အာဆင်နယ်အသင်းကို ဂိုးပြတ်ရှုံးနိမ့်ပြီးနောက် ဝက်စ်ဟမ်းအသင်း ၁၉၆၃ ခုနှစ်နောက်ပိုင်း အိမ်ကွင်း၌ ဂိုးပြတ်ရှုံးနိမ့်သည့် မှတ်တမ်းဆိုးပြန်လည်ရရှိ
လန်ဒန်ဒါဘီပွဲစဉ်အဖြစ် ဝက်စ်ဟမ်းအသင်းနှင့် အာဆင်နယ်အသင်းတို့ ကစားသည့်ပွဲစဉ်တွင် ဝက်စ် ဟမ်းအသင်းက ၆ ဂိုး - ဂိုးမရှိဖြင့် ရှုံးနိမ့်ခဲ့သည့် အတွက် ၁၉၆၃ ခုနှစ်နောက်ပိုင်း အိမ်ကွင်း၌ ဂိုးပြတ် ရှုံးနိမ့်သည့် မှတ်တမ်းဆိုးတစ်ရပ် ပြန်လည်ရရှိခဲ့ကြောင်း သိရသည်။
ဝက်စ်ဟမ်းအသင်းသည် အသင်းသမိုင်းတစ်လျှောက် ၁၉၆၃ ခုနှစ် ဒီဇင်ဘာလအတွင်း ဘလက် ဘန်းအသင်းကို အိမ်ကွင်း၌ လက်ခံကစားရာတွင် ၈ ဂိုး- ၂ ဂိုးဖြင့် ဂိုးပြတ်ရှုံးနိမ့်ခဲ့ပြီးနောက်ပိုင်း အိမ် ကွင်း၌ ပြိုင်ဘက်အသင်းကို ဂိုးပြတ်ရှုံးနိမ့်ခြင်း မရှိခဲ့ဘဲ ယခုဘောလုံးရာသီမှသာ အာဆင်နယ်အသင်း ကို ၆ ဂိုး - ဂိုးမရှိဖြင့် ဂိုးပြတ်ရှုံးနိမ့်ခဲ့သည့်အတွက် အိမ်ကွင်း၌ ဒုတိယအကြိမ်ဂိုးပြတ်ရှုံးနိမ့်သည့် မှတ်တမ်းဆိုး တစ်ရပ်ကို ပြန်လည်ရရှိခြင်း ဖြစ်သည်။
အလားတူ ဝက်စ်ဟမ်းအသင်းနည်းပြ ဒေးဗစ် မိုယက်စ်သည်လည်း ၎င်း၏ပရီးမီးယားလိဂ်ပြိုင်ပွဲ နည်းပြ သက်တမ်းတစ်လျှောက် အိမ်ကွင်း၌ ဒုတိယမြောက် ခြောက်ဂိုးနှင့်အထက်ရှုံးနိမ့်သည့်မှတ်တမ်း တစ်ရပ်ရရှိခဲ့ပြီး ပထမပွဲစဉ်ကလည်း အဲဗာတန်အသင်းကို တာဝန်ယူ ကိုင်တွယ်ခဲ့စဉ်က အာဆင်နယ်အသင်း ကိုပင် ၆ ဂိုး- ၁ ဂိုးဖြင့် ရှုံးနိမ့်ခဲ့ခြင်း ဖြစ်သည်။
အာဆင်နယ်အသင်းသည် ယခုပွဲစဉ်အနိုင်ရရှိမှုကြောင့် ၂၀၀၉ ခုနှစ်နောက်ပိုင်း ပြိုင်ဘက်အသင်းကို ဂိုးအပြတ်ဆုံးနိုင်ပွဲ ပြန်လည်ရရှိခဲ့ကြောင်း သိရသည်။
Ref;ESPN