နေပြည်တော်၊ သြဂုတ် - ၃၀
ပဲခူးတိုင်းဒေသကြီး၊ ပြည်မြို့နယ်အတွင်း သြဂုတ် ၂၉ ရက်တွင် မိုးသည်းထန်စွာ ရွာသွန်းမှုကြောင့် ဧရာဝတီမြစ်ရေမြင့်တက်လာပြီး ကုန်းသာလင်းကျေးရွာနှင့် သဲဖြူကျေးရွာများ အတွင်းသို့ မြစ်ရေဝင်ရောက်မှုများဖြစ်ပေါ်ခဲ့သည်။
အဆိုပါ မြစ်ရေဝင်ရောက်ခဲ့သည့် ကျေးရွာများရှိ ရေဘေးသင့်အိမ်ထောင်စု ၆၁ စု၊ လူဦးရေ ၁၈၅ ဦးတို့သည် နီးစပ်ရာ၎င်းင်းတို့၏ဆွေမျိုးများအိမ်သို့ ပြောင်းရွှေ့နေထိုင်လျက်ရှိရာ ယနေ့နံနက်ပိုင်းတွင် တောင်ပိုင်းတိုင်းစစ်ဌာနချုပ်၊ ပြည်တပ်နယ်မှ ဗိုလ်မှူးကြီး အောင်နိုင်ဦး နှင့်အဖွဲ့ဝင်များက သွားရောက်ကြည့်ရှု၍ ရေဘေးသင့်ပြည်သူများအတွက် ဆန်၊ ဆီနှင့် စားသောက်ဖွယ်ရာများ ပေးအပ်ကာ လိုအပ်သည်များ ညှိနှိုင်းဆောင်ရွက်ပေးခဲ့ကြောင်း သတင်းရရှိသည်။