ချယ်လ်ဆီးအသင်းက စပို့တင်းလစ္စဘွန်း အသင်းနည်းပြ အမိုရင်ကို နည်းပြသစ် ခန့်အပ်ရန် ဆွေးနွေးမှုများ ပြုလုပ်လျက်ရှိ

 

ချယ်လ်ဆီးအသင်းက စပို့တင်းလစ္စဘွန်း အသင်းနည်းပြ အမိုရင်ကို နည်းပြသစ် ခန့်အပ်ရန်  ဆွေးနွေးမှုများ ပြုလုပ်လျက်ရှိ

 

    ချယ်လ်ဆီးအသင်းပိုင်ရှင်   တော့ဘိုလီက  ယခု ဘောလုံးရာသီအကုန်တွင်    နည်းပြအပြောင်းအလဲ ပြုလုပ်ရန် ပြင်ဆင်လျက်ရှိပြီး လက်ရှိ နည်းပြ ပိုချက်တီနိုနှင့် လမ်းခွဲကာ  နည်းပြသစ်အဖြစ်  စပို့တင်းလစ္စဘွန်း အသင်းနည်းပြ  အမိုရင်ကို   ခန့်အပ်ရန် ဆွေးနွေးမှုများ ပြုလုပ်လျက်ရှိကြောင်း သိရသည်။

ချယ်လ်ဆီးအသင်းသည်   နည်းပြပိုချက်တီနိုကို ယခုဘောလုံးရာသီတွင် ခန့်အပ်ခဲ့ပြီး  အသင်းပိုင်ရှင် တော့ဘိုလီက ပြီးခဲ့သည့် နွေရာသီကစားသမား အပြောင်းအရွှေ့ကာလတွင် ပြောင်းရွှေ့ကြေးအသုံး စရိတ်အများအပြား အသုံးပြုကာ ကစားသမားများကို ခေါ်ယူခဲ့သော်လည်း   နည်းပြပိုချက်တီနိုအနေဖြင့် ရလဒ်ကောင်းများ ရရှိအောင် စွမ်းဆောင်ပေးနိုင်ခြင်း မရှိသည့်အတွက်   ရာထူးမှထုတ်ပယ်ရန် ပြင်ဆင်နေ ခြင်းဖြစ်သည်။

ချယ်လ်ဆီးအသင်းသည် ပြောင်းရွှေ့ကြေးအများအပြား အသုံးပြုကာ   ကစားသမားသစ်များ ခေါ်ယူအင်အားဖြည့်တင်း ထားသော်လည်း ယခုဘောလုံးရာသီ နည်းပြပိုချက်တီနိုလက်အောက်တွင် ဆုဖလားလက်မဲ့ရာသီအပြင် ဥရောပဝင်ခွင့်များနှင့်ပါ လွဲချော်ရန်နီးစပ်နေသည့် အတွက် အသင်းပိုင်ရှင် တော့ဘိုလီက နည်းပြအပြောင်းအလဲ လုပ်ဆောင်လိုနေပြီး နည်းပြသစ်အဖြစ် အမိုရင်ကို ခန့်အပ်ရန် ကြိုးပမ်းနေခြင်းဖြစ်သည်။

နည်းပြအမိုရင်သည်  ၂၀၂၁ ခုနှစ်က စပို့တင်းလစ္စဘွန်း အသင်းကို စတင်တာဝန်ယူကိုင်တွယ်ခဲ့ပြီး အသင်းကို   ဥရောပထိပ်တန်း အသင်းတစ်သင်းဖြစ်အောင် ဆက်လက် တည်ဆောက်နိုင်ခဲ့သည့်အတွက် ချယ်လ်ဆီးအသင်းက နည်းပြသစ်ခန့်အပ် လိုနေခြင်းဖြစ်သည်။

အစောပိုင်းက နည်းပြအမိုရင်ကို လီဗာပူးအသင်း ကခန့်အပ်ရန်ကြိုးပမ်းခဲ့သော်လည်း နည်းပြအမိုရင် ကိုယ်တိုင်က ငြင်းဆန်ခဲ့ပြီး လက်ရှိတွင် ချယ်လ်ဆီးအသင်းနှင့်    ဆွေးနွေးမှုများ စတင်လုပ်ဆောင်နေကြောင်း သိရသည်။