ချောင်းဦးမြို့နယ်၌ ပြီးခဲ့သည့် ဆောင်းသီးနှံ စိုက်ပျိုးရာသီက စိုက်ပျိုးထားသော ဆီထွက်သီးနှံဧက ၂၀၀၀၀ ကျော် ရိတ်သိမ်းပြီးစီး

 

ချောင်းဦးမြို့နယ်၌ ပြီးခဲ့သည့် ဆောင်းသီးနှံ စိုက်ပျိုးရာသီက စိုက်ပျိုးထားသော ဆီထွက်သီးနှံဧက ၂၀၀၀၀ ကျော် ရိတ်သိမ်းပြီးစီး

 

ချောင်းဦး  ဧပြီ  ၂၀

စစ်ကိုင်းတိုင်းဒေသကြီး   မုံရွာခရိုင် ချောင်းဦးမြို့နယ်၌ ပြီးခဲ့သည့်ဆောင်းသီးနှံ စိုက်ပျိုးရာသီက စိုက်ပျိုးထားသော ဆီထွက် သီးနှံဧက  ၂၀၀၀၀  ကျော် ရိတ်သိမ်း ပြီးစီးပြီဖြစ်ကြောင်း   ချောင်းဦးမြို့နယ် စိုက်ပျိုးရေး ဦးစီးဌာန၏ စာရင်းများအရ  သိရသည်။

ချောင်းဦးမြို့နယ်၌ ပြီးခဲ့သည့် ဆောင်းသီးနှံ စိုက်ပျိုးရာသီက စိုက်ပျိုးထားသော ဆီထွက်သီးနှံစိုက်ခင်းများကို   ယခုနှစ် ဖေဖော်ဝါရီလမှ စတင်ရိတ်သိမ်းခဲ့ကြရာ လက်ရှိအချိန်ထိ ၂၄၀၀၁ ဧကရိတ်သိမ်း ပြီးစီးနေပြီဖြစ်သည်။

ချောင်းဦးမြို့နယ်၌    ဆီထွက်သီးနှံ အလိုက် ရိတ်သိမ်းပြီးစီးမှု အနေဖြင့် မြေပဲ ၅၉၀၄ ဧကရိတ်သိမ်းခဲ့ရာ တစ်ဧကလျှင် ၆၂ ဒသမ ၈၅ တင်း၊ နှမ်း ၁၅၂၅၇ ဧက ရိတ်သိမ်းခဲ့ရာ တစ်ဧကလျှင် ၁၂ ဒသမ ၇၅ တင်း၊ နေကြာ ဧက၂၈၄၀ ရိတ်သိမ်းခဲ့ရာ တစ်ဧကလျှင် ၂၆ ဒသမ ၈၅ တင်းခန့်  ထွက်ရှိကြောင်း သိရသည်။

ပြီးခဲ့သည့် ဆောင်းသီးနှံစိုက်ပျိုးရာသီ က  ချောင်းဦးမြို့နယ်၌  ဆီထွက်သီးနှံ ဧက ၂၄၂၀၂ ဧကစိုက်ပျိုးရန် လျာထားပြီး  ၂၀၂၃  ခုနှစ်  အောက်တိုဘာလမှ   ဒီဇင်ဘာလအထိ စိုက်ပျိုးကြခဲ့ရာ ၂၄၀၀၁ ဧက စိုက်ပျိုးနိုင်ခဲ့ကြောင်း သိရသည်။

ချောင်းဦးမြို့နယ်၌ ဆီထွက်သီးနှံ စိုက်ပျိုးတောင်သူများကို မြို့နယ်စိုက်ပျိုးရေး ဦးစီးဌာနအနေဖြင့် မျိုးကောင်းမျိုးသန့်များ စိုက်ပျိုးရန်၊   သီးထပ်သီးညှပ်များဖြင့်  ဆီထွက်သီးနှံများ  စိုက်ပျိုးထုတ်လုပ်ရန်  တောင်သူနည်းပညာပေး လုပ်ငန်းများ  ဆောင်ရွက်ပေးခဲ့ကြောင်း သိရသည်။