SJ WorldNews - шаблон joomla Авто

တရုတ်နယ်စပ် ၀င်ပေါက်ဂိတ် ပြန်လည် ဖွင့်လှစ်ခြင်းကြောင့် စိုက်ပျိုးရေး ထွက်ကုန်များ ပြန်လည် တင်သွင်းခွင့်ရရှိ

Friday, 14 February 2020 10:45 font size decrease font size decrease font size increase font size increase font size

လွယ်ဂျယ်  ဖေဖော်ဝါရီ  ၁၃

တရုတ်နိုင်ငံတွင် ဖြစ်ပွားလျက်ရှိသည့်    ၀ူဟန်ကိုရိုနာဗိုင်းရပ် ရောဂါပိုးကြောင့် ကူးစက်ပျံ့နှံ့မှု မရှိစေရေး ကချင်ပြည်နယ်ရှိ    နယ်စပ်ဝင်ပေါက်ဂိတ်များ ဖြစ်သည့်   လွယ်ဂျယ်၊ ကန်ပိုက်တီနယ်စပ် ဂိတ်ပေါက်များအား  ဇန်န၀ါရီ ၂၈ ရက်က ပိတ်ထားရာ ဖေဖော်ဝါရီ ၁၂ ရက် နံနက်ပိုင်းက  လွယ်ဂျယ်မြို့နယ်စပ် ၀င်ပေါက်ဂိတ်အား    စတင်ဖွင့်လှစ်ပေးသည်။

ထိုသို့  လွယ်ဂျယ်နယ်စပ်ဂိတ် ဖွင့်လှစ်ပေးခြင်းကြောင့် ဗန်းမော်ခရိုင် အတွင်းရှိ စိုက်ပျိုးရေး ထွက်ကုန်များဖြစ်သည့် တစ်သျှူးငှက်ပျော၊ ကြံ၊ ဖရဲ၊ ဆန်နှင့်ပြောင်းတို့ အသင့်တင်ဆောင် စောင့်ဆိုင်းနေသည့် မော်တော်ယာဉ်အစီး  ၁၀၀   ကျော်မှာ ထွက်ခွာခွင့်ရရှိသည်။

လွယ်ဂျယ်နယ်စပ်ဂိတ်မှ ဗန်းမော်မြို့သို့ ၅၇ မိုင်ခန့်ကွာဝေးပြီး စိုက်ပျိုးရေး ထွက်ကုန်များကို ကုန်သွယ်ရာတွင်လည်း ဗန်းမော်၊ မိုးမောက်၊  လွယ်ဂျယ်လမ်းပိုင်းအား အဓိကထား သွားလာရခြင်းဖြစ်ကာ အလားတူ ကန်ပိုက်တီ နယ်စပ်ချစ်ကြည်ရေး ဂိတ်မှလည်း ဖေဖော်ဝါရီ ၁၃ ရက်တွင်စတင်၍ တစ်သျှူးငှက်ပျောတင် ယာဉ်များအား အစီးရေ အကန့်အသတ်ဖြင့်  ထွက်ခွာခွင့်ပြုကြောင်း သိရသည်။

Read 47 times Last modified on Friday, 14 February 2020 10:46