SJ WorldNews - шаблон joomla Авто

ပြည်သူ့စစ်ဖွဲ့စည်းမှုသည် စစ်မက်အရေးအခင်းများ ပေါ်ပေါက်လာမှသာ အရေးပေါ်ဖွဲ့စည်းမှုမျိုး မဟုတ်ဘဲ အမျိုးသား ကာကွယ်ရေးကို အစဉ်ထိန်းသိမ်းထားပြီး အချိန်မရွေး အသင့်ဖြစ်နေစေရန် ဖွဲ့စည်းလေ့ကျင့် ထားရမည့် အဖွဲ့အစည်းများဖြစ်

Thursday, 12 September 2019 13:55 font size decrease font size decrease font size increase font size increase font size

ဒုတိယအကြိမ် ပြည်သူ့လွှတ်တော်(၁၃)

ကြိမ်မြောက်ပုံမှန်အစည်းအဝေး ၁၉ ရက် မြောက်နေ့ကို ယနေ့နံနက် ၁ဝ နာရီတွင် နေပြည်တော်ရှိ ပြည်သူ့လွှတ်တော်အစည်းအဝေးခန်းမ၌ ကျင်းပသည်။

အစည်းအဝေးတွင် ပေါင်မဲဆန္ဒနယ်မှ ဒေါ်မိကွန်ချမ်း၏    တိုင်းဒေသကြီးနှင့် ပြည်နယ်အတွင်းရှိ ကျေးရွာများတွင် ပြည်သူ့စစ်များကို မည်သည့်အတွက်ကြောင့်ထားရှိပြီး ပြည်သူ့စစ်များ၏ လုပ်ဆောင်ချက်များနှင့် ပြည်သူ့စစ်အဖွဲ့များကို မည်သည့်ဌာနအဖွဲ့အစည်းက တာဝန်ခံမည်ကိုသိလိုခြင်း မေးခွန်းနှင့်စပ်လျဉ်း၍ ကာကွယ်ရေးဝန်ကြီးဌာန ဒုတိယဝန်ကြီး ဗိုလ်ချုပ်မြင့်နွယ်က ပြည်သူ့စစ်ဆိုသည်မှာ မိမိနိုင်ငံတော်နှင့် တိုင်းရင်းသားပြည်သူလူထုတစ်ရပ်လုံး၏ လုံခြုံရေးကို မိမိတို့ကိုယ်တိုင်ပါဝင်ဆောင်ရွက်ရမည်ဟု ပြည်သူတစ်ရပ်လုံးက သဘောပေါက်ပြီး  နိုးကြားတက်ကြွစွာ အသိနှင့်ယှဉ်၍  ပါဝင်ဆောင်ရွက်မှုဖြစ်ကြောင်း၊ တိုင်းရင်းသား ပြည်သူလူထုအတွင်းမှ စည်းရုံးဖွဲ့စည်းထားသော ပြည်သူ့စစ်အဖွဲ့ဝင်များသည် အေးချမ်းသည့်အချိန်၌ နိုင်ငံတော်တည်ဆောက်ရေးလုပ်ငန်းများတွင် ကုန်ထုတ်လုပ်ရေးအင်အား၊ လူမှုရေးအင်အားများဖြစ်ပြီး  မြို့နယ်၊  ကျေးရွာများ၌ လုံခြုံရေးအတွက် ကာကွယ်စောင့်ရှောက်နေကြသူများဖြစ်ကြကြောင်း၊   ပြည်တွင်းပြည်ပစစ်မက်အရေးအခင်းများ၌ ရင်ဆိုင်ရချိန်တွင် တပ်မတော်နှင့်လက်တွဲ၍ စစ်ရေးအင်အားအဖြစ်ရပ်တည်သွားရမည့် တိုက်ခိုက်ရေး၊  ကာကွယ်ရေးနှင့်  လုံခြုံရေး အင်အားများလည်းဖြစ်ကြကြောင်း၊ ပြည်သူ့စစ်ဖွဲ့စည်းမှုသည် စစ်မက်အရေးအခင်းများ ပေါ်ပေါက်လာမှသာ အရေးပေါ်ဖွဲ့စည်းရသည့် ဖွဲ့စည်းမှုမျိုးမဟုတ်ဘဲ အမျိုးသား ကာကွယ်ရေးကို   အစဉ်ထိန်းသိမ်းထားပြီး အချိန်မရွေးအသင့်ဖြစ်နေစေရန် ဖွဲ့စည်းလေ့ကျင့်ထားရမည့် အဖွဲ့အစည်းများဖြစ်ကြောင်း။

