MFF AYA Pay Futsal League ပြိုင်ပွဲ ပွဲစဉ်(၁၆)ပွဲစဉ်များ ဆက်လက်ယှဉ်ပြိုင် ကစား
ရန်ကုန် ဖေဖော်ဝါရီ ၂၇
မြန်မာနိုင်ငံဘောလုံး အဖွဲ့ချုပ် မြန်မာနိုင်ငံ ဖူဆယ်နှင့် သဲသောင်ပြင်ကော်မတီက ကြီးမှူး ကျင်းပလျက်ရှိသည့် MFF AYA Pay Futsal League ပြိုင်ပွဲ ပွဲစဉ်(၁၆)ပွဲစဉ်များကို ယနေ့နံနက် ၈ နာရီမှ စတင်ပြီး ရန်ကုန်မြို့ရှိ MFF Futsal Stadium ၌ ကျင်းပခဲ့ကြောင်း သိရသည်။
MFF AYA Pay Futsal League ပြိုင်ပွဲ ပွဲစဉ်(၁၆)ပွဲစဉ်များအဖြစ် နံနက် ၈ နာရီတွင် VUC FC အသင်းနှင့် Winner Soccer FC အသင်းတို့ ယှဉ်ပြိုင်ကစားခဲ့ရာ VUC FC အသင်းက ၅ ဂိုး ၁ ဂိုးဖြင့် လည်းကောင်း၊ နံနက် ၉ နာရီ ၄၅ မိနစ်တွင် Generations FC အသင်းနှင့် Futsal Chit Thu အသင်းတို့ ယှဉ်ပြိုင်ကစားခဲ့ရာ Futsal Chit Thu အသင်းက ၃ ဂိုး ၂ ဂိုးဖြင့် လည်းကောင်း၊ နံနက် ၁၁ နာရီခွဲတွင် Dream Team FC အသင်းနှင့် M2K FC အသင်းတို့ ယှဉ်ပြိုင်ကစားခဲ့ရာ Dream Team FC အသင်းက ၄ ဂိုး ၂ ဂိုးဖြင့် လည်းကောင်း အသီးသီး အနိုင်ရရှိခဲ့ကြသည်။
ဆက်လက်ပြီး မွန်းလွဲ ၁ နာရီ ၁၅ မိနစ်တွင် MIU FC အသင်းနှင့် Futsal 19 FCအသင်းတို့ ယှဉ်ပြိုင်ကစားခဲ့ကြရာ MIU FC အသင်းက ၂ ဂိုး ၁ ဂိုးဖြင့်လည်းကောင်း၊ ညနေ ၃ နာရီတွင် Let Wel Thone Nara အသင်းနှင့် Linn Latt FC အသင်းတို့ ယှဉ်ပြိုင်ကစားခဲ့ရာ Linn Latt FC အသင်းက ၉ ဂိုး ၁ ဂိုးဖြင့် လည်းကောင်း အသီးသီး အနိုင်ရရှိခဲ့ကြသည်။
MFF AYA Pay Futsal League ပြိုင်ပွဲ ပွဲစဉ်(၁၆)ပွဲစဉ်များ အပြီးတွင် VUC FC အသင်းက ပွဲစဉ်အားလုံး အနိုင်ရရှိထားပြီး ရမှတ် ၄၈ မှတ်ဖြင့် အမှတ်ပေးဇယား ထိပ်ဆုံးတွင် ရပ်တည်လျက်ရှိနေကြောင်း သိရသည်။