ပခုက္ကူတက္ကသိုလ်၌ နေ့သင်တန်း (၁၉)ကြိမ်မြောက် ဘွဲ့နှင်းသဘင်နှင့် အဝေးသင်(ဒုတိယအကြိမ်မြောက်) ဘွဲ့နှင်းသဘင် အခမ်းအနား ကျင်းပ
ပခုက္ကူ မတ် ၁
ပညာရေးဝန်ကြီးဌာန အဆင့်မြင့်ပညာ ဦးစီးဌာန ပခုက္ကူတက္ကသိုလ်၏ ၂၀၂၂- ၂၀၂၃ ပညာသင်နှစ် နေ့သင်တန်း(၁၉) ကြိမ်မြောက် ဘွဲ့နှင်းသဘင်နှင့် အဝေးသင် (ဒုတိယအကြိမ်မြောက်) ဘွဲ့နှင်းသဘင် အခမ်းအနားကို ဖေဖော်ဝါရီလ ၂၉ ရက် က ပခုက္ကူမြို့ရှိ အဆိုပါ တက္ကသိုလ်ဘွဲ့နှင်း သဘင်ခန်းမ၌ ကျင်းပသည်။
အခမ်းအနား၌ ပခုက္ကူတက္ကသိုလ်၏ ၂၀၂၂-၂၀၂၃ ပညာသင်နှစ်တွင် ကျင်းပခဲ့သော နေ့သင်တန်း စာမေးပွဲများ၌ ဖြေဆို အောင်မြင်ခဲ့ကြသည့် ဘွဲ့ရမောင်/မယ် ၁၆၅ ဦးနှင့် အဝေးသင်ဘွဲ့ရမောင်/မယ် ၁၁၂ ဦးတို့အား ခေတ္တပါမောက္ခချုပ် ဒေါက်တာတင်ထွန်းအောင်က ဘွဲ့များ အသီးသီး အပ်နှင်းသည်။
ပခုက္ကူတက္ကသိုလ် အနေဖြင့် နိုင်ငံတော် ဖွံ့ဖြိုးတိုးတက်ရေး ကဏ္ဍတွင် ပါဝင်ဆောင် ရွက်နိုင်မည့် လူ့စွမ်းအား အရင်းအမြစ်ကောင်းများ ပေါ်ထွက်လာစေရန် ဘွဲ့ရ လူငယ်မောင်/မယ်များကို နှစ်စဉ်ပညာ သင်ကြား မွေးထုတ်ပေးလျက်ရှိပြီး လက်ရှိ ပညာသင်နှစ်အထိ ဝိဇ္ဇာ၊ သိပ္ပံဘွဲ့ ၁၆၅၄၂ ဦး၊ ဝိဇ္ဇာ၊ သိပ္ပံဂုဏ်ထူးဘွဲ့ ၂၂၂၆ ဦး၊ မဟာဝိဇ္ဇာ၊ သိပ္ပံဘွဲ့ ၂၁၂၈ ဦး၊ မဟာသုတေသနဘွဲ့ ၁၂၈ ဦး စုစုပေါင်းနေ့ သင်တန်းဘွဲ့ရမောင်/ မယ် ၂၁၀၂၄ ဦး၊ အဝေးသင်သင်တန်းဝိဇ္ဇာ၊ သိပ္ပံဘွဲ့ ၄၀၆၇၅ ဦး၊ ဥပဒေပညာဘွဲ့ ၁၁၆၅ ဦး၊ စီးပွားရေး ပညာပေါင်းစပ်ဘွဲ့ ၄၃၆၄ ဦး စုစုပေါင်း ဘွဲ့ရမောင်/မယ် ၄၆၂၀၄ ဦး အောင်မြင် စွာ မွေးထုတ်ပေးနိုင်ခဲ့ပြီးဖြစ်ကြောင်း သိရသည်။