ဟားခါး နိုဝင်ဘာ ၁၀
ချင်းပြည်နယ် ဟားခါးမြို့၌ ရောက်ရှိနေသော ဒုတိယသမ္မတ ဦးဟင်နရီဗန်ထီးယူသည် ယနေ့နံနက် ၁၀ နာရီတွင် ဟားခါးမြို့ UPC ဘုရားကျောင်းခန်းမဆောင်သစ်ဖွင့်ပွဲ အခမ်းအနားသို့ တက်ရောက်သည်။
အခမ်းအနားတွင် မြန်မာနိုင်ငံ့ UPC အသင်းတော် ဂိုဏ်းချုပ်ဆရာတော် Rev. Dr. Ral Bual က အဖွင့်ဆုတောင်းပြီး ဒုတိယသမ္မတ ဦးဟင်နရီဗန်ထီးယူ၊ ချင်းပြည်နယ်ဝန်ကြီးချုပ် ဦးဆလိုင်းလျန်လွယ်နှင့် ပြည်နယ်အစိုးရ အဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဟန်ဝင်းအောင်တို့က UPC ဘုရားကျောင်း၏ VP Henry Van Thio ခန်းမဆောင်သစ်ကို ဖဲကြိုးဖြတ်ဖွင့်လှစ်ပေးကြသည်။
အဆိုပါ UPC ဘုရားကျောင်း၏ VP Henry Van Thio ခန်းမဆောင်ကို ၂၀၁၉-၂၀၂၀ ဘဏ္ဍာနှစ် ချင်းပြည်နယ် ဖွံ့ဖြိုးမှုကြီးကြပ်ရေးရုံး၏ ပြည်နယ်ခွင့်ပြုရန်ပုံငွေ ကျပ်သိန်း ၄၀၀ ဖြင့် ဟားခါးမြို့ UPC အသင်းတော်ကော်မတီက တာဝန်ယူကာ ဇူလိုင်လမှစတင်၍ ဆောက်လုပ်ခဲ့ပြီး အောက်တိုဘာလတွင် အဆောက်အအုံလုပ်ငန်းတစ်ခုလုံး ရာနှုန်းပြည့်ပြီးစီးခဲ့သည်။
အဆိုပါ ခန်းမဆောင်မှာ အလျား ၆၅ ပေ၊ အနံပေ ၃၀၊ အမြင့် ၂၁ ပေရှိ RC နှစ်ထပ်ဖြစ်ကြောင်း သိရသည်။