SJ WorldNews - шаблон joomla Авто

မွေးကင်းစမှ အသက်ငါးနှစ်အရွယ်ကလေးငယ်များအား ပိုလီယိုကာကွယ် ဆေးတိုက်ကျွေး

Thursday, 12 September 2019 14:06 font size decrease font size decrease font size increase font size increase font size

ရခိုင်ပြည်နယ် မြောက်ဦးခရိုင် မြောက်ဦးမြို့၌ မြို့နယ်ပြည်သူ့ကျန်းမာရေးဦးစီးဌာနက ကြီးမှူး၍ မွေးကင်းစမှ အသက်ငါးနှစ်အရွယ်ကလေးငယ်များအား ပိုလီယိုကာကွယ်ဆေး   အပိုဆောင်းတိုက်ကျွေးခြင်းကို စက်တင်ဘာ ၁ဝ ရက် နံနက်ပိုင်းက မြို့ပေါ်ရပ်ကွက်များနှင့်   ကျေးရွာများရှိ  ကျေးလက်ကျန်းမာရေး ဌာနရုံးများ၌ ဆောင်ရွက်လျက်ရှိကြောင်း သိရသည်။

အဆိုပါ ပိုလီယိုကာကွယ်ဆေးအပိုဆောင်း တိုက်ကျွေးခြင်းလှုပ်ရှားမှုကို မြောက်ဦးမြို့ပေါ်ရပ်ကွက်များဖြစ်သော အလယ်ဈေးရပ်ကွက်တွင် မိခင်နှင့်ကလေးကျန်းမာရေး ဌာနရှိ (သားဖွားခန်း)၊ လော်က မူရပ်ကွက်တွင် ရွှေကြာသိမ်ဘုရား၊ အောင်တပ်ရပ်ကွက်တွင် အောင်မင်္ဂလာစေတီနှင့် သင်္ဘောဆိပ်၊ အောင်မင်္ဂလာရပ်ကွက်တွင် အောင်မင်္ဂလာဘုန်းတော်ကြီးကျောင်း၊ ညောင်ပင်ဈေးရပ်ကွက်တွင် အခြေခံပညာမူလတန်းကျောင်း တေဇရာမ၊ တောင်ရပ်ရပ်ကွက်တွင် တောင်ရပ်အုပ်ချုပ်ရေးမှူးရုံး၊ ထမ္မရာဇ်ရပ်ကွက်တွင်  ထမ္မရာဇ်အုပ်ချုပ်ရေးမှူးရုံးနှင့် ကားဂိတ်တို့တွင်  မွေးကင်းစကလေးငယ်များနှင့် ငါးနှစ်အောက်ကလေးငယ်များအား ပိုလီယိုကာကွယ်ဆေး တိုက်ကျွေးခြင်းကို   စက်တင်ဘာ ၁၃ ရက်အထိ လေးရက်တိုင်    တိုက်ကျွေးသွားမည်ဖြစ်သည်။

 

ထို့ပြင် ကျေးရွာများရှိ ကျေးလက်ကျန်းမာရေးဌာနများတွင် ပိုလီယိုကာကွယ်ဆေးတိုက်ကျွေးလျက်ရှိကြောင်း   သိရသည်။

 

တင်ထွန်းဦး

 

Read 15 times Last modified on Thursday, 12 September 2019 14:07