လှပကြော့ရှင်းခန္ဓာကိုယ်နှင့်အစားအစာ
လူတိုင်းလှပကြော့ရှင်းတဲ့ ခန္ဓာကိုယ်ရလိုပါတယ်။ ကိုယ့်ရဲ့ခန္ဓာကိုယ်ဟာပုံမှန် ကိုယ်အလေးချိန်အချိုးအဆ(BMI)(၁၈.၉-၂၄.၉) အတွင်းရှိသင့်ပါတယ်။ ဘီအမ်အိုင်ဆိုတာအလေးချိန် ကီလိုဂရမ်ကို အရပ်အမြင့်(မီတာ) နှစ်ထပ်ကိန်းနဲ့ စားလို့ရတဲ့ရလဒ်ဖြစ်လို့ ကိုယ်အလေးချိန်မများအောင် အစားအသောက်ဆင်ခြင်သင့်ပါတယ်။
လေ့ကျင့်ခန်းတွေဘယ်လောက်လုပ်လုပ် စားသောက်မှုပုံစံဘယ်လောက်ပြောင်းပြောင်း အစာဘယ်လိုထိန်းချုပ်ထိန်းချုပ်၊ မယ် မြန်မာ၊မောင်မြန်မာ၊ မောင်စကြဝဠာ၊ မယ်စကြဝဠာ တစ်ယောက်လိုကိုယ်လုံးမျိုး၊ ခန္ဓာကိုယ်မျိုးမရနိုင်ပါဘူး။ မျိုးဗီဇကြောင့် ပါဝင်ပါတယ်။ ကိုယ့်ဖခင်က ကြုံလှီသေးကွေးပြီး ခြေသလုံးသေးသေးပိုင်ဆိုင်ကာ၊ သင့်မိခင်က စွင့်ကားတဲ့တင်သားပိုင်ဆိုင်ပြီး ဗိုက်ရွှဲ ဗိုက်ပူနေရင်တော့ အမွေတွေကိုကိုယ်က ၉၀ ရာခိုင်နှုန်း လက်ခံရဖို့သေချာနေပါတယ်။ မျိုးဗီဇအရကိုယ့်ရဲ့ခန္ဓာကိုယ်အချိုးအစားဟာ ဘယ်လိုပုံစံမျိုးဆိုတာခွဲခြားသိမြင်ရပါတယ်။ ကမ္ဘာပေါ်မှာရှိတဲ့မိန်းကလေးတွေရဲ့ ခန္ဓာကိုယ်အချိုးအစားကို သုံးမျိုးခွဲထားနိုင်ပါ တယ်။ အသေအချာဆိုရင် ၈၈ မျိုးထိခွဲခြားနိုင်တယ်။ ခန္ဓာကိုယ် အချိုးအစားသုံးမျိုးနဲ့ တိုက်ဆိုင်စွာ တူညီခဲ့မယ်ဆိုရင် ကျန်းမာ စိုပြည်အလှပိုစေရင်၊ လိုက်နာသင့်တာ၊ လိုက်နာသင့်မှာဖြစ်တယ်။
ပါးလျသေးသွယ်တဲ့ ခန္ဓာကိုယ်ပိုင်ရှင်မျိုး ပိုင်ဆိုင်သူဖြစ်ရင်ပခုံးကျဉ်းကျဉ်း၊ ဗိုက်ချပ်ချပ်နဲ့ သွယ်လျလျ ခန္ဓာကိုယ်မျိုး ပိုင်ဆိုင် ထားပါလိမ့် မယ်။ ပင်ပန်းလို့ဖြစ်ဖြစ်၊ နေမကောင်းလို့ဖြစ်ဖြစ် အကြောင်းတစ်စုံတစ်ခုကြောင့် အစားအသောက်ပျက်ပြီဆိုရင် မျက်နှာကျသွားတာ၊ ကိုယ်အလေးချိန်အနည်းငယ် လျော့ကျသွားတာ အလွယ်တကူဖြစ်တတ်တယ်။ ကိုယ်အလေးချိန်တိုး လာစေဖို့ ခက်ခဲလှပါတယ်။ ကိုယ့်မှာအားသာချက်တစ်ခုရှိတယ်။ ကိုယ်ရှိနေတဲ့ အသက်ထက်နည်းနည်း ငယ်ပုံပေါက်နေတယ်လို့ ခင်မင် ရင်းနှီးစွာသူများပြောလိမ့်မယ်။ ပါးလွှာသေးသွယ်တဲ့ ခန္ဓာကိုယ်မျိုးပိုင်ဆိုင်တာသေချာသွားပြီဆိုရင် နေထိုင်မှုပုံစံမှန်အတွက် အကြံပြုထားပါတယ်။
အစားအသောက်စနစ်တကျရွေးချယ်စားသောက်သင့်ပါတယ်။ အလွယ်တကူအလေးချိန် မတိုးဘူးဆိုရင် အစာစားတဲ့အခါ တစ်ခါစား ရင် နည်းနည်းစီနဲ့ ၆-၈ ကြိမ်ထက်မနည်းစားသင့်ပါတယ်။ ကိုယ့်ရဲ့ခန္ဓာကိုယ်အလေးချိန် အချိုးအဆကိုအားမရဘူး။ ကိုယ်အလေးချိန် တက်ချင်တယ်ဆိုရင် အသားဓာတ်၊ ကစီဓာတ်၊ အဆီတို့ပါဝင်တဲ့ အစားအစာတွေကို အချိုးကျကျစားသောက်တတ်ဖို့ လေ့ကျင့်ယူ သင့်ပါတယ်။ ဆရာဝန်နဲ့တိုင်ပင်ပြီး ကိုယ့်ရဲ့နေထိုင်စားသောက်မှုပုံစံကိုပြုပြင်ထိန်းသိမ်းလိုက်ရင် အသင့်တော်ဆုံးပဲဖြစ်တယ်။
နေ့စဉ်နာရီဝက်မှ တစ်နာရီအားကစား အပြေး၊ ရွရွပြေး၊ လမ်းလျှောက်၊ စက်ဘီးစီး၊ ရေကူးပြုသင့်ပါတယ်။ ပိန်ပိန်သွယ်သွယ်ခန္ဓာ ကိုယ်ပိုင်ရှင်ဟာ ကယ်လိုရီလောင်ကျွမ်းစေတဲ့ လေ့ကျင့်ခန်းမျိုးတွေ ပြုလုပ်တာထက် ကြွက်သား နဲ့အရိုးအဆစ်တွေခိုင်မာ အောင် တည်ဆောက်နိုင်တဲ့ လေ့ကျင့်ခန်းတွေပြုလုပ်ဖို့ လိုအပ်ပါတယ်။အလေးပြားတွေ ကိရိယာတွေနဲ့ ပုံမှန်လေ့ကျင့်ခန်း လုပ်ပေး သင့်တယ်။ သေးသွယ်တဲ့ခန္ဓာကိုယ်ပိုင်ရှင်ဟာအစားကောင်းကောင်းစားပြီးအနားယူဖို့အချိန်ပိုယူသင့်ပါတယ်။ လေ့ကျင့်ခန်း လုပ်တာ ထက် ပိုအရေးကြီးပါတယ်။ အရမ်းပင်ပန်းတဲ့ လေ့ကျင့်ခန်းမျိုးရှောင်ကြဉ်ပြီး နေထိုင်စားသောက်မယ်ဆိုရင် လိုအပ်တဲ့ ကိုယ်ခန္ဓာ အချိုးအဆရယူနိုင်မှာပဲဖြစ်တယ်။
