SJ WorldNews - шаблон joomla Авто

မြန်မာ-ထိုင်း နယ်နိမိတ်တိုင်းတာခြင်းတွင် ကျန်ရှိသည့် အပိုင်းများကို စနစ်တကျပြန်လည်တိုင်းတာနိုင်ရန် နှစ်နိုင်ငံဆွေး နွေးလျက်ရှိ

Tuesday, 17 September 2019 10:33 font size decrease font size decrease font size increase font size increase font size

ဒုတိယအကြိမ် အမျိုးသားလွှတ်တော် (၁၃)ကြိမ်မြောက် ပုံမှန်အစည်းအဝေး ၂၁ ရက်မြောက်နေ့ကို ယနေ့နံနက် ၁ဝ နာရီတွင် နေပြည်တော်ရှိ   အမျိုးသားလွှတ်တော် အစည်းအဝေးခန်းမ၌ ကျင်းပသည်။

အစည်းအဝေးတွင် ချင်းပြည်နယ် မဲဆန္ဒနယ် အမှတ်(၃)မှ ဦးဘွဲခိန်း၏ မြန်မာနိုင်ငံနှင့် ထိစပ်နေသော အိမ်နီးချင်းနိုင်ငံများအကြားရှိ နယ်နိမိတ်မှတ်တိုင်များ   တိတိကျကျ သတ်မှတ်တိုင်းတာပြီးစီးမှု ရှိ၊ မရှိ သိရှိလိုခြင်း မေးခွန်းနှင့်စပ်လျဉ်း၍   အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး   ဦးကျော်တင်က မြန်မာနိုင်ငံအနေဖြင့်  ဘင်္ဂလားဒေ့ရ်ှနိုင်ငံ၊ လာအိုနိုင်ငံတို့နှင့်   နယ်နိမိတ်တိုင်းတာ သတ်မှတ်ခြင်းကိုရာခိုင်နှုန်းပြည့် ဆောင်ရွက်ပြီးဖြစ်ကြောင်း၊  တရုတ်-အိန္ဒိယနယ်နိမိတ်ဆိုင်ရာပြဿနာကြောင့် မြန်မာ- တရုတ်-အိန္ဒိယသုံးပွင့်ဆိုင်  နယ်နိမိတ်နေရာတွင် မသတ်မှတ်နိုင်သေးသည့် မိုင် ၈ဝခန့်မှအပ မြန်မာ-တရုတ်နယ်နိမိတ်အားလုံးကိုလည်း တိုင်းတာသတ်မှတ်ပြီးဖြစ်ကြောင်း၊ အိန္ဒိယနိုင်ငံနှင့် နယ်နိမိတ်မ ပြီးပြတ် သေးသည့်နေရာ နှစ်နေရာရှိသည့်အတွက် ကဘော်ချိုင့်ဝှမ်းဒေသကို မကြာမီပြီးပြတ်အောင်ဆောင်ရွက် နိုင်ရန်အတွက် ဆွေးနွေးလျက်ရှိကြောင်း၊ ထိုင်းနိုင်ငံနှင့်   ကျန်ရှိနေသေးသည့် နယ်နိမိတ်ကို   အင်္ဂလိပ်လက်ထက်က တိုင်းတာသတ်မှတ်ခဲ့သည့်   နယ်နိမိတ်ကို အခြေခံ၍ လက်ရှိတွင် စနစ်တကျပြန်လည် တိုင်းတာသတ်မှတ်ခြင်းများ ဆောင်ရွက်နိုင်ရန် ဆွေးနွေးညှိနှိုင်းမှုများ ဆောင်ရွက်လျက်ရှိကြောင်းဖြေကြားသည်။

