ပြည်တွင်းမှ တိရစ္ဆာန်အစာထုတ်လုပ် သည့် ကုမ္ပဏီများအနေဖြင့် အစာထုတ်လုပ်ရောင်းချရာတွင် တိရစ္ဆာန် အစာအိတ်များ၌ မြန်မာစာဖြင့် ဖော်ပြရမည့်အချက်များ ပါ၊ မပါ စစ်ဆေးခြင်းကို ဒီဇင်ဘာလတွင် စတင်မည်ဖြစ်ကြောင်း မြန်မာနိုင်ငံ မွေးမြူရေး လုပ်ငန်းအဖွဲ့ချုပ် ဒုတိယဥက္ကဋ္ဌ (၁) ဒေါက်တာကျော်ထင်၏ ပြောဆိုချက်အရ သိရသည်။
တိရစ္ဆာန်အစာအိတ်တွေမှာ ဖော်ပြရမယ့် အချက်တွေမှာ မြန်မာစာနဲ့ ဖော်ပြမယ့် အချက်တွေပါရမယ်။ ဥပမာ- အစာတစ်မျိုး ဆိုရင် အစာရဲ့ Logo၊ ကုတ်နံပါတ်တွေ ကို မြန်မာလိုဖော်ပြစရာမလိုဘူး။ အသားတိုး ကြက်စာဆိုရင် အသားတိုး ကြက်စာ အဲဒီလိုဖော်ပြထားဖို့လိုတယ်။ ပါဝင်မှုကိုလည်း ဖော်ပြဖို့လိုတယ်။ ဥပမာ-ပရိုတင်းက ဘယ်လောက်၊ ကာဗိုဟိုက်ဒြိတ်က ဘယ်လောက်၊ နောက်ပြီး သက်တမ်းကုန်ဆုံးရက်ကိုလည်း ဖော်ပြဖို့လိုတယ်။ ဒါ့ပြင် ပဋိဇီဝဆေး ထည့်ထားတယ်ဆိုရင် ဖော်ပြပေးဖို့လိုတယ် ဟု ဒေါက်တာ ကျော်ထင်ကပြောသည်။
ပြည်တွင်း မွေးမြူရေးလုပ်ငန်းများအတွက် တိရစ္ဆာန်အစာအများစုကို ပြည်တွင်း၌သာ ထုတ်လုပ်ပြီး အစာထုတ် လုပ်ရန် ကုန်ကြမ်းကို ပြည်ပနိုင်ငံများမှ တင်သွင်းကြောင်း သိရသည်။
ဆုလာဘ်