MFF AYA Pay Futsal League ပြိုင်ပွဲ ပွဲစဉ်(၁၄)ပွဲစဉ်များ ဆက်လက် ယှဉ်ပြိုင်ကစား
ရန်ကုန် ဖေဖော်ဝါရီ ၂၀
မြန်မာနိုင်ငံဘောလုံးအဖွဲ့ချုပ် မြန်မာနိုင်ငံဖူဆယ်နှင့် သဲသောင်ပြင် ကော်မတီက ကြီးမှူး ကျင်းပလျက်ရှိသည့် MFF AYA Pay Futsal Leagueပြိုင်ပွဲ ပွဲစဉ်(၁၄)ပွဲစဉ်များကို ယနေ့နံနက် ၈ နာရီမှစတင်ပြီး ရန်ကုန်မြို့ရှိ MFF Futsal Stadium တွင် ကျင်းပခဲ့ကြောင်းသိရသည်။
MFF AYA Pay Futsal League ပြိုင်ပွဲ ပွဲစဉ်(၁၄)ပွဲစဉ်များအဖြစ် နံနက် ၈ နာရီတွင် Dream Team FC အသင်းနှင့် Linn Latt FCအသင်းတို့ ယှဉ်ပြိုင်ကစား Dream Team FC အသင်းက ၆ ဂိုး ၃ ဂိုးဖြင့်လည်းကောင်း၊ နံနက် ၉ နာရီ ၄၅ မိနစ်တွင် MIU FC အသင်းနှင့် Let Wel Thone Nara အသင်းတို့ ယှဉ်ပြိုင် ကစားခဲ့ရာ MIU FC အသင်းက ၉ ဂိုး ဂိုးမရှိဖြင့် လည်းကောင်း၊ နံနက် ၁၁ နာရီခွဲ တွင် VUC FC အသင်းနှင့် Futsal Chit Thu အသင်းတို့ ယှဉ်ပြိုင်ကစားခဲ့ရာ VUC FC အသင်းက ၇ ဂိုး ဂိုးမရှိဖြင့် လည်းကောင်း အသီးသီးအနိုင် ရရှိခဲ့သည်။
ဆက်လက်ပြီး မွန်းလွဲ ၁ နာရီ ၁၅ မိနစ် တွင် Winner Soccer FC အသင်းနှင့် M2K FC အသင်းတို့ ယှဉ်ပြိုင်ကစားခဲ့ရာ M2K FC အသင်းက ၅ ဂိုး ၂ ဂိုးဖြင့် လည်းကောင်း၊ ညနေ ၃နာရီတွင် Generations FC အသင်းနှင့် Futsal 19 FC အသင်းတို့ ယှဉ်ပြိုင်ကစားခဲ့ရာ Generations FC အသင်းက ၆ ဂိုး ၄ ဂိုးဖြင့် လည်းကောင်း အသီးသီး အနိုင်ရရှိခဲ့ကြသည်။
MFF AYA Pay Futsal League ပြိုင်ပွဲ ပွဲစဉ်(၁၄)ပွဲစဉ်များ အပြီးတွင် VUC FC အသင်းက ပွဲစဉ်အားလုံး ရာနှုန်းပြည့် နိုင်ပွဲရယူထားပြီး ရမှတ် ၄၂ မှတ်ဖြင့် အမှတ် ပေးဇယားထိပ်ဆုံးတွင် ရပ်တည်လျက် ရှိနေကြောင်း သိရသည်။