ပြည့်တင်းတဲ့ ခန္ဓာကိုယ်ပိုင်ရှင်တွေမှာရှည်လျားတဲ့အရပ်အမောင်းနဲ့ ခိုင်ခံ့တဲ့ကြွက်သားတည်ဆောက်မှုတွေ ပိုင်ဆိုင်တတ်ကြပါ တယ်။ ကိုယ့်ရဲ့ အားနည်းချက်တစ်ခုက အသက်ငယ်ပေမယ့်အများအမြင် အရွယ်ကြီးရင့်တယ်လို့အထင်ခံရတတ်တယ်။ ကိုယ် အလေးချိန်တိုးတာ၊ ကျတာတွေ အလွယ်တကူဖြစ်တတ်ပါတယ်။ ခန္ဓာကိုယ်ထိန်းသိမ်းဖို့အတွက် အစာကအစဆင်ခြင်သင့်ပါတယ်။ ပရိုတင်းနဲ့ကစီဓာတ်ပါတဲ့ အစားအစာတွေကို တစ်နေ့ခြောက်ကြိမ်ထက် မနည်းစားသင့်တယ်။ အဆီဓာတ်စားသုံးတာကို အထူးဂရုပြု ရှောင်ရှားပြီး အလွယ်တကူကိုယ်အလေးချိန်မတက်အောင် ချင့်ချိန်စားသောက်တတ်ဖို့လိုအပ်ပါတယ်။
ပြည့်တင်းတဲ့ ခန္ဓာကိုယ်ပိုင်ရှင်တွေဟာ သွယ်လျတဲ့မိန်းကလေးတွေနဲ့ လုံးဝကွဲပြားတဲ့အချက်ရှိပါတယ်။ သွယ်လျတဲ့ ခန္ဓာကိုယ် ပိုင်ရှင်တွေဟာ လေ့ကျင့်ခန်းပြုလုပ်ချိန် အနည်းငယ်သာယူသင့်ပြီး ပြည့်တင်းတဲ့ ခန္ဓာကိုယ်ပိုင်ရှင်တွေကတော့ လေ့ကျင့်ခန်းကို အချိန်ယူပြီးလုပ်သင့်ပါတယ်။ အလွန်အကျွံလုပ်တာမျိုးမဖြစ်သင့်ပါဘူး။ လေ့ကျင့်ခန်းပြုလုပ်တဲ့ ရည်ရွယ်ချက်က ပြည့်တင်းတဲ့ ခန္ဓာကိုယ်လိုအပ်တာထက်ပိုပြီး ဝမလာစေဖို့ပါပဲ။ ဗိုက်သားနဲ့ပေါင်သားမှာစုနေတဲ့အဆီပိုတွေ ဂရုပြုသင့်ပါတယ်။
အလွယ်တကူဝတတ်တာကြောင့် ကယ်လိုရီများတဲ့အစားအစာတွေ တတ်နိုင်သလောက် လျှော့စားသင့်ပါတယ်။ ကယ်လိုရီဓာတ် ဟာခန္ဓာကိုယ်အတွက် အတော်အသင့်အရေးပါတာကြောင့် သင့်တင့်မျှတစွာစားသင့်တယ်။ ညနေ၃ နာရီကျော်ရင်ကစီဓာတ်များတဲ့ ဂျုံနဲ့ပြုလုပ်တဲ့ ခေါက်ဆွဲ၊ ပလာတာ၊ ကောက်ညှင်းစတာတွေကြိုးစားပြီးရှောင်သင့်တယ်။ ထမင်း ၁၂ဇွန်း၊ စွတ်ပြုတ်တစ်ခွက်၊ အသီးအရွက်သုပ်တို့ပဲ စားသင့်ပါတယ်။ ထမင်းစားပြီး မုန့်အချိုတွေစားတာ၊ အချိုတည်းတာမလုပ်သင့်ဘူး။ ဆီကြော်မုန့်တွေ မစားသင့်ပါဘူး။ လမ်းဘေးအစာ၊ အသင့်အမြန်စား အစာတွေဖြစ်တဲ့ ဟမ်ဘာဂါ၊ပီဇာ၊ ဆင်းဒဝစ်၊ အာလူးချောင်းကြော်နဲ့ လမ်းဘေး ထမင်းဟင်းရှောင်သင့်တယ်။
