SJ WorldNews - шаблон joomla Авто

စားသုံးရန် မသင့်သော စားသောက်ကုန်များကို ထိန်ပင်အမှိုက်ပုံ၌ ဖျက်ဆီးမှုများ ပြုလုပ်

Friday, 13 March 2020 08:53 font size decrease font size decrease font size increase font size increase font size

ရန်ကုန်တိုင်းဒေသကြီး  လှိုင်သာယာမြို့နယ်ရှိ  ထိန်ပင်အမှိုက်ပုံ၌  စားသုံးရန် မသင့်သော  စားသောက်ကုန်ပစ္စည်းများထည့်သွင်းထားသည့်   ကုန်သေတ္တာများကို ဖွင့်ဖောက်ကာ ဖျက်ဆီးမှုများ ပြုလုပ်နေပြီး  ယခုလအတွင်း  ဖျက်ဆီးမှု အပြီးသတ်နိုင်ရန်   လုပ်ဆောင်နေကြောင်း  ရန်ကုန်မြို့တော်   စည်ပင်သာယာရေးကော်မတီ ပတ်ဝန်းကျင် ထိန်းသိမ်းရေးနှင့် သန့်ရှင်းရေးဌာနမှ သိရသည်။

ဖျက်ဆီးနေသည့် အဆိုပါ ကုန်သေတ္တာများမှာ   ရန်ကုန်ဆိပ်ကမ်းများ၌ ရောက်ရှိထားသည့်  သက်တမ်းလွန် အအေးခန်း ကုန်သေတ္တာများ အပါအဝင်  စားသုံးရန် မသင့်သော စားသောက်ကုန်များလည်း ဖြစ်ပြီး ပို့ဆောင်ရေးနှင့် ဆက်သွယ်ရေးဝန်ကြီးဌာန     မြန်မာ့ဆိပ်ကမ်းအာဏာပိုင်က ဖျက်ဆီးပေးရန်    အကြောင်းကြားလာခြင်းကြောင့် ယခုကဲ့သို့  လုပ်ဆောင်နေခြင်း ဖြစ်သည်။

''ကုန်သေတ္တာတစ်လုံးမှာ   ပါဝင်တဲ့ ဖျက်ဆီးမယ့်ကုန်တွေက   အမှိုက်ကား လေးခေါက်နီးပါးလောက်ရှိသလို လုပ်သား

ဦးရေ  ၆ဝ လောက်  အသုံးပြုရတယ်။

ဒီလုပ်ငန်းကို   ဖေဖော်ဝါရီလကုန်ပိုင်းလောက်က စတင်ခဲ့တာပါ။   ဒီလအတွင်း အပြီးသတ် လုပ်ဆောင်မှာ ဖြစ်ပါတယ်'' ဟု ရန်ကုန်မြို့တော် စည်ပင်သာယာရေးကော်မတီ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနမှ တာဝန်ရှိသူတစ်ဦးက ပြောသည်။

စားသောက်ကုန်များကို  ပေ ၃ဝ ပတ်လည်၊ အနက် ၈ ပေခွဲရှိသော ကျင်းတူးပြီး ထုံးဖြူတစ်လွှာ၊  ဖျက်ဆီးမည့် စားသောက်ကုန်ပစ္စည်းတစ်လွှာ၊   ထုံးဖြူ၊   မြေသား စသည်ဖြင့် အဆင့်ဆင့် ဖုံးအုပ်ကာ သုံးလွှာထပ်၍   ဖျက်ဆီးလုပ်ဆောင်နေခြင်း ဖြစ်သည်။ 

ထိုကုန်သေတ္တာများမှ   စားသောက်ကုန်အများစုသည်  ဥရောပနိုင်ငံမှဖြစ်ပြီး တရုတ်နိုင်ငံသို့တင်ပို့ရန်    ကြားခံအဖြစ် မြန်မာကုမ္ပဏီကိုးခုက  ဆောင်ရွက်လျက်ရှိကြောင်း၊ ယင်းကဲ့သို့ ဖျက်ဆီးမှု ပြုလုပ်သည့် ကုန်ကျစရိတ်ကို သက်ဆိုင်ရာ ကြားခံကုမ္ပဏီက   အကုန်အကျခံ ဆောင်ရွက်ရခြင်း ဖြစ်ကြောင်း သိရသည်။

ထက်ခိုင်(စမ်းချောင်း)

Read 54 times Last modified on Friday, 13 March 2020 08:54