တွံတေးမြို့နယ် လူထုအခြေပြု ဗဟိုဌာန၌ နွေရာသီ အခြေခံပုံ ရေးဆွဲနည်း သင်တန်းဖွင့်ပွဲ ကျင်းပ
ရန်ကုန်တိုင်းဒေသကြီး တွံတေးခရိုင် တွံတေးမြို့နယ် ပြန်ကြားရေးနှင့်ပြည်သူ့ ဆက်ဆံရေး ဦးစီးဌာနမှ ကလေးငယ်များ နွေရာသီကျောင်းပိတ်ရက် အားလပ်ချိန် အတွင်း အသိပညာဗဟုသုတ ရရှိစေရန်နှင့် အခြေခံပုံ ရေးဆွဲနည်းများကို တတ်မြောက်ပြီး ကျောင်းစာတွင် အသုံးချတတ်စေရန် ရည်ရွယ်၍ ဧပြီလ ၈ ရက်က မြို့နယ် ပြည်သူ့စာကြည့်တိုက်ရှိ လူထုအခြေပြု ဗဟိုဌာန (Community Centre) ၌ နွေရာသီ အခြေခံပုံရေးဆွဲနည်း သင်တန်း ဖွင့်ပွဲ ကျင်းပသည်။
အဆိုပါသင်တန်းဖွင့်ပွဲတွင် မြို့နယ်ပြန် ကြားရေးနှင့် ပြည်သူ့ဆက်ဆံရေး ဦးစီးဌာန ဒုတိယဦးစီးမှူး ဒေါ်ဖြူဖြူဝင်းက သင်တန်း ဖွင့်လှစ်ရသည့် ရည်ရွယ်ချက်ကို ပြောကြားပြီး သင်တန်းနည်းပြ ဦးဝင်းထွဋ်က ကျောင်းသား၊ ကျောင်းသူများအား အခြေခံ ပုံရေးဆွဲနည်းပညာ၊ မျဉ်းဖြောင့်၊ မျဉ်းကွေး ၏ သဘောသဘာဝများ၊ အခြေခံပုံရေးဆွဲ ရာတွင် လိုက်နာရမည့် အချက်များကိုပြောကြားကာ ပုံရေးဆွဲနည်းကို သင်ကြားပေး သည်။
ယင်းသင်တန်းသို့ သင်တန်းသား၊ သင် တန်းသူ ၁၈ ဦး တက်ရောက်လျက်ရှိပြီး သင်တန်းကို ဧပြီလ ၈ ရက်မှ ၁၂ ရက် အထိ နေ့စဉ်ဖွင့်လှစ်သင်ကြား ပေးလျက်ရှိကြောင်း သိရသည်။