အသက်ရှူလေ့ကျင့်ခန်းလို ဖြည်းဖြည်းနဲ့မှန်မှန်လုပ်ရတဲ့ လေ့ကျင့်ခန်းမျိုးက ကိုယ့်ရဲ့ခန္ဓာကိုယ် အဆီတွေကိုလောင်ကျွမ်း ပျက်စီး စေပါတယ်။ ကိုယ်အလေးချိန်ကို သင့်တော်တဲ့အတိုင်းအတာလောက်ပဲ ထိန်းထားချင်တယ်ဆိုရင် အကောင်းဆုံးနည်း လမ်းက မနက်စာ မစားခင်မှာ နာရီဝက်မှ တစ်နာရီလေ့ကျင့်ခန်း ဥပမာအပြေး၊ လမ်းလျှောက်၊ ရွရွပြေး၊ စက်ဘီးစီး ၊ရေကူးတစ်ခုခု ပြုသင့်ပါတယ်။ လေ့ကျင့်ခန်းလုပ်တဲ့အခါမှာလည်း ခပ်သွက်သွက်လေးလုပ်ဖို့ အရေးကြီးပါတယ်။ ကိုယ့်ရဲ့နေထိုင်မှုပုံစံလည်း ပြောင်းလဲသင့်ပါတယ်။
ဘတ်စကားစီးသွားတာထက် ခရီးစောရင်လမ်းလျှောက်သွားသင့်ပါတယ်။ ဓာတ်လှေကားစီးမယ့်အစား ရိုးရိုးလှေကား အတိုင်း လမ်းလျှောက်တက်တာမျိုးလုပ်ပေးရင် ပိုလျှံနေတဲ့ကယ်လိုရီတွေက ချွေးအဖြစ် စွန့်ပစ်ကာအဆီအဖြစ်မစုစေနိုင်လို့ အဝလွန်ခြင်းမှ ကင်းဝေးစေပါတယ်။ လိုအပ်တဲ့လေ့ကျင့်ခန်း၊ ဂျင်ဆော့ကစားတဲ့အခါ အရမ်းပင်ပန်းအောင်မလုပ်သင့်ပါဘူး။ ကြွက်သားနာသွားရင်၊ ကြွက်သားအရွတ်၊ ဒူးအရွတ်စုတ်ပြဲရင် ကာလရှည်အနားယူရပြန်တော့ နဂိုအရွယ်အတိုင်း ပြန်ဖြစ်သွားပါတယ်။
အဆီချဆေး (Atovastin 20mg) တစ်ညတစ်လုံး ဆရာဝန်ညွှန်ကြားချက်အတိုင်း သောက်သင့်ပါတယ်။ သိပ်အလောတကြီး ဝိတ်ချတာ မပြုသင့်ပါဘူး။ တကယ်မဖြစ်ဖြစ်အောင်ချမယ်ဆိုရင်ညနေစာအတွက် အနေတော်အာလူးပြုတ်တစ်လုံး၊ ဒိန်ချဉ်တစ် ခွက်ဆိုရင် လုံလောက်ပါတယ်။ ဆေးဝါးမကူဘဲ အချိန်တိုအတွင်း ကိုယ်အလေးချိန်ကျနိုင်ပါတယ်။ လူတိုင်းသာမန်ခန္ဓာကိုယ် အချိုး အဆ BMI ၁၈.၉-၂၄.၉အတွင်းရှိနေရင်ပဲ လုံလောက်တဲ့ကျန်းမာရေး ကိုယ်ခန္ဓာအချိုးအဆဖြစ်နေလို့ ကျေနပ်သင့်ပါတယ်။ ။
ဒေါက်တာလွင်သန့်