ရုရှားဖက်ဒရေးရှင်းနိုင်ငံ Rosatom ၏ ညွှန်ကြားရေးမှူးချုပ် Mr. Alexey Likhachev နှင့် ပြည်ထောင်စုဝန်ကြီး ဦးဉာဏ်ထွန်းနှင့် ဒေါက်တာမျိုးသိန်းကျော်တို့ ဦးဆောင်သည့် မြန်မာကိုယ်စားလှယ်အဖွဲ့ တွေ့ဆုံဆွေးနွေး

ရုရှားဖက်ဒရေးရှင်းနိုင်ငံ Rosatom ၏ ညွှန်ကြားရေးမှူးချုပ် Mr. Alexey Likhachev နှင့် ပြည်ထောင်စုဝန်ကြီး ဦးဉာဏ်ထွန်းနှင့် ဒေါက်တာမျိုးသိန်းကျော်တို့ ဦးဆောင်သည့် မြန်မာကိုယ်စားလှယ်အဖွဲ့ တွေ့ဆုံဆွေးနွေး

နေပြည်တော်   မတ်   ၂၇

    ရုရှားဖက်ဒရေးရှင်းနိုင်ငံ၌   ရောက်ရှိနေသည့်  လျှပ်စစ်စွမ်းအားဝန်ကြီးဌာန၊ ပြည်ထောင်စုဝန်ကြီး ဦးဉာဏ်ထွန်းသည် မတ်လ ၂၆ ရက်တွင် ရုရှားဖက်ဒရေးရှင်းနိုင်ငံ  Sochi မြို့၌  ကျင်းပသည့် (၁၃)ကြိမ်မြောက် နျူကလီးယား နည်းပညာ  အခြေခံသည့် ဆန်းသစ်တီထွင်မှုဖိုရမ်(၂၀၂၄) (XIII International Forum ATOMEXPO 2024) ဒုတိယနေ့ အခမ်းအနားသို့ တက်ရောက်ခဲ့သည်။

ထို့နောက် ပြည်ထောင်စုဝန်ကြီးသည် (၁၃)ကြိမ်မြောက် နျူကလီးယားနည်းပညာ အခြေခံသည့်  ဆန်းသစ်တီထွင်မှုဖိုရမ်(၂၀၂၄) ၏ ခန်းမ ၆ ၌ ပြုလုပ်သော မျက်နှာစုံညီ အစည်းအဝေး (Plenary Session) တွင်  “SMR  Opportunities  and Challenges” ခေါင်းစဉ်ဖြင့် ဆွေးနွေးမှုများသို့ တက်ရောက်ခဲ့သည်။

မွန်းလွဲပိုင်းတွင် ပြည်ထောင်စုဝန်ကြီး ဦးÓဏ်ထွန်းနှင့် ပြည်ထောင်စုဝန်ကြီး ဒေါက်တာမျိုးသိန်းကျော်တို့ ဦးဆောင်သော မြန်မာကိုယ်စားလှယ် အဖွဲ့သည် ရုရှား ဖက်ဒရေးရှင်းနိုင်ငံဆိုင်ရာ   မြန်မာသံအမတ်ကြီး ဦးသစ်လင်းအုန်း၊ တာဝန်ရှိသူများနှင့် အတူ Rosatom ၏ ညွှန်ကြားရေးမှူးချုပ် Mr. Alexey Likhachev နှင့် မြန်မာနိုင်ငံအတွင်း  ဆောင်ရွက်နေသော လေအား၊ ရေအား လျှပ်စစ်ဓာတ်အားပေး စက်ရုံများနှင့် အပူစွမ်းအင်သုံး ဓာတ်အားပေးစက်ရုံ ဆောင်ရွက်နေမှုများကို ဆွေးနွေးခဲ့ကြသည်။

ထို့နောက် ပြည်ထောင်စုဝန်ကြီးများသည် မျက်နှာစုံညီ အစည်းအဝေး  (Plenary Session)  “Nuclear Infrastructure:nuclear  project  drivers” သို့ တက်ရောက်ခဲ့ကြကြောင်း သိရသည်။