တပ်မတော်၏ ကြီးကြပ်ကွပ်ကဲမှုဖြင့် တိုင်းစစ်ဌာနချုပ်နယ်မြေများတွင် ရပ်ကွက်/ကျေးရွာ၊  စက်ရုံ၊  အလုပ်ရုံ၊ လုပ်ငန်းခွင်စသည့် အချက်အချာကျသော နေရာများတွင် စစ်ရေးလိုအပ်ချက်အရ ပြည်သူ့စစ်(ဌာနေ) အဖွဲ့များ ဖွဲ့စည်းထားရှိကြောင်း၊ ၄င်းအဖွဲ့များသည် နယ်မြေလုံခြုံရေး၊ ဆက်သွယ်ရေး လမ်းကြောင်းများလုံခြုံရေး၊ အချက်အချာကျသောနေရာများ(တံတား၊ လျှပ်စစ်တာဝါတိုင်နှင့် စက်ရုံ၊ အလုပ်ရုံ စသည်များ)နှင့် လုပ်ငန်းခွင်(သတ္တုတွင်းနယ်မြေ)၊ သစ်တောကြိုးဝိုင်းနယ်မြေစသည်များ၏ လုံခြုံရေးကို တပ်မတော်၊ မြန်မာနိုင်ငံရဲတပ်ဖွဲ့၊ အရပ်ဘက်အုပ်ချုပ်မှုအဖွဲ့အစည်းများနှင့် ပူးပေါင်းဆောင်ရွက်လျက်ရှိကြောင်း၊ တိုင်းစစ်ဌာနချုပ်နယ်မြေအသီးသီးတွင်    ပြည်သူ့စစ်(ဌာနေ)အဖွဲ့များ    ဖွဲ့စည်းထားရခြင်းမှာ ပြည်တွင်း လက်နက်ကိုင် သောင်းကျန်းမှု အန္တရာယ်ကိုချေမှုန်းနိုင်ရေးအတွက် ရေတိုရည်မှန်းချက်အရ  ဖွဲ့စည်းထားခြင်းဖြစ်ပြီး ရေရှည်တွင် ပြည်သူလူထုတစ်ရပ်လုံးက မိမိနိုင်ငံတော်အား ကာကွယ်စောင့်ရှောက်သည့် ပြည်သူ့စစ်မဟာဗျူဟာအစီအမံ၏ အစိတ်အပိုင်းအဖြစ် ပါဝင်ဆောင်ရွက်နိုင်မည့် ပြည်သူ့စစ်(ဌာနေ)အဖွဲ့များ ဖွဲ့စည်း ထားရှိခြင်းဖြစ်ကြောင်း။

ဖွဲ့စည်းထားသော ပြည်သူ့စစ်(ဌာနေ)အဖွဲ့များအား  တပ်မတော်(ကြည်း၊ ရေ၊ လေ)တပ်ရင်း/တပ်ဖွဲ့များမှ  ဖွဲ့စည်းရေး၊ လေ့ကျင့်ရေး၊ လက်နက်တပ်ဆင်ရေးနှင့် တာဝန်ခွဲဝေသတ်မှတ်ပေးရေးအပိုင်းတို့ကို တာဝန်ယူဆောင်ရွက်ကြောင်း၊ သက်ဆိုင်ရာ တိုင်းစစ်ဌာနချုပ်များက   ၄င်းတို့နယ်မြေအလိုက် ဖွဲ့စည်းထားသည့် ပြည်သူ့စစ်အဖွဲ့များအား ကြီးကြပ်ကွပ်ကဲပြီး တစ်နိုင်ငံလုံး အတိုင်းအတာဖြင့် ပြည်သူ့စစ်နှင့် နယ်ခြားတပ်များ ညွှန်ကြားရေးမှူးရုံးက ကြီးကြပ်ကွပ်ကဲလျက်ရှိကြောင်း ရှင်းလင်းဖြေကြားသည်။

