SJ WorldNews - шаблон joomla Авто

ဝက်သည်းကန်(ကြာကန်)အနီးရှိ ကြာချည်ထုတ်လုပ်သူများ ရက်ကန်းသင်တန်း တက်ရောက်နိုင်ရေး ဆွေးနွေး

Wednesday, 22 January 2020 09:53 font size decrease font size decrease font size increase font size increase font size

စလင်း ဇန်နဝါရီ  ၂၁

မကွေးတိုင်းဒေသကြီး စလင်းမြို့ ဝက်သည်းကန်အနီးရှိ ကျေးရွာများသည် ဝက်သည်းကန်အတွင်းရှိ ကြာပင်မှကြာချည် ထုတ်လုပ်ရောင်းချ၍  အသက်မွေးဝမ်းကျောင်းပြုလျက်ရှိကြောင်း သိရသည်။

ကြာချည်ထုတ်လုပ်သူများအား ကုန်ကြမ်းမှ   ကုန်ချောကြာချည်ထည်များအဖြစ် ပြောင်းလဲထုတ်လုပ်နိုင်ရန်အတွက် ရက်ကန်း သင်တန်းပို့ချမည့်  ရှင်းလင်းဆွေးနွေးပွဲကို ယနေ့နံနက်ပိုင်းတွင်  မြို့နယ်အထွေထွေအုပ်ချုပ်ရေးဦးစီးဌာနရှိ ပတ္တမြားခန်းမ၌ ကျင်းပသည်။

အဆိုပါ ဆွေးနွေးပွဲတွင် မကွေးတိုင်းဒေသကြီး အစိုးရအဖွဲ့ဝင် အလုပ်သမားရေးရာဝန်ကြီး ဦးမြင့်ဆွေနှင့် အမျိုးသား

လွှတ်တော်ကိုယ်စားလှယ်က အဖွင့်အမှာစကားပြောကြားပြီး မကွေးတိုင်းဒေသကြီး အသေးစားစက်မှုလက်မှု လုပ်ငန်းဦးစီးဌာန ဦးစီးမှူးက ကြာချည်မှရက်ကန်းသင်တန်း ဖွင့်လှစ်နိုင်မှု အစီအမံနှင့် သက်မွေးပညာ သင်ကြားနေမှု အခြေအနေများကို ရှင်းလင်းပြောကြားသည်။

ဝက်သည်းကန်တော် အတွင်းတွင် ပဒုမ္မာကြာတောကြီးများ   နေရာအနှံ့ရှိသည်။

ကြာဖြူ၊ ကြာနီ၊ ကြာညို၊ ကြာပုဏ္ဍရိက်၊ ကြာတံဆိပ်၊ ကြာခေါင်းလောင်း၊ ကြာပဒုမ္မာ၊ ကုမုဒြာကြာစသည့်    ကြာမျိုးစုံရှိသည်။

ဗေဒါပင်၊ ဗေဒါပန်းများလည်းရှိပြီး   ကန်အကျယ်အဝန်းမှာ  ဧက ၅၃ဝ၊ ရေပြင်ဧရိယာဧက ၃၅ဝ ရှိပြီး  သစ်တောဦးစီးဌာနက  သဘာဝဝန်းကျင်နှင့် သားငှက်တိရစ္ဆာန်ထိန်းသိမ်းရေးနယ်မြေ ငှက်ဘေးမဲ့တောအဖြစ် ၁၉၅၃ ခုနှစ်မှ စတင် သတ်မှတ်ထိန်းသိမ်း ဆောင်ရွက်လျက်ရှိသည်။

ကြာချည် ထုတ်လုပ်သူ များအနေဖြင့် သင်တန်းတက်ရောက်ပြီးစီးပါက ကြာချည်ကုန်ချော ထုတ်လုပ်ရောင်းချနိုင်မည် ဆိုလျှင် ဝင်ငွေပိုမို တိုးပွားလာမည် ဖြစ်ကြောင်း သိရသည်။                            

  သန်းမြင့်

Read 33 times Last modified on Wednesday, 22 January 2020 09:54