SJ WorldNews - шаблон joomla Авто

ရန်ကုန်ယူနိုက်တက်အသင်း ရန်အောင်ကျော်မှလွဲ၍ ကျန်ကစားသမားများကို စာချုပ်သက်တမ်း တိုးရန်စီစဉ်

Tuesday, 31 March 2020 09:53 font size decrease font size decrease font size increase font size increase font size

ရန်ကုန်၊ ဘောလုံး

ရန်ကုန်ယူနိုက်တက်အသင်း၏ အမာခံကစားသမားအများစုသည် ယခုနှစ်ကုန်ပိုင်းတွင် စာချုပ် သက်တမ်းကုန်ဆုံးမည်ဖြစ်၍ စာချုပ်သက်တမ်းတိုးရန် စီစဉ်ထားကြောင်း သိရသည်။

စာချုပ်သက်တမ်း ကုန်ဆုံးမည့် ကစားသမားများတွင် အမာခံကစားသမားများဖြစ်သည့်  ကျော်ဇင်ထက်၊  သိန်းသန်းဝင်း၊ ကြည်လင်း၊ သန်းပိုင်၊ အီစိုး၊ ငြိမ်းချမ်းအောင်နှင့် ရန်အောင် ကျော်တို့ပါဝင်နေပြီး ကစားသမားဘဝမှ အနားယူတော့မည့် ရန်အောင်ကျော်မှလွဲ၍ကျန် ကစားသမားများကို သက်တမ်းတိုးမည်ဖြစ်သည်။

''ဒီနှစ်ကုန်မှာ ကစားသမားအများစု စာချုပ်သက်တမ်း ကုန်ဆုံးဖို့ရှိပါတယ်။ ရန်အောင်ကျော်က ကစားသမားဘဝက အနားယူတော့မှာဖြစ်တာကြောင့် သူကလွဲရင် ကျန်ကစားသမားတွေကို စာချုပ်သက်တမ်းတိုးမှာပါ။ တချို့က တစ်နှစ်ချင်းစီ သက်တမ်းတိုးတဲ့သူတွေရှိသလို ကျော်ဇင်ထက် ဆိုရင် နှစ်နှစ်စာချုပ်ချုပ်ထားပြီး ဒီနှစ်မှာ သက်တမ်းကုန်မှာဖြစ်ပါတယ်။ ရန်ကုန်ယူနိုက်တက်အသင်းမှာ နှစ်ကာလရှည် ကစားထားတဲ့သူတွေက ရန်ကုန်ယူနိုက်တက် အသင်းမှာပဲ ဆက်ကစားချင်ကြတာကြောင့် သက်တမ်းတိုးနိုင်မယ်လို့ ယုံကြည်ပါတယ်။ စာချုပ်သက်တမ်းတိုးဖို့လည်း ဆွေးနွေးထားပြီးဖြစ်ပါတယ်'' ဟု ရန်ကုန်ယူနိုက်တက် အသင်း အုပ်ချုပ်သူ ဦးမြင့်သိန်း ကပြောသည်။

ရန်ကုန်ယူနိုက်တက်အသင်းသည် ယခု ရာသီအစတွင် ကစားသမားသစ် ခေါ်ယူထားသော် လည်း အမာခံကစားသမားများကို ဆက်လက် ထိန်းသိမ်းနိုင်ခဲ့သည်။ ယခုနှစ်ကုန်တွင် စာချုပ်သက်တမ်း ကုန်ဆုံးမည့် ကစားသမားများအနက် ငယ်မွေးခြံပေါက် ကစားသမားဖြစ် သည့် အီစိုး၊ သန်းပိုင်နှင့် ကြည်လင်းတို့ပါဝင်နေပြီး ကျော်ဇင်ထက်၊ ငြိမ်းချမ်းအောင်နှင့် သိန်းသန်းဝင်းတို့မှာမူ တခြားကလပ်အသင်းများမှ ပြောင်းရွှေ့လာခြင်းဖြစ်ကြောင်း သိရသည်။                 

 TZW

Read 33 times Last modified on Tuesday, 31 March 2020 09:55