ထို့နောက် ရခိုင်ပြည်နယ် မဲဆန္ဒနယ်အမှတ်(၅)မှ ရခိုင်ပြည်နယ် ကျောက်တော်မြို့နယ် လမ်းမတော်-ခေါင်းတုတ်-တင်းမလမ်းမှ ရန်ကုန်-စစ်တွေ အဝေးပြေးလမ်းသို့ ဆက်သွယ်ထားသည့် တပ်ရှောင်ဖြတ်လမ်းအား ကွန်ကရစ်လမ်းအဖြစ် ဆောင်ရွက်ပေးရန် အစီအစဉ် ရှိ၊ မရှိ မေးခွန်းနှင့်စပ်လျဉ်း၍ နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ်သန်းထွဋ်က ကျောက်တော်မြို့နယ် ခေါင်းတုတ်ကျေးရွာမှ ရန်ကုန် - စစ်တွေ အဝေးပြေးလမ်းမကြီးသို့ ဆက်သွယ်သည့် လမ်း (၂/၄)မိုင်အား ကွန်ကရစ်လမ်းအဖြစ် အဆင့်မြှင့်တင်ပေးနိုင်ရန်  သက်ဆိုင်ရာ ဒေသတာဝန်ရှိသူများက ကွင်းဆင်းလေ့လာ စိစစ်ရန်လိုအပ်မည်ဖြစ်ပြီး ရခိုင်ပြည်နယ် အစိုးရအဖွဲ့အနေဖြင့် သတ်မှတ်စီမံကိန်း အဆိုပြုလွှာပုံစံများဖြင့် ပြည့်ပြည့်စုံစုံစိစစ် ထောက်ခံတင်ပြလာပါက ရန်ပုံငွေလျာထားပေးနိုင်ရေး မှတ်တမ်းထားရှိမည် ဖြစ်ကြောင်း၊ နှစ်စဉ်ထည့်သွင်းလျာထားသော လုပ်ငန်းများမှာလည်း ရန်ပုံငွေဝင်ဆံ့မှုအတိုင်းအတာအရ လျာထားဆောင်ရွက်နေရသဖြင့် ယခုမေးမြန်းလာသည့်လုပ်ငန်းအား တတိယ ငါးနှစ်စီမံကိန်းတွင် ထည့်သွင်းလျာထားပြီး လုပ်ငန်းဦးစားပေးအစီအစဉ်ဖြင့်သာ ဆောင်ရွက်ပေးသွားမည်ဖြစ်ကြောင်း   ရှင်းလင်းဖြေကြားသည်။

ယင်းနောက်  ပြည်သူ့လွှတ်တော်က ပြင်ဆင်ချက်ဖြင့်    အတည်ပြုပြီး ပေးပို့လာသော  မြန်မာနိုင်ငံ  ဘူမိသိပ္ပံကောင်စီဥပဒေကြမ်းနှင့်   အမျိုးသားလွှတ်တော်တိုင်းရင်းသားရေးရာကော်မတီ၏  ဒုတိယအကြိမ် အမျိုးသားလွှတ်တော် အဋ္ဌမပုံမှန်အစည်းအဝေးမှ (၁၃)ကြိမ်မြောက် ပုံမှန်အစည်းအဝေးကာလအတွင်း  လုပ်ငန်းဆောင်ရွက်မှုအစီရင်ခံစာတို့ကို  တာဝန်ရှိသူများက လွှတ်တော်သို့ အသီးသီး ဖတ်ကြားတင်ပြကြပြီး ၄င်းကိစ္စရပ်များနှင့်စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်များရှိပါက   အမည်စာရင်း တင်သွင်းနိုင်ကြောင်း  သိရသည်။

ဒုတိယအကြိမ် အမျိုးသားလွှတ်တော် (၁၃)ကြိမ်မြောက်   ပုံမှန်အစည်းအဝေး ၂၂ ရက်မြောက်နေ့ကို   စက်တင်ဘာ ၁၈ ရက်တွင်   ကျင်းပသွားမည်ဖြစ်ကြောင်း သိရသည်။အောင်လင်းဦး(မြဝတီ)

Read 13 times Last modified on Tuesday, 17 September 2019 10:34