SJ WorldNews - шаблон joomla Авто

မိုင်းဆတ်မြို့နယ်နှင့် မိုင်းတုံမြို့နယ်တို့၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်

Tuesday, 14 January 2020 08:57 font size decrease font size decrease font size increase font size increase font size

နေပြည်တော်  ဇန်နဝါရီ  ၁၃

ရှမ်းပြည်နယ်(အရှေ့ပိုင်း)၊ မိုင်းဆတ်မြို့နယ်၊ ကျတီကျေးရွာနှင့်ပတ်ဝန်းကျင်ကျေးရွာများမှ ကျောင်းသား၊ ကျောင်းသူများနှင့် ဒေသခံတိုင်းရင်းသား ပြည်သူများကို ယနေ့နံနက်ပိုင်းတွင် တြိဂံဒေသတိုင်း စစ်ဌာနချုပ်၊ နယ်လှည့်ဆေးကုသရေး အဖွဲ့က  အဆိုပါကျေးရွာရှိ ကျေးဇူးတော်ခန်းမ၌  ကျန်းမာရေး စောင့်ရှောက်မှု လုပ်ငန်းများ ဆောင်ရွက်ပေးသည်။

ထိုသို့ဆောင်ရွက်ပေးရာတွင် ဆေးကုသရေးအဖွဲ့က ကျောင်းသား၊ ကျောင်းသူ ၁၄၈ ဦးနှင့် ဒေသခံတိုင်းရင်းသား ပြည်သူ ၁၂၅ ဦးတို့အား သွားနှင့်ခံတွင်းရောဂါ၊ အရိုး/အကြောရောဂါ၊  သားဖွား/မီးယပ်ရောဂါ၊ ကလေးရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့် ကျန်းမာရေး စစ်ဆေးကုသပေးခြင်း၊ ECG စက်ဖြင့် နှလုံးစမ်းသပ်ပေးခြင်းများ ဆောင်ရွက်ပေးသည်။

ယင်းသို့ဆောင်ရွက်နေမှုများကို တိုင်းစစ်ဌာနချုပ်မှ တာဝန်ရှိသူများက သွားရောက်ကြည့်ရှုအားပေးပြီး စားသောက်ဖွယ်ရာများ ပေးအပ်သည်။

အလားတူ ယနေ့နံနက်ပိုင်းတွင် ဆေးကုသရေးအဖွဲ့က မိုင်းတုံမြို့နယ်၊ မဲကင်းကျေးရွာရှိ သံဃာတော်သုံးပါးနှင့် ဒေသခံတိုင်းရင်းသားပြည်သူ ၁၂၅ ဦးတို့ကို အဆိုပါ ကျေးရွာဘုန်းတော်ကြီးကျောင်း၌   ရာသီတုပ်ကွေးရောဂါ၊ သွေးတိုးရောဂါ၊ ဆီးချိုရောဂါ၊ ဆီးလမ်းကြောင်းရောဂါ၊ ကျောက်ကပ်ရောဂါ၊ သားဖွား/မီးယပ်ရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့် ကျန်းမာရေး စစ်ဆေးကုသပေးခြင်းများ   ဆောင်ရွက်ပေးခဲ့ကြောင်း သတင်းရရှိသည်။   

Read 62 times Last modified on Tuesday, 14 January 2020 08:58