SJ WorldNews - шаблон joomla Авто

ဒေသဖွံ့ဖြိုးရေးစီမံကိန်းလုပ်ငန်းများ ဆောင်ရွက်လျက်ရှိ

Friday, 13 September 2019 10:23 font size decrease font size decrease font size increase font size increase font size

 

ကချင်ပြည်နယ် ပူတာအိုမြို့နယ် မာမူးလဲ့ကျေးရွာအုပ်စု ပါခီးကျေးရွာနှင့် နမ်ဟော့ကျေးရွာတို့တွင် လူထုဗဟိုပြုစီမံကိန်း (ဒုတိယနှစ်စက်ဝန်း)တွင်  အကောင်အထည်ဖော်ဆောင်ရွက်မည့် ဒေသဖွံ့ဖြိုးရေးစီမံကိန်းလုပ်ငန်းများကို တာဝန်ရှိသူများသည် စက်တင်ဘာ ၁၁ ရက်က  ကွင်းဆင်းစစ်ဆေးကြောင်းသိရသည်။

လူထုဗဟိုပြုစီမံကိန်း(ဒုတိယနှစ်စက်ဝန်း) ရန်ပုံငွေဖြင့် မာမူးလဲ့ကျေးရွာအုပ်စု ပါခီးကျေးရွာတွင်  ရန်ပုံငွေကျပ်သိန်းပေါင်း ၆ဝ၂၂ဝဝဝ ဖြင့်  ကျေးရွာလူထုကိုယ်တိုင် အကောင်အထည်ဖော်ဆောင်ရွက်မည့် လမ်းအရှည် ၂၉၄၅ ပေကျေးရွာတွင်းလမ်းသဲကျောက်ခင်းခြင်းလုပ်ငန်းနှင့်  နမ်ဟော့ကျေးရွာတွင်   ရန်ပုံငွေကျပ်သိန်းပေါင်း ၆ဝ၂၂ဝဝဝဖြင့်  အကောင်အထည်ဖော်ဆောင်ရွက်မည့်  ကျေးရွာခန်းမဆောက်လုပ်ခြင်း လုပ်ငန်းများကို ဆောင်ရွက်လျက်ရှိသည်။

အဆိုပါစီမံကိန်းလုပ်ငန်းများအား ပြည်နယ်လွှတ်တော်ကိုယ်စားလှယ်ဦးယောဆီ၊ မြို့နယ်ကျေးလက်ဒေသ ဖွံ့ဖြိုးတိုးတက်ရေး ဦးစီးဌာန  ဦးစီးမှူး  ဦးဌေးမြင့်နှင့် မြို့နယ်လူထုဗဟိုပြုစီမံကိန်းရုံးမှ လူထုစည်းရုံးရေး မှူးများ ပါဝင်သော အဖွဲ့များက ကွင်းဆင်းစစ်ဆေးပြီး ကျေးရွာစီမံကိန်း အထောက်အကူပြုကော်မတီ အဖွဲ့များအား တွေ့ဆုံ ဆွေးနွေးကြောင်း သိရသည်။

    ဖုန်ကန်(ပူတာအို)

 

Read 5 times Last modified on Friday, 13 September 2019 10:30