ထို့နောက်   စေတုတ္တရာမဲဆန္ဒနယ်မှ ဦးကျော်အောင်လွင်၏ စေတုတ္တရာမြို့နယ်နှင့်   အောက်ဘက်ကျေးရွာများအတွက် မုန်းတမံ အရန်ရေပိုလွှဲအား အမြန်ပြီးစီးအောင်တည်ဆောက်ပေးရန်  အစီအစဉ် ရှိ၊ မရှိမေးခွန်းနှင့်စပ်လျဉ်း၍  စိုက်ပျိုးရေး၊ မွေးမြူရေးနှင့်  ဆည်မြောင်းဝန်ကြီးဌာန ဒုတိယဝန်ကြီး ဦးလှကျော်က မုန်းချောင်း ရေလှောင်တမံအား ၂ဝ၁၈-၂ဝ၁၉ ဘဏ္ဍာနှစ်တွင် ခွင့်ပြုရန်ပုံငွေကျပ်သန်း ၇၅ဝ ဖြင့် ရေကျအမှတ်(၂)၏ ရေငြိမ်ကန်အပိုင်း ပြုပြင်ခြင်းလုပ်ငန်းကို ယခုမိုးရာသီ ရေကျော်မကျမီ ရေကျော် ကျဒဏ်ခံနိုင်သည်အ ထိ ဆောင်ရွက်ပြီးစီးခဲ့ပြီး  အကူရေပိုလွှဲ၏ ထိပ်ပြင်အဝင်ပိုင်း မြေထိန်းနံရံကို အပြီးတည်ဆောက်နိုင်ခဲ့ကြောင်း၊  ပင်မရေပိုလွှဲနှင့် ရေကျအမှတ်(၁)၊ ရေကျအမှတ်(၂)အကြီးစားပြုပြင်ခြင်း လုပ်ငန်းများကို ဦးစားပေးဆောင်ရွက်ခဲ့ပြီး   အကူရေပိုလွှဲတည်ဆောက်ခြင်း လုပ်ငန်းကိုလည်း နှစ်စဉ်ရန်ပုံငွေ ခွဲဝေရရှိမှုအပေါ်မူတည်၍ ရေကျော်ဒဏ်ခံ နိုင်သည့်အဆင့်အထိ စီမံဆောင်ရွက်ပေးလျက်ရှိကြောင်း၊ နောင်ရေရှည်ကြံ့ခိုင်မှုနှင့် ဘေးကင်းလုံခြုံမှုတို့အတွက်  ဆက်လက်ဆောင်ရွက်ရန်ကျန်ရှိသည့် ပင်မရေပိုလွှဲ၏ ရေကျအမှတ်(၂)အပေါ်ပိုင်းနှင့် အကူရေပိုလွှဲ အပြီးသတ်ပြုပြင်တည်ဆောက်ခြင်း လုပ်ငန်းများကို ၂ဝ၁၉-၂ဝ၂ဝ ဘဏ္ဍာနှစ် ပြည်ထောင်စုရန်ပုံငွေ  ခွဲဝေရရှိမှုအပေါ်မူတည်ပြီး  ဆက်လက်စီမံဆောင်ရွက်သွားမည်ဖြစ်ကြောင်း   ရှင်းလင်းဖြေကြားသည်။

ဒုတိယအကြိမ် ပြည်သူ့လွှတ်တော် (၁၃)ကြိမ်မြောက်ပုံမှန်အစည်းအဝေး ၂ဝ ရက် မြောက်နေ့ကို စက်တင်ဘာ ၁၃ ရက်တွင် ဆက်လက်ကျင်းပသွားမည် ဖြစ်ကြောင်း သိရသည်။     

  အောင်လှိုင်ဝင်း(မြဝတီ)

Read 7 times Last modified on Thursday, 12 September 2019 13:56