သြစတြေးလျ၌ ကိုဗစ်-၁၉ ရောဂါကြောင့် တစ်ရက်အတွင်း သေဆုံးသူ အယောက် ၈ဝ ဖြင့်စံချိန်တင်
သြစတြေးလျနိုင်ငံ၌ ဇန်နဝါရီ ၂၁ ရက်တွင် ကိုဗစ်-၁၉ ရောဂါကြောင့် တစ်ရက်အတွင်း သေဆုံးသူအယောက် ၈ဝ ဖြင့် စံချိန်တင်ကြောင်း သိရသည်။
သို့သော် လူဦးရေ အထူထပ်ဆုံး နယူးဆောက်ဝေး ပြည်နယ်၌ ကိုဗစ်-၁၉ ရောဂါကြောင့် ဆေးရုံတက်ရောက်မှု အနည်းငယ် ကျဆင်းကြောင်း ပြည်နယ်ဝန်ကြီးချုပ် ဒိုမစ်နစ်ပီရော့တတ်က ပြောသည်။
ယခင်က ကိုဗစ်-၁၉ ရောဂါကြောင့် တစ်ရက်အတွင်း လူအသေအပျောက် အများဆုံးသည် ဇန်နဝါရီ ၁၈ ရက်တွင်ဖြစ်ပြီး သေဆုံးသူ ၇၈ ဦးရှိသည်။
ဆစ်ဒနီမြို့တည်ရှိရာ နယူးဆောက်ဝေး ပြည်နယ်၌ သေဆုံးသူ ၄၆ ဦးရှိသည်။ ၎င်းတို့အနက် ဒီဇင်ဘာလတွင် ကိုဗစ်-၁၉ ရောဂါဖြင့် သေဆုံးသော ကလေးငယ် တစ်ဦးလည်း အပါအဝင်ဖြစ်သည်။
ပြည်နယ်ဝန်ကြီးချုပ် မာ့မက်ဂိုဝမ်က ဖေဖော်ဝါရီ ၅ ရက်တွင် ပြည်နယ်ကို ပြန်လည်ဖွင့်လှစ်ပေးမည်ဟူသော ကတိပြုချက်ကို ရုပ်သိမ်းပြီးနောက် ယခုကဲ့သို့ ကိုဗစ်-၁၉ ရောဂါကြောင့် လူအများအပြား သေဆုံးသည့်သတင်း ထွက်ပေါ်လာခြင်း ဖြစ်သည်။