆောင်ရွက်ခဲ့သော ခေါင်းဆောင်တစ်ဦးအနေဖြင့် ရခိုင်အရေးကိစ္စကို အမြော်အမြင်ဖြင့် ချဉ်းကပ်ဆောင်ရွက်မည်ဟု ယုံကြည်ကြောင်း၊   ကမ္ဘာတစ်ဝန်းတွင် လူသားချင်း စာနာထောက်ထားမှုဆိုင်ရာ စိုးရိမ်ပူပန်မှုများ  ဖြစ်ပေါ်လျက်ရှိကြောင်း၊ မကြာသေးခင်က ဖြစ်ရပ်များနှင့် ပတ်သက်၍ စဉ်းစားသုံးသပ် ဆောင်ရွက်မည်ကို သံသယမရှိကြောင်း၊ မကြာသေးခင်က ဖြစ်ပွားခဲ့သော ဖြစ်စဉ်များ၊ လူအများဖြန့်ဝေနေသော ရုပ်ပုံများကြောင့် ကမ္ဘာတစ်ဝန်းမှ စိုးရိမ်ပူပန်မှုကြီးစွာ ဖြစ်လာခဲ့ကြောင်း စသည်ဖြင့်   ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ်က မိမိတို့အနေဖြင့်  လူ့အခွင့်အရေးနှင့် ဒီမိုကရေစီ အကာအကွယ်များ ပိတ်ပင်ခံရခြင်း၏ ဆိုလိုရင်းသဘောကို ကောင်းစွာသိရှိ နားလည်ပြီး အစဉ်အမြဲ အလေးထားကြောင်း၊ ထို့ကြောင့်လည်း မြန်မာနိုင်ငံအတွင်းရှိ ပြည်သူအားလုံး ၏ အခွင့်အရေးကို   ကာကွယ်စောင့်ရှောက်နိုင်ရန် ကြိုးပမ်းဆောင်ရွက်လျက် ရှိကြောင်း၊ နိုင်ငံရေးဆိုင်ရာ  အခွင့်အရေးသာမက လူမှုရေးနှင့်   လူသားချင်း စာနာထောက်ထားမှုဆိုင်ရာ အခွင့်အရေးများကိုလည်း မြှင့်တင်လျက်ရှိကြောင်း၊ ရခိုင်ပြည်နယ်ရှိ ပြည်သူအားလုံးအတွက် အဖြစ်နိုင်ဆုံးနည်းလမ်းဖြင့် ကာကွယ်မှုပေးနိုင်ရန်  စတင်ဆောင်ရွက်ထားပြီးဖြစ်ကြောင်း၊ လူသားချင်းစာနာထောက်ထားမှု ဆိုင်ရာအကူအညီသာမက ငြိမ်းချမ်းတည်ငြိမ်ရေးအတွက် ရေရှည်မျှော်မှန်းကာ ဘက်စုံဖွံ့ဖြိုးရေး အစီအစဉ်များ အကောင်အထည်ဖော် ဆောင်ရွက်သွားမည် ဖြစ်ကြောင်း၊ သတင်းအချက်အလက် အမှားများ ဖန်တီးခြင်းကြောင့် မိမိတို့နှစ်နိုင်ငံအကြား ကာလရှည်ကြာ ရင်းနှီးချစ်ကြည်သော မိတ်ဆွေကောင်း ဆက်ဆံရေးထိခိုက်လာမည်ကို စိုးရိမ်ကြောင်း၊ နှစ်နိုင်ငံအကြား ဆက်ဆံရေးကောင်းကို အမြဲထိန်းသိမ်းထားလိုသော မြန်မာနိုင်ငံ၏ သဘောထားကို မြန်မာနိုင်ငံဆိုင်ရာ တူရကီသံအမတ်ကြီးက တင်ပြပြီး ဖြစ်မည်ဟု ယူဆကြောင်း၊  တူရကီ ဒုတိယဝန်ကြီးချုပ်အနေဖြင့် မြန်မာနိုင်ငံတွင် ဖြစ်ပွားခဲ့ခြင်းမဟုတ်ဘဲ  အခြားနိုင်ငံများမှ သတင်းဓာတ်ပုံ အမှားများကို ဖြန့်ဝေခဲ့သည်ကို သိရှိပြီးဖြစ်မည်ဟု ယူဆကြောင်း၊  တူရကီ ဒုတိယဝန်ကြီးချုပ် ကြုံတွေ့ခဲ့ရသည့်အဖြစ်သည် သတင်းအမှားများ ထုနှင့်ထည်နှင့် ပျံ့နှံ့နေခြင်းအတွက် ကြီးမားသော ပြဿနာ၏မြင်သာသော (The Tip of a huge Iceberg of  Misinformation) အစိတ်အပိုင်းတစ်ခုသာ ဖြစ်ကြောင်း၊ ထိုကဲ့သို့ သတင်းဓာတ်ပုံ အမှားများကို  မတူညီသော အသိုင်းအဝိုင်းများအကြား ပြဿနာအများအပြား ဖြစ်ပွားစေရန်နှင့် အကြမ်းဖက်သမားများ အကျိုးဖြစ်ထွန်းစေရန် ရည်ရွယ်ချက်ဖြင့် ဖန်တီးနေကြသည်ကို မှန်းဆကြည့်နိုင်ကြောင်း၊ တူရကီနိုင်ငံအနေဖြင့် ပီကေကေ (the Kurdistan Worker' Partyor PKK - Kurdish: Partiya Karkeren Kurdistan) ကို နှိမ်နင်းခဲ့ရခြင်းကြောင့်  အကြမ်းဖက်ဝါဒ၏    စိန်ခေါ်မှုများကို ကောင်းစွာနားလည်မည်ဟု ယုံကြည်ကြောင်း၊ မြန်မာနိုင်ငံအနေဖြင့် အကြမ်းဖက်သမားများကို ရင်ဆိုင်ရသည်မှာ အတွေ့အကြုံအသစ် ဖြစ်သော်လည်း ယင်းအကြမ်းဖက်ဝါဒ ပိုမိုကျယ်ပြန့် မလာစေရန်နှင့်  ရခိုင်ပြည်နယ် တစ်ပြည်နယ်လုံးသို့ ပျံ့နှံ့မသွားနိုင်စေရန် အကောင်းဆုံး ကြိုးပမ်း ဆောင်ရွက်လျက်ရှိကြောင်း၊ အကြမ်းဖက်ဝါဒ မြန်မာနိုင်ငံ၌ အမြစ်မတွယ်စေရေး အတွက် ကမ္ဘာတစ်ဝန်းမှ မိတ်ဆွေများနှင့် ပူးပေါင်းဆောင်ရွက် သွားမည်ဖြစ်ကြောင်း၊ မိမိတို့နိုင်ငံအတွင်း နေထိုင်သူအားလုံးဘေးကင်းလုံခြုံ စိတ်အေးချမ်းသာစေရန် လိုအပ်သည့် ကာကွယ်မှုအားလုံး ခံစားပိုင်ခွင့်ရှိစေရန် ဆောင်ရွက်သွားမည်ဖြစ်ကြောင်း၊ ရခိုင်ပြည်နယ်ဆိုင်ရာ အကြံပေးကော်မရှင်၏ အစီရင်ခံစာပါ အကြံပြုချက်များကို   အကောင်အထည်ဖော် ဆောင်ရွက်မည့်   အကောင်အထည်ဖော်ရေး ကော်မတီကို အမြန်ဆုံး ဖွဲ့စည်းဆောင်ရွက် သွားမည်ဖြစ်ကြောင်း ပြောကြားသည်။

ထို့နောက် တူရကီသမ္မတ မစ္စတာအာဒိုဂန်က မြန်မာအစိုးရ တွေ့ကြုံရင်ဆိုင်နေရသည့် အခက်အခဲများနှင့်   စိန်ခေါ်မှုများကို သိရှိကြောင်း၊  ပြဿနာ ဖြေရှင်းနိုင်ရေးအတွက် ကူညီပံ့ပိုးရန် တူရကီနိုင်ငံ အနေဖြင့် အသင့်ရှိကြောင်း၊ မြန်မာနိုင်ငံနှင့်  ဆက်ဆံရေးကောင်းကို ဆက်လက်ထိန်းသိမ်းထားမည် ဟုပြောကြားခဲ့ကြောင်း သိရသည်။                     

Read 379 times Last modified on Wednesday, 06 September 2017 10:29