နယူးဒေလီ၊ ကျန်းမာရေး
အိန္ဒိယနိုင်ငံ၌ ကိုဗစ်-၁၉ ရောဂါကြောင့် သေဆုံးသူအယောက် တစ်သိန်းကျော်လာ ပြီဖြစ်ကြောင်း သိရသည်။
အောက်တိုဘာ ၃ ရက်တွင် နိုင်ငံအတွင်း ကိုဗစ်-၁၉ ရောဂါဖြစ်ပွားသူ ၇၉၄၇၆ ဦးရှိ သည့်အတွက် ထိုရောဂါ ဖြစ်ပွား သူစုစုပေါင်း ၆ ဒသမ ၄၇ သန်းကျော်လာစဉ် သေဆုံးသူ စုစုပေါင်းမှာ ၁ဝဝ၈၇၅ ဦးအထိရောက်ရှိ လာခြင်းဖြစ်ကြောင်း ကျန်းမာရေးဝန်ကြီးဌာနက ထုတ်ပြန်ထားသည်။
လာမည့်လတွင်ကျရောက်မည့် ဘာသာရေးပွဲတော် အပါအဝင် ပျော်ပွဲရွှင်ပွဲများ ကျင်းပရသည့်ရာသီနှင့် ဆောင်းရာ သီတို့ မကြာမီကျရောက် တော့မည်ဖြစ်သည့်အတွက် ကမ္ဘာပေါ်တွင် လူဦးရေဒုတိယမြောက် အများဆုံး အိန္ဒိယနိုင်ငံ၌ ကိုဗစ်-၁၉ ရောဂါ ဖြစ်ပွားသူနှင့် သေဆုံးသူအရေအတွက်မှာ ဆက်လက်မြင့်တက် လာဖွယ် ရှိကြောင်း ကျန်းမာရေးကျွမ်းကျင်သူများက သတိပေး ထားသည်။ အိန္ဒိယနိုင်ငံ၌ လူဦးရေ ၁ ဒသမ ၃ ဘီလီယံ အနက် ၇ ရာခိုင်နှုန်းခန့်သာ ကိုဗစ်-၁၉ ရောဂါဖြစ်ပွားသေးသောကြောင့် လူထုတစ်ရပ်လုံး ကိုယ်ခံအားရှိရေးအ တွက် အလှမ်းဝေး လွန်းနေသေးကြောင်းနှင့် ယခု နှစ်ကုန်တွင် ထိုရောဂါဖြစ်ပွားသူစုစုပေါင်း ၁၂ ဒသမ ၂ သန်းအထိ မြင့်တက်လာနိုင် ကြောင်း မီချီဂန်တက္ကသိုလ်မှ ပါမောက္ခ ဗြဟ္မာမူခါဂျီးကပြောသည်။ သို့သော် အိန္ဒိယနိုင်ငံ၏လူသေဆုံးမှုနှုန်း သည် လူအယောက်တစ်သိန်းလျှင် တစ်ဦးနှုန်းသာရှိသည့်အတွက် အမေရိကန်၊ ဘရာဇီး နိုင်ငံတို့နှင့်နှိုင်းယှဉ်ပါက လူသေဆုံးမှုနှုန်း နည်းပါးနေသေးကြောင်းသိရသည်။
။။။။။။။။။။။။