SJ WorldNews - шаблон joomla Авто

ဖာပွန်မြို့၊ ဥတ္တရာရုံအေးသုခ ကျောင်းတိုက်၌ ကျန်းမာရေးစောင့်ရှောက်မှု လုပ်ငန်းများဆောင်ရွက်

Thursday, 12 March 2020 08:19 font size decrease font size decrease font size increase font size increase font size

နေပြည်တော်   မတ်  ၁၁

ကရင်ပြည်နယ်၊ ဖာပွန်မြို့ပေါ်ရပ်ကွက်များရှိ သံဃာတော်များနှင့် ဒေသခံပြည်သူများအား  ယနေ့နံနက်ပိုင်းတွင်   အရှေ့ တောင်တိုင်းစစ်ဌာနချုပ်၊ နယ်လှည့်ဆေးကုသရေးအဖွဲ့က အဆိုပါမြို့ရှိ ဥတ္တရာရုံအေးသုခ ကျောင်းတိုက်၌ ကျန်းမာရေးစောင့်ရှောက်မှု လုပ်ငန်းများဆောင်ရွက်ပေးသည်။

ထိုသို့ဆောင်ရွက်ပေးရာတွင် ဆေးကုသရေးအဖွဲ့က သံဃာတော် ၂၃ ပါးနှင့် ဒေသခံ ပြည်သူ ၂၆၈ ဦးတို့ကို သွေးတိုးရောဂါ၊ ဆီးချိုရောဂါ၊ နှလုံးရောဂါ၊ သွားနှင့်ခံတွင်းရောဂါ၊ အရိုး/အကြောရောဂါ၊ သားဖွား/ မီးယပ်ရောဂါ၊ ကလေးရောဂါ၊ အထွေထွေ ရောဂါတို့နှင့်ပတ်သက်၍   လိုအပ်သည့် ကျန်းမာရေး စစ်ဆေးကုသပေးခြင်းများ ဆောင်ရွက်ပေးပြီး ဆေးရုံတက်ရောက်ကုသရန် လိုအပ်သူခုနစ်ဦးကို ဖာပွန်မြို့ရှိ တပ်မတော် ဆေးရုံသို့ တက်ရောက်ကုသနိုင်ရေး စီစဉ် ဆောင်ရွက်ပေးသည်။

ယင်းသို့ဆောင်ရွက်ပေးမှုများကို တိုင်းမှူး ဗိုလ်ချုပ်မျိုးမိုးအောင်နှင့် အဖွဲ့ဝင်များက သွားရောက်ကြည့်ရှုအားပေးပြီး ဒေသခံပြည်သူများအား စားသောက်ဖွယ်ရာများ ပေးအပ်ကာ ဥတ္တရာရုံအေးသုခကျောင်းတိုက်ဆရာတော် ဘဒ္ဒန္တဝါရိန္ဒနှင့် ဝေဠုဝန်ကျောင်းတိုက် ဆရာတော် ဘဒ္ဒန္တစန္ဒြိယတို့အား ဖူးမြော်၍ ဆွမ်းဆန်တော်၊ ဆီနှင့် လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကြောင်း သတင်း ရရှိသည်။

Read 27 times Last modified on Thursday, 12 March 2020 08:20