SJ WorldNews - шаблон joomla Авто

ရန်ကုန်နယ်နိမိတ်အတွင်း လမ်းများ ဖောက်လုပ်ရာတွင် စံချိန်စံညွှန်းနှင့်ကိုက်ညီမှု ရှိ ၊မရှိကို လွတ်လပ်သည့် တတိယ အဖွဲ့အစည်း (Third Party) ထံအပ်၍ စုံစမ်း စစ်ဆေး

Friday, 22 September 2017 10:21 font size decrease font size decrease font size increase font size increase font size

ရန်ကုန် စက်တင်ဘာ ၂၁

ရန်ကုန်မြို့တော်   စည်ပင်သာယာ နယ်နိမိတ်အတွင်း လမ်းများ ဖောက်လုပ်ရာတွင် သတ်မှတ်ထားသော စံချိန်စံညွှန်းနှင့် ကိုက်ညီမှု  ရှိ ၊ မရှိ စစ်ဆေးခြင်းကို ရန်ကုန်မြို့တော် စည်ပင်သာယာရေး ကော်မတီ(YCDC) ၏    လက်အောက်ခံ မဟုတ်သော လွတ်လပ်သည့် တတိယ အဖွဲ့အစည်း  (Third Party) ထံ အပ်၍   စုံစမ်းစစ်ဆေးနေကြောင်း  သိရသည်။

'' အရည်အသွေး    စံချိန်စံညွှန်းမမီတဲ့ လုပ်ငန်းတွေကို   စစ်ဆေး အရေးယူမှာပါ။  YCDC အနေနဲ့ အရေးယူဖို့အတွက် စစ်ဆေးမယ့်အပိုင်းကို Third Party ကိုအပ်ပြီး လုပ်ကိုင်နေပါတယ်။ Third  Party ဆိုတာ YCDC  အောက်မှာရှိတဲ့ အဖွဲ့အစည်းတစ်ခု မဟုတ်ပါဘူး။  လွတ်လပ်တဲ့ စစ်ဆေးမှု လုပ်နိုင်တဲ့ သီးခြားရပ်တည်ချက် Third Party သဘောထားဖြစ်တဲ့ အတွက်ကြောင့် အရည်အသွေး ပိုကောင်းလာမယ်လို့   မျှော်လင့်ရပါတယ်''ဟု ရန်ကုန်မြို့တော်ဝန် ဦးမောင်မောင်စိုး ကပြောသည်။

အဆိုပါစံချိန်စံညွှန်းနှင့်  ကိုက်ညီမှု ရှိ၊ မရှိစစ်ဆေးရန်  ယခုဘဏ္ဍာနှစ်မှ  စတင်ဆောင်ရွက်ခြင်း ဖြစ်ပြီး လုပ်ငန်းကုန်ကျငွေ၏ ၂ ရာခိုင်နှုန်းပေးကာ Third Party အဖွဲ့အစည်းဖြင့် ဆောင်ရွက်ခြင်းဖြစ်‌သည်။

ရန်ကုန်မြို့တော် စည်ပင်သာယာ နယ်နိမိတ်အတွင်း ဖောက်လုပ်ထားသော လမ်းများ၏ အရည်အသွေး  စံချိန်စံညွှန်း ပြည့်မီမှု  ရှိ၊  မရှိကို Third  Party ကသာ  စစ်ဆေး တာဝန်ယူရမည်ဖြစ်ကြောင်း သိရသည်။

Read 279 times Last modified on Friday, 22 September 2017 10:23