အီတလီနိုင်ငံ မြောက်ပိုင်း၌ လေယာဉ်တစ်စင်း ပျက်ကျ လူရှစ်ဦး သေဆုံး
အီတလီနိုင်ငံမြောက်ပိုင်း မီလန်မြို့ဆင်ခြေဖုံး ရပ်ကွက်ရှိ လူမနေသည့် အဆောက်အအုံ တစ်လုံးအပေါ်သို့ လေယာဉ်ငယ်တစ်စင်း ပျက်ကျရာ လေယာဉ်ပေါ်တွင် လိုက်ပါသူ ရှစ်ဦးစလုံး သေဆုံးကြောင်း ရဲတပ်ဖွဲ့က ထုတ်ပြန်သည်။
အဆိုပါလေယာဉ်သည် အောက်တိုဘာ ၃ ရက်တွင် မီလန်မြို့ရှိ လီနာတေလေဆိပ်မှ ဆာဒင်ညာကျွန်းသို့ ဦးတည်မောင်းနှင်နေစဉ် မြို့ပြင်ရှိမြေအောက် ဘူတာရုံအပြင်ဘက်၌ ပျက်ကျခြင်းဖြစ်သည်။
လေယာဉ်သည် ပျက်ကျပြီးနောက် နှစ်ထပ်အဆောက်အအုံနှင့် ပြင်းထန်စွာ ဆောင့်မိကြောင်း၊ ထို့ကြောင့် အဆိုပါနေရာရှိ လူများအနေဖြင့် ပေါက်ကွဲသံများကို ကြားရကြောင်းနှင့် လေယာဉ်ပျက်ကျချိန်တွင် နှစ်ထပ်အဆောက်အအုံမှာ ပြုပြင်နေဆဲဖြစ်သည့်အတွက် လူနေထိုင်ခြင်း မရှိကြောင်း တာဝန်ရှိသူများက ပြောသည်။
Ref: TST