ကရင်ပြည်နယ် ဘားအံခရိုင် ရှမ်းရွာသစ်မြို့စည်ပင်သာယာရေးအဖွဲ့မှ နှစ်စဉ်ခွင့်ပြုရန်ပုံငွေများဖြင့် မြို့သန့်ရှင်း သာယာလှပစေရေးအတွက် မြို့တွင်းရပ်ကွက်များတွင် ရေစီးရေလာကောင်းမွန်စေရေး ရေမြောင်းများ တူးဖော်ခြင်း၊ အများပြည်သူသွားလာမှု လွယ်ကူအဆင်ပြေစေရေးအတွက် လမ်းနှင့်တံတားများကို ဘဏ္ဍာနှစ်အလိုက် အကောင်အထည်ဖော် ဆောင်ရွက်လျက်ရှိသည်။
ထိုသို့ မြို့သာယာလှပဖွံ့ဖြိုးတိုးတက်ရေးအတွက် အကောင်အထည်ဖော် ဆောင်ရွက်လျက်ရှိရာ ၂၀၂၀-၂၀၂၁ ဘဏ္ဍာနှစ်
ခွင့်ပြုရန်ပုံငွေဖြင့် အမှတ်(၂)ရပ်ကွက်ရှိ ဇီဇဝါလမ်း အုတ်စီရေမြောင်းခင်းခြင်း လုပ်ငန်းကို နိုဝင်ဘာဒုတိယပတ်မှစ၍ ဆောင်ရွက်လျက်ရှိသည်။
အဆိုပါ အုတ်စီရေမြောင်းခင်းခြင်းလုပ်ငန်းတွင် မြို့စည်ပင်သာယာရေးအဖွဲ့မှ သတ်မှတ်စံချိန်စံညွှန်းပြည့်မီရေးအတွက် အနီးကပ် ကြီးကြပ်မှုဖြင့် အရှည်ပေ ၆၄၀၊ အကျယ်၂ ပေနှင့် ထု ၂ ပေဖြစ်ပြီး ခွင့်ပြုရန်ပုံငွေကျပ် ၁၂ ဒသမ ၄ သန်းဖြင့် ဆောင်ရွက်လျက်ရှိကြောင်း မြို့စည်ပင်သာယာရေး အဖွဲ့မှ သိရသည်။
ဇင်လေး