နိုင်ငံတကာတင်းမာမှုများကြားက တရုတ်၏ ရှေ့ခြေလှမ်းများ
COVID-19 ကမ္ဘာ့ကပ်ရောဂါနှင့်အတူ အကျပ်အတည်းများနှင့် ရင်ဆိုင်နေရသည့် ကာလအတွင်း နိုင်ငံတကာ၌ စိန်ခေါ်မှုများက ကြီးကြီးမားမားတွေ့ကြုံနေရသည်။ လက်ရှိတွင် တရုတ်နိုင်ငံအပေါ် အမေရိကန်ပြည် ထောင်စု၏ ခြိမ်းခြောက်မှုများ တိုးပွားလာခြင်းနှင့်အတူ စီးပွားရေးနှင့် သံတမန်ဆက်ဆံရေးဆိုင်ရာ အကျပ် အတည်းများနှင့် ရင်ဆိုင်နေရချိန် တရုတ်နိုင်ငံ ပေကျင်းမြို့၌ အောက်တိုဘာ ၂၆ ရက်မှ ၂၉ ရက်အတွင်း (၁၉) ကြိမ်မြောက် တရုတ်ကွန်မြူနစ်ပါတီ ဗဟိုကော်မတီမှ ဦးစီးကျင်းပသည့် မျက်နှာစုံညီ အစည်းအဝေးကို နိုင်ငံတကာက သတိထားစောင့်ကြည့်ခဲ့ကြသည်။