SJ WorldNews - шаблон joomla Авто

လာလီဂါကြယ်ပွင့်များကို ပစ်မှတ်ထားသော ဓားပြဂိုဏ်းသားလေးဦးကို ဖမ်းဆီး

Saturday, 19 October 2019 13:32 font size decrease font size decrease font size increase font size increase font size

လာလီဂါကြယ်ပွင့်  ကစားသမားများကို ပစ်မှတ်ထားကာ ကစားသမားများ ပွဲကစား နေချိန်တွင်   နေအိမ်များကို  ဝင်ရောက်ဖောက်ထွင်းသော ဓားပြလေးဦးအား စပိန်ရဲတပ်ဖွဲ့က   အောက်တိုဘာ  ၁၇ ရက်က ဖမ်းဆီးနိုင်ခဲ့ကြောင်း သိရသည်။

မကြာသေးမီရက်ပိုင်းက    လာလီဂါ ကြယ်ပွင့်ကစားသမားများဖြစ်သော   အက်သလက်တီကိုမှ    ကွင်းလယ် ကစားသမား သောမတ်စ်မာတေး၊  ရီးယဲလ်မှ အစ္စကိုနှင့် ကက်စီမိုင်ရိုတို့၏ နေအိမ်များကို  ဝင်ရောက် ဖောက်ထွင်း ခိုးယူမှုများ   ရှိခဲ့သည့်အတွက် ရဲတပ်ဖွဲ့က လိုက်လံစုံစမ်းနေရာ နောက်ဆုံးတွင် အယ်လ်ဘေးနီးယား နိုင်ငံသားလေးဦးကို  ခိုးရာပါပစ္စည်းများနှင့်အတူ ဖမ်းမိခဲ့ကြောင်း သိရသည်။ ဖမ်းဆီးရမိမှုများထဲတွင်  အဖိုးတန်လက်ဝတ်ရတနာများ၊ ငွေသား ယူရို ၁ဝဝဝဝ နှင့် သောမတ်စ်မာတေး၏ ပတ်စ်ပို့လည်း ပါဝင်ကြောင်း   သိရသည်။   ဓားပြဂိုဏ်းသားများသည်    အက်သလက်တီကိုတိုက်စစ်မှူး  မိုရာတာနှင့်  ရီးယဲလ်နည်းပြ    ဇီဒန်းတို့၏ နေအိမ်များကိုလည်း ဖောက်ထွင်းရန် ပစ်မှတ်ထားခဲ့ကြောင်း သိရသည်။                       

Ref:Marca

Read 20 times Last modified on Saturday, 19 October 2019 13:32