မြစ်ကြီးနားမြို့ ဆမားဒူဝါဆင်ဝါးနော် ခန်းမ၌ နိုင်ငံ့ဝန်ထမ်းများနှင့် ပြည်သူလူထုအား ကိုဗစ်-၁၉ ရောဂါ ထပ်ဆောင်းကာကွယ်ဆေး ထိုးနှံခြင်း အစီအစဉ်ကို ပြည်ထောင်စုဝန်ကြီး ဒေါက်တာသက်ခိုင်ဝင်း ကြည့်ရှုအားပေး
နေပြည်တော် ဇန်နဝါရီ ၁၁
ကျန်းမာရေးဝန်ကြီးဌာန ပြည်သူ့ကျန်းမာရေးဦးစီးဌာန တိုးချဲ့ကာကွယ်ဆေးထိုး လုပ်ငန်းသည် ကိုဗစ်-၁၉ ရောဂါဗီဇပြောင်း မျိုးကွဲများကြောင့် ရောဂါကူးစက်မှု ကာကွယ်နိုင်ရန် ရည်ရွယ်၍ ပြည်သူလူထုအား ကိုဗစ်-၁၉ ရောဂါထပ်ဆောင်း ကာကွယ်ဆေးများကို ထပ်ဆောင်း ထိုးနှံပေးလျက်ရှိရာ ယနေ့နံနက် ၈ နာရီတွင် ကျန်းမာရေး ဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းသည် ကုသရေးဦးစီးဌာန ညွှန်ကြားရေးမှူးချုပ်၊ ကချင်ပြည်နယ် ပြည်သူ့ကျန်းမာရေးနှင့် ကုသရေးဦးစီးဌာနမှူးတို့ လိုက်ပါ၍ မြစ်ကြီးနားမြို့ ဆမားဒူဝါဆင်ဝါးနော် ခန်းမ၌ မြစ်ကြီးနားမြို့ရှိ နိုင်ငံ့ဝန်ထမ်းများနှင့် ပြည်သူလူထုကို ကိုဗစ်-၁၉ ရောဂါ ထပ်ဆောင်း ကာကွယ်ဆေး ထိုးနှံပေးခြင်း အစီအစဉ်ကို သွားရောက် ကြည့်ရှုအားပေးသည်။
ဦးစွာ ဆမားဒူဝါဆင်ဝါးနော် ခန်းမ၌ ပြည်ထောင်စုဝန်ကြီးသည် တာဝန်ရှိသူများနှင့်အတူ မြစ်ကြီးနားမြို့ရှိ ပြည်နယ်၊ ခရိုင်၊ မြို့နယ်များမှ နိုင်ငံ့ဝန်ထမ်း ၁၅၂ ဦး၊ ကိုယ်ဝန်ဆောင်မိခင် ၃၀ ဦးတို့အား ကိုဗစ်-၁၉ ရောဂါ ကာကွယ်ဆေး ထိုးနှံပေးနေမှုကို ကြည့်ရှုအားပေးသည်။
ဆက်လက်၍ ကိုဗစ်-၁၉ ရောဂါ ကူးစက်နိုင်ခြေများသည့် ကျန်းမာရေး ဝန်ထမ်းများ၊ အသက် ၆၅ နှစ် အထက်ရှိသူများ၊ အသက် ၁၈ နှစ်နှင့်အထက် နာတာရှည် ရောဂါရှိသူများနှင့် ကိုယ်ခံအားကျဆင်းသည့် ရောဂါရှိသူများ၊ ကိုယ်ဝန်ဆောင် မိခင်များကို ဦးတည်အုပ်စုများ အဖြစ် သတ်မှတ်၍ ဦးစားပေး အစီအစဉ်အလိုက် ကိုဗစ်-၁၉ ရောဂါ ထပ်ဆောင်း ကာကွယ်ဆေး ထိုးနှံရန်အတွက် အသေးစိတ် မှာကြားခဲ့ကြောင်း သိရသည်။