SJ WorldNews - шаблон joomla Авто

မြနန်းစံကျော်ရွှေနန်းတော်အနီး နန်းတွင်းကျောက်စာရုံတွင် ကျောက်စာများကို သွားရောက် လေ့လာနိုင်

Monday, 02 December 2019 13:31 font size decrease font size decrease font size increase font size increase font size

မန္တလေးတိုင်းဒေသကြီး  မန္တလေးမြို့  မြနန်းစံကျော်ရွှေနန်းတော်အနီး  နန်းတွင်းကျောက်စာရုံတွင် သုတေသနပြုလိုသူ ရဟန်းရှင်လူများအတွက်   ကျောက်စာများကို ဖတ်ရှုလေ့လာနိုင်ကြောင်း နန်းတွင်းကျောက်စာရုံရှိ တာဝန်ရှိသူ တစ်ဦးထံမှ သိရသည်။

အဆိုပါကျောက်စာရုံတွင်  ကျောက်စာရုံ အမှတ်(၁)နှင့် အမှတ်(၂) အဖြစ်ထားရှိသည်။ နန်းတွင်းကျောက်စာရုံ ဖြစ်ပေါ်လာခြင်းမှာ ဘိုးတော်  ဗဒုံမင်းတရားကြီး လက်ထက် (မြန်မာသက်္ကရာဇ်၁၁၄၄ခုနှစ်)တွင် အမရပူရမြို့တော် သို့ မြန်မာပြည်အရပ်ရပ်ရှိ ကျောက် စာချပ်များကို  မှတ်တမ်းတင် ဆောင်ရွက်နိုင်ရန် ထားရှိမှုမှ စတင်ခဲ့ကြောင်း   သိရသည်။ မှတ်တမ်းတင်ပြီးသော ကျောက်စာချပ်များကို မူလဒေသသို့လည်း  ပြန်လည် ပို့ဆောင်စေခဲ့သည်။ ထိုသို့သော မှတ်တမ်းတင် လေ့လာသော  ကျောက်စာများထဲမှ ကျန်ရှိနေသေးသော ကျောက်စာများကို ယခုလက်ရှိ   နန်းမြို့အတွင်းတွင် ၁၉၀၆ ခုနှစ်တွင်ကျောက်စာဌာနမှ ထိန်းသိမ်းထားရှိရာမှ ကျောက်စာရုံဖြစ်လာကြောင်း သိရသည်။

ရှေးခေတ်မှ သမိုင်းအထောက်အထားများကို အကောင်းဆုံး သက်သေပြနေသော အရာများတွင် ကျောက်စာများ အဓိကပါဝင်နေသည်။ ရှေးဟောင်းကျောက်စာများသည် သမိုင်းတန်ဖိုးကြီးမားပြီး   အဖိုးတန်သော  ယဉ်ကျေးမှု အမွေအနှစ်များ   ဖြစ်သောကြောင့် ကျောက်စာများကို  လေ့လာဖတ်ရှုခြင်း၊ သုတေသနပြုခြင်းများသည် ကွင်းဆက်ပြတ်နေသော   သမိုင်းကွက်လပ်များကို ဖြည့်စွမ်းဖော်ထုတ်နိုင်သည်အထိ  အရေးပါလှသည်။

လက်ရှိကာလ  ထိန်းသိမ်းထားသော ကျောက်စာချပ်များတွင်ခေတ်အလိုက် အက္ခရာများဖြင့် ရေးထိုးထားသည့် ကျောက်စာများစွာရှိသည်။အများစုမှာ အလှူမှတ်တမ်း၊ စေတီသမိုင်း၊ ဘွဲ့အမည်နှင့် အခြားမှတ်တမ်း များကို လေ့လာတွေ့ ရှိနိုင်သည်။ လက်ရှိကာလ   ကျောက်စာရုံ အမှတ်(၁)တွင် ကျောက်စာချပ် ၆၂၅ ချပ်၊ ကျောက်စာရုံ  အမှတ်(၂)တွင် ကျောက်စာ၁၆၁ ချပ် စုဆောင်း ထိန်းသိမ်းထားသည်။ကျောက်စာရုံထဲရှိ   ကျောက်စာများမှာ ပျူခေတ်၊ ပုဂံခေတ်၊ ပင်းယခေတ်၊ အင်းဝခေတ်၊ ရတနာပုံခေတ်တို့တွင် ရေးထိုးထားသော ကျောက်စာများဖြစ်ရာ  လက်ရှိကာလတွင် ယဉ်ကျေးမှုဝန်ကြီးဌာန၊ ရှေးဟောင်း သုတေသနနှင့် အမျိုးသား ပြတိုက်ဦးစီး ဌာန(မန္တလေးဌာနခွဲ)မှ ထိန်းသိမ်း စောင့်ရှောက်ထားကြောင်း သိရသည်။

Read 23 times Last modified on Tuesday, 03 December 2019 13:24