SJ WorldNews - шаблон joomla Авто

နိုင်ငံတော် ပရိယတ္တိ သာသနာ့တက္ကသိုလ်များ ဝင်ခွင့်လျှောက်ထားနိုင်

Saturday, 30 September 2017 09:34 font size decrease font size decrease font size increase font size increase font size

ရန်ကုန်  စက်တင်ဘာ  ၂၉

နိုင်ငံတော်ပရိယတ္တိ သာသနာ့တက္ကသိုလ် (ရန်ကုန်/မန္တလေး) ၁၃၇၉-၁၃၈ဝ ပညာသင်နှစ်တွင် သာသနတက္ကသီလ ဓမ္မာစရိယတန်း (ပထမနှစ်)သို့ တက်ရောက်လိုသော ရဟန်း/သာမဏေများသည် အစိုးရပထမကြီးတန်း၊ စေတိယင်္ဂဏစာသင်တန်း၊ သကျသီဟ စာသင်တန်း တစ်ခုခုအောင်မြင်ပြီး သက်တော် ၃ဝနှစ်၊ သိက္ခာတော် ၁ဝ ဝါအောက်ရှိရမည်ဖြစ်သည်။

သာသနတက္ကသီလ မဟာဓမ္မာစရိယတန်း (ပထမနှစ်)သို့ တက်ရောက်လိုသော ရဟန်း/သာမဏေများသည် သာသနတက္ကသီလ ဓမ္မာစရိယဘွဲ့၊ သာသနဓဇဓမ္မာစရိယဘွဲ့၊ သကျသီဟဓမ္မာစရိယဘွဲ့၊ စေတိယင်္ဂဏ ဓမ္မာစရိယဘွဲ့ တစ်ခုခုရရှိပြီး သက်တော် ၃၅ နှစ်၊ သိက္ခာတော် ၁၅ ဝါအောက်ရှိ အရှင်မြတ်များ လျှောက်ထားနိုင်ကြောင်း သိရသည်။

သာသနတက္ကသီလ ဓမ္မာစရိယတန်း (ပထမနှစ်)ဝင်ခွင့်လျှောက်ထားသော ရဟန်း/ သာမဏေများသည် အစိုးရ ပထမကြီးတန်းနှင့် ညီမျှသော ဝိနည်းဆိုင်ရာ(၅)ပုစ္ဆာနှင့် အဘိဓမ္မာဆိုင်ရာ(၅)ပုစ္ဆာ၊ မေးခွန်းလွှာတစ်ခု၊ ပါဠိဆိုင်ရာ(၅)ပုစ္ဆာနှင့် အထွေထွေဗဟုသုတ( ၅)ပုစ္ဆာ၊ မေးခွန်းလွှာတစ်ခုကို တစ်ရက်စီ စုစုပေါင်း နှစ်ရက် ဖြေဆိုကြရမည်ဖြစ်သည်။သာသနတက္ကသီလ မဟာဓမ္မာစရိယတန်း(ပထမနှစ်) ဝင်ခွင့်လျှောက်ထားသော ရဟန်း/

သာမဏေများသည် သာသနတက္ကသီလ မဟာဓမ္မာစရိယတန်း(စတုတ္ထနှစ်)ညီမျှသော ဝိနည်း၊သုတ္တန်၊ အဘိဓမ္မာကို ပထမနေ့တွင် (က)အတ္ထယောဇနာ(ခ) ဝါကျသဒ္ဒါ (ဂ)အဓိပ္ပါယတ္တ (ဃ) ခေတ်လေ့လာနည်းအားဖြင့် (၁ဝ)ပုစ္ဆာ ဖြေဆိုရမည်။  ဒုတိယနေ့တွင် ပါဠိ၊ မြန်မာ၊ အင်္ဂလိပ်၊ ပြန့်ပွားဘာသာအားဖြင့် (၁ဝ)ပုစ္ဆာဖြေဆိုကြရမည်ဖြစ်သည်။

သာသနာ့တက္ကသိုလ် ဝင်ခွင့်လျှောက်ထား လွှာများကို(၁၃၇၉ ခုနှစ် သီတင်းကျွတ်လပြည့် ကျော် ၉ ရက်)၂ဝ၁၇ ခုနှစ် အောက်တိုဘာ ၁၄ ရက်(စနေ၊ တနင်္ဂနွေရုံးပိတ်ရက်မှအပ) စတင်ထုတ်ပေးမည်ဖြစ်ပြီး(၁၃၇၉ ခုနှစ် တန်ဆောင်မုန်းလဆန်း ၁၂ ရက်)၂ဝ၁၇ ခုနှစ်အောက်တိုဘာ ၃၁ ရက်နေ့ နောက်ဆုံးထား၍ လျှောက်လွှာပုံစံများကို သက်ဆိုင်ရာ တက္ကသိုလ်များ၏ မော်ကွန်းထိန်းရုံးတို့တွင် တင်သွင်းနိုင်ပြီး အသေးစိတ် သိလိုသော အချက် များကို နိုင်ငံတော်ပရိယတ္တိ သာသနာ့တက္ကသိုလ်(ရန်ကုန်) မော်ကွန်းထိန်းရုံး(ဖုန်း-ဝ၉-၅၄ဝဝ၈၂၈၊ ဝ၉-၄၂၅ဝဝ၈၇၂၈၊ ဝ၉-၂၅ဝဝ၃၇၈၉၉)၊ နိုင်ငံတော် ပရိယတ္တိသာသနာ့ တက္ကသိုလ်(မန္တလေး)မော်ကွန်းထိန်းရုံး(ဖုန်း-ဝ၂-၆၆၉ဝ၁) တို့သို့ ဆက်သွယ် စုံစမ်းနိုင်ကြောင်း   သာသနာတော် ထွန်းကားပြန့်ပွားရေး ဦးစီးဌာနမှ  သတင်းရရှိသည်။ 

Read 363 times Last modified on Saturday, 30 September 2